തിരുവനന്തപുരം. വിളപ്പിൽശാലയിൽ പോക്സോ കേസിൽ പ്രതി പിടിയിൽ.ഒളിവിലായിരുന്ന വിളപ്പിൽ വില്ലേജിൽ താമസിക്കുന്ന അഭയ്(24) ആണ് വിളപ്പിൽശാല പൊലീസിന്റെ പിടിയിലായത്.
കഴിഞ്ഞ ഏപ്രിലിൽ നടന്ന സംഭവത്തെ തുടർന്നാണ് കേസ് രജിസ്റ്റർ ചെയ്തത്.തുടർന്ന് ഒളിവിൽ പോയ പ്രതിക്കെതിരെ പൊലീസ് അന്വേഷണം ശക്തമാക്കിയിരുന്നു.പ്രതിക്കെതിരെ ലുക്ക്ഔട്ട് നോട്ടീസും പുറപ്പെടുവിച്ചിരുന്നു.
അന്വേഷണത്തിനൊടുവിൽ ഇന്ന് പുലർച്ചെ അഞ്ചരയോടെയാണ് പ്രതി പൊലീസിന്റെ പിടിയിലായത്.
പ്രതിക്കെതിരെ ലഹരിക്കച്ചവടം, അടിപിടി ഉൾപ്പെടെ നിരവധി കേസുകൾ നിലവിലുണ്ടെന്ന് വിളപ്പിൽശാല പൊലീസ് അറിയിച്ചു.