Home Blog Page 476

പ്രതിസന്ധി മറികടക്കുമോ? കൂടുതൽ വൈദ്യുതി വാങ്ങാൻ കെഎസ്ഇബി നീക്കം, ഒരു വര്‍ഷത്തേയ്ക്ക് 200 മെഗാവാട്ട് വൈദ്യുതി വാങ്ങും

തിരുവനന്തപുരം: പ്രതിസന്ധി മറികടക്കാൻ കൂടുതൽ വൈദ്യുതി വാങ്ങാൻ കെഎസ്ഇബി. ഈ മാസം 15 മുതൽ ഒരു വര്‍ഷത്തേയ്ക്ക് 200 മെഗാവാട്ട് വൈദ്യുതി രാവും പകലും വാങ്ങാൻ ടെൻഡര്‍ വിളിക്കാൻ നിര്‍ദേശം നല്‍കിയിട്ടുണ്ട്. കോര്‍ കമ്മിറ്റി നിര്‍ദേശം അടുത്ത ബോര്‍ഡ് യോഗത്തിൽ അവതരിപ്പിക്കും.

Also Read: എസ് സി/ എസ് ടി വകുപ്പിനെതിരെ പരാതിയുമായി കൊല്ലത്തെ ആദിവാസി ദമ്പതികൾ;`ഗർഭകാലത്ത് ആവശ്യമായ സഹായം നൽകിയില്ല, കുഞ്ഞുങ്ങൾക്ക് നൽകുന്നത് തിളപ്പിച്ചാറിയ വെള്ളം’

സെപ്തംബറിൽ കൂടുതൽ വൈദ്യതി വാങ്ങാനായി വീണ്ടും ടെൻഡര്‍ വിളിക്കും. അദ്യടെൻ‍ഡറിൽ യൂണിറ്റിന് 12 രൂപ കമ്പനികള്‍ ചോദിച്ചതിനാൽ കരാറുണ്ടാക്കിയില്ല . ജനുവരിൽ മുതൽ മേയ് 15 വരെയുള്ള വൈദ്യുതി വാങ്ങൽ കരാറുകള്‍ക്കുള്ള നടപടികള്‍ തുടങ്ങാനും കോര്‍ കമ്മിറ്റി യോഗം തീരുമാനിച്ചു. ദീര്‍ഘകാല കരാറുകള്‍ക്ക് ടെൻഡറുകള്‍ വിളിച്ചങ്കിലും ന്യായമായ നിരക്കിൽ കിട്ടാത്തതിനാൽ കരാറായില്ല. റീ ടെന്‍ഡര്‍ നടപടികള്‍ക്ക് സര്‍ക്കാരിനോട് ആലോചിക്കുകയാണ് കെഎസ്ഇബി.

എസ് സി/ എസ് ടി വകുപ്പിനെതിരെ പരാതിയുമായി കൊല്ലത്തെ ആദിവാസി ദമ്പതികൾ;`ഗർഭകാലത്ത് ആവശ്യമായ സഹായം നൽകിയില്ല, കുഞ്ഞുങ്ങൾക്ക് നൽകുന്നത് തിളപ്പിച്ചാറിയ വെള്ളം’

കൊല്ലം: എസ് സി/ എസ് ടി വകുപ്പിനെതിരെ പരാതിയുമായി ആദിവാസി ദമ്പതികൾ. ​ഗർഭകാലത്ത് ആവശ്യമായ സഹായം നൽകിയില്ലെന്നാണ് കൊല്ലം അച്ചൻകോവിലിൽ നിന്നുള്ള ദമ്പതികളായ അഞ്ജുവിൻ്റെയും സുനിലിൻ്റെയും പരാതി. ഭാരക്കുറവുമായി ജനിച്ച ഇരട്ടക്കുഞ്ഞുങ്ങളെ പോറ്റാൻ മാർഗ്ഗമില്ലെന്നും ഇരുവരും പറയുന്നു. സംഭവത്തിൽ കുഞ്ഞുങ്ങൾക്ക് വേണ്ട ആരോഗ്യ പരിചരണം നൽകാൻ മന്ത്രി ബിന്ദു കൃഷ്ണ ഡിഎംഒയ്ക്ക് നിർദേശം നൽകി.

Also Read: അടിവയറ്റിൽ ചവിട്ടി, കൊല്ലുമെന്ന് ഭീഷണി; യൂട്യൂബർ ഖാദർ കരിപ്പൊടിയും സംഘവും പ്രവാസി യുവാവിനെ മർദ്ദിക്കുന്ന കൂടുതൽ ദൃശ്യങ്ങൾ പുറത്ത്

കൊല്ലം അച്ചൻകോവിലിൽ നിന്നുള്ള ദമ്പതികളാണ് പരാതിയുമായി രം​ഗത്തെത്തിയിരിക്കുന്നത്. ജനിച്ച ഇരട്ടക്കുഞ്ഞുങ്ങൾക്ക് ഭാരക്കുറവുണ്ട്. മുലപ്പാൽ കുറവായതിനാൽ കുഞ്ഞുങ്ങൾക്ക് തിളപ്പിച്ചാറിയ വെള്ളമാണ് നൽകുന്നതെന്ന് അഞ്ജു പറയുന്നു. ഗർഭകാലത്ത് ലഭ്യമാക്കേണ്ട പോഷകാഹാരങ്ങൾ നൽകിയില്ല എന്നും എസ് ടി പ്രമോട്ടർ തിരിഞ്ഞു പോലും നോക്കിയിട്ടില്ലെന്നും ദമ്പതികൾ പറഞ്ഞു. പരാതിയെ തുടർന്ന് കുഞ്ഞുങ്ങൾക്ക് വേണ്ട ആരോഗ്യ പരിചരണം നൽകാൻ ഡിഎംഒയ്ക്ക് നിർദേശം നൽകിയതായി മന്ത്രി ബിന്ദു കൃഷ്ണ അറിയിച്ചു. എസ് സി/ എസ് ടി വകുപ്പ് മന്ത്രിയെ വിളിച്ച് കാര്യങ്ങൾ ധരിപ്പിച്ചിട്ടുണ്ട്. സംഭവത്തിൽ വിശദമായ അന്വേഷണം നടത്തുമെന്നും കുറ്റക്കാർക്ക് എതിരെ നടപടി ഉണ്ടാകുമെന്നും മന്ത്രി വ്യക്തമാക്കി.

പാറശ്ശാല എസ് എ എൽ പി എസ് ലഹരി വിരുദ്ധ റാലി നടത്തി

പാറശ്ശാല :’ലഹരി അല്ല ഫുട്ബോൾ ആണ് നമ്മുടെ ഹരം’എന്ന മുദ്രാവാക്യവുമായി കുറുങ്കുട്ടി
സാൽവേഷൻ ആർമി എൽ പി എസിൻ്റെ നേതൃത്വത്തിൽ ലഹരി വിരുദ്ധ സന്ദേശ റാലി നടത്തി. പാറശാല ഗ്രാമപഞ്ചായത്ത് പ്രസിഡൻറ് എസ് സുരേന്ദ്രൻ ഉദ്ഘാടനം ചെയ്തു. പാറശ്ശാല എഇഒ പ്രേമലത മുഖ്യ സന്ദേശം നൽകി.
സ്കൂൾ ഹെഡ്മിസ്ട്രസ് ജാൻസി ജോൺ,
മുൻ പ്രഥമ അധ്യാപകരായ അജിത ബി ആർ, ഗീത കുമാരി, ഫ്രണ്ട്സ് ലൈബ്രറി പ്രസിഡൻറ് സുരേന്ദ്രൻ പിടിഎ പ്രസിഡൻറ് മുനിമോൻ എന്നിവർ സംസാരിച്ചു.

അടിവയറ്റിൽ ചവിട്ടി, കൊല്ലുമെന്ന് ഭീഷണി; യൂട്യൂബർ ഖാദർ കരിപ്പൊടിയും സംഘവും പ്രവാസി യുവാവിനെ മർദ്ദിക്കുന്ന കൂടുതൽ ദൃശ്യങ്ങൾ പുറത്ത്

കാസർകോട്: പ്രവാസിയായ അബ്ദുൽ അഹദിനെ യൂട്യൂബർ ഖാദർ കരിപ്പൊടി മർദ്ദിക്കുന്ന കൂടുതൽ ദൃശ്യങ്ങൾ പുറത്ത്. അടിവയറ്റിൽ ചവിട്ടുന്നതും കൊല്ലുമെന്ന് ഭീഷണിപ്പെടുത്തുന്നതുമായ ദൃശ്യങ്ങളാണ് പുറത്ത് വന്നത്. കാസർകോട് അണങ്കൂരിൽ വെച്ചാണ് ഇയാളും കൂട്ടാളികളും അബ്ദുൽ അഹദിനെ മർദിച്ചത്. ഖാദർ കരിപ്പൊടി തനിക്കെതിരെ നടത്തിയത് ക്വട്ടേഷൻ ആക്രമണമെന്ന് അഹദ് പറഞ്ഞു. തൻ്റെ വ്യാപാര ഇടപാടുകാരനുമായി ബന്ധപ്പെട്ടുള്ള സാമ്പത്തിക ഇടപാട് ചോദിക്കാൻ എന്ന് പറഞ്ഞ് വിളിച്ച് തർക്കിക്കുകയും മർദിക്കുകയുമായിരുന്നു. ദിവസങ്ങൾ കഴിഞ്ഞിട്ടും പൊലീസ് ഇയാളെ അറസ്റ്റ് ചെയ്യാത്തത് സ്വാധീനമുള്ളത് കൊണ്ടെന്ന് സംശയമുണ്ടെനും അബ്‌ദുൽ അഹദ് പറഞ്ഞു.

Also Read: അമേരിക്കൻ പൈലറ്റിനെ വെടിവെച്ചു കൊന്നു, വിമാനത്തിന് തീയിട്ടു; ഇന്തോനേഷ്യയിലെ പാപ്പുവയിൽ വിമതരുടെ പ്രകോപനം

ഉദുമ സ്വദേശിയായ യുവാവിനെ ക്രൂരമായി മർദ്ദിച്ച് കൊലപ്പെടുത്താൻ ശ്രമിച്ച കേസിൽ പ്രതിയായ ഖാദർ കരിപ്പൊടിക്കെതിരെ കൂടുതൽ ആരോപണവുമായി പരാതിക്കാരൻ രംഗത്ത്. ഖാദർ കരിപ്പൊടി തനിക്കെതിരെ നടത്തിയത് മുൻകൂട്ടി ആസൂത്രണം ചെയ്ത ക്വട്ടേഷൻ ആക്രമണമാണെന്ന് മർദനമേറ്റ അബ്ദുൾ അഹദ് ആരോപിച്ചു. പണമിടപാടിന്റെ കാര്യം സംസാരിക്കാനെന്ന് പറഞ്ഞാണ് തന്നെ വിളിച്ചുവരുത്തിയത്. എന്നാൽ യാതൊരുവിധ പ്രകോപനവുമില്ലാതെ ഖാദറും കൂടെയുണ്ടായിരുന്ന രണ്ട് പേരും ചേർന്ന് തന്നെ ക്രൂരമായി മർദ്ദിക്കുകയായിരുന്നു. സംഭവം നടന്ന് ദിവസങ്ങൾ കഴിഞ്ഞിട്ടും പ്രതികളെ അറസ്റ്റ് ചെയ്യാൻ പൊലീസ് തയ്യാറാകാത്തത് ഖാദറിന്റെ ഉന്നത സ്വാധീനം മൂലമാണെന്ന് സംശയിക്കുന്നതായും അഹദ് പറഞ്ഞു. ഇതിനുപുറമെ, ഇൻഫ്ലുവൻസർ എന്ന നിലയിലുള്ള തന്റെ സൈബർ സ്വാധീനം ഉപയോഗിച്ച് ഖാദർ കരിപ്പൊടി തന്നെ സോഷ്യൽ മീഡിയയിലൂടെ നിരന്തരം വ്യക്തിഹത്യ നടത്തുകയും അപമാനിക്കുകയും ചെയ്യുകയാണ്. ഇതിനെതിരെയും ശക്തമായ നിയമനടപടികളുമായി മുന്നോട്ടുപോകുമെന്നും അബ്ദുൾ അഹദ് വ്യക്തമാക്കി.

അമേരിക്കൻ പൈലറ്റിനെ വെടിവെച്ചു കൊന്നു, വിമാനത്തിന് തീയിട്ടു; ഇന്തോനേഷ്യയിലെ പാപ്പുവയിൽ വിമതരുടെ പ്രകോപനം

ജക്കാർത്ത: ഇന്തോനേഷ്യയിലെ പാപ്പുവയിൽ അമേരിക്കൻ പൈലറ്റിനെ വെടിവച്ചു കൊന്നും യാത്രാ വിമാനത്തിന് തീയിട്ടും വിമതരുടെ പ്രകോപനം. പ്രാദേശിക വിഘടനവാദ സംഘടനയായ വെസ്റ്റ് പാപ്പുവ നാഷണൽ ലിബറേഷൻ ആർമി (ടിപിഎൻപിബി) ആണ് ആക്രമണം നടത്തിയത്. ആക്രമണത്തെ അമേരിക്കൻ, ഇന്തോനേഷ്യൽ ഭരണകൂടങ്ങൾക്കുള്ള സന്ദേശമെന്ന് സംഘടനാ വക്താവ് വിശേഷിപ്പിച്ചതായി അന്താരാഷ്ട്ര വാർത്താ ഏജൻസിയായ റോയിറ്റേഴ്സ് റിപ്പോർട്ട് ചെയ്തു. അമേരിക്കൻ പൈലറ്റായ നിക്കോളാസ് എഫ് ഗോസെലിനെ ആണ് വെടിവെച്ചു കൊന്നതെന്നും ഇയാളുടെ വിമാനം കത്തിച്ചുവെന്നും ടിപിഎൻപിബി വക്താവ് പറഞ്ഞു.

Also Read: കൊല്ലത്ത് ഭാര്യയും ഭർത്താവും തമ്മിലുള്ള വഴക്കിനിടയിൽ തടസ്സം പിടിക്കാൻ എത്തിയ അമ്മായി അമ്മയ്ക്ക് മരുമകന്റെ മർദ്ദനമേറ്റ് ദാരുണാന്ത്യം

ഇന്തോനേഷ്യൽ സൈനികരെ പതിവായി കൊണ്ടുവരുന്നതിലും സംഘടനയുടെ അന്ത്യശാസനം ലംഘിച്ചതിനുമുള്ള പ്രതികാരമാണെന്നാണ് ടിപിഎൻപിബിയുടെ വിശദീകരണം. ഹൈലാൻഡ് പാപ്പുവ പ്രവിശ്യയിലെ യഹുകിമോ വിമാനത്താവളത്തിൽ വിമാനം ലാൻഡ് ചെയ്തതിന് പിന്നാലെയാണ് ആക്രമണം ഉണ്ടായത്. ഹൈലാൻഡ് പാപ്പുവയിലെ മറ്റൊരു നഗരമായ വമേനയിൽനിന്ന് യഹുകിമോയിലേക്ക് വന്ന വിമാനമാണ് ആക്രമിക്കപ്പെട്ടത്. സ്വകാര്യ ഓപ്പറേറ്ററുടെ ഉടമസ്ഥതയിലുള്ള ഈ വിമാനത്തിൽ പാപ്പുവയിലെ വിദൂര ഗ്രാമങ്ങളിലേക്ക് ഭക്ഷണം, ഇന്ധനം, കത്തുകൾ തുടങ്ങിയവ എത്തിച്ചിരുന്നു.

അതേസമയം അമേരിക്കൻ പൈലറ്റും ഏഴ് യാത്രക്കാരും ഉണ്ടായിരുന്ന വിമാനം യഹുകിമോ വിമാനത്താവളത്തിൽ കത്തിയ നിലയിൽ കണ്ടെത്തിയതായി പാപ്പുവയിലെ ഇന്തോനേഷ്യയുടെ സംയുക്ത പൊലീസ് – സൈനിക നടപടികളുടെ വക്താവ് സ്ഥിരീകരിച്ചു. എന്നാൽ ആക്രമണത്തിന് പിന്നിൽ വിമത സംഘടനയാണോ എന്നും പൈലറ്റ് കൊല്ലപ്പെട്ടോ എന്നും വ്യക്തമാക്കിയിട്ടില്ല. വിമാനത്തിൽ ഉണ്ടായിരുന്ന മുഴുവൻ യാത്രക്കാരും പാപ്പുവയിൽ നിന്നുള്ളവരാണെന്നും അദ്ദേഹം അറിയിച്ചു.

പാപ്പുവയിൽ ഇന്തോനേഷ്യൻ സൈന്യവും ടിപിഎൻപിബിയും തമ്മിൽ നടക്കുന്ന സംഘർഷത്തിൻ്റെ മൂലകാരണങ്ങൾ പരിഹരിക്കുന്നതിൽ ഇന്തോനേഷ്യൻ, യുഎസ് ഭരണകൂടങ്ങൾ പരാജയപ്പെടുന്നതിലുള്ള സന്ദേശമാണ് ആക്രമണമെന്ന് ടിപിഎൻപിബി വക്താവ് പറഞ്ഞു. പാപ്പുവയിലെ വിമതരുടെ നിയന്ത്രണത്തിലുള്ള മേഖലകളിലേക്ക് യാത്രാ വിമാനങ്ങൾ അനുവദിക്കുന്നത് തുടർന്നാൽ ആക്രമണം ആരംഭിക്കുമെന്നും അദ്ദേഹം മുന്നറിയിപ്പ് നൽകി.

സംഭവത്തിൽ ഇന്തോനേഷ്യൻ തലസ്ഥാനമായ ജക്കാർത്തയിൽ പ്രവർത്തിക്കുന്ന യുഎസ് എംബസി പ്രതികരിച്ചിട്ടില്ല. 2024ൽ പാപ്പുവയിൽ ഇറങ്ങിയ ചെറു വാണിജ്യ വിമാനത്തിൽ ഉണ്ടായിരുന്ന ന്യൂസിലൻഡ് സ്വദേശിയായ പൈലറ്റിനെ വിമതർ തട്ടിക്കൊണ്ടുപോകുകയും പിന്നീട് വിട്ടയയ്ക്കുകയും ചെയ്തിരുന്നു.

ശ്രീ ബുദ്ധ സെൻട്രൽ സ്കൂളിൽ ഇന്ത്യന്‍ ദന്തല്‍ അസോസിയേഷന്‍ ലഹരി വിരുദ്ധ ബോധവല്‍ക്കരണ പരിപാടി നടത്തി

കരുനാഗപ്പള്ളി. ഇന്ത്യന്‍ ദന്തല്‍ അസോസിയേഷന്‍ ബ്രാഞ്ച്, WDC-യുടെ സഹകരണത്തോടെ, ലഹരിവസ്തു ദുരുപയോഗത്തിനും അനധികൃത കടത്തിനുമെതിരായ അന്താരാഷ്ട്ര ദിനാചരണത്തിന്റെ ഭാഗമായി “ജാഗ്രത 2.0” എന്ന പേരിൽ ശ്രീ ബുദ്ധ സെൻട്രൽ സ്കൂളിൽ പരിപാടി സംഘടിപ്പിച്ചു.
ബോധവൽക്കരണ ക്ലാസും ദന്തപരിശോധന ക്യാമ്പും നടത്തി. കൂടാതെ 400 വിദ്യാർത്ഥികൾക്ക് സൗജന്യ ദന്തപരിശോധനയും നടത്തി.

കൺസൾട്ടന്റ് പ്രശസ്ത ദന്തിസ്റ്റായ ഡോ. ശാലിനി ലഹരിവസ്തു ദുരുപയോഗം മൂലമുണ്ടാകുന്ന വായിലെ ആരോഗ്യപ്രശ്നങ്ങളെക്കുറിച്ച് ബോധവൽക്കരണ ക്ലാസ് നയിച്ചു. അൻഷാദ് അനധികൃത ലഹരിവസ്തു കടത്തിനെക്കുറിച്ച് ബോധവൽക്കരണ ക്ലാസ് അവതരിപ്പിച്ചു.
ദന്തപരിശോധന ക്യാമ്പിന് ഡോ. ആതിര എസ്. മോഹൻ നേതൃത്വം നൽകി.

പരിപാടിയിൽ ഡോ. ഫാത്തിമ അസ്നാർ, ഡോ. അഭിത എസ്., ഡോ. സബീന സജീദ്, ഡോ. കൗസ്തുഭ് എൻ. ദാസ്, ഡോ. രശ്മി പിള്ള, ഡോ. കാർത്തിക എം. വി., ഡോ. ശ്രീദേവി പി., ഡോ. നഷ്മിയ, ഡോ. നെസ്മൽ എസ്. എന്നിവർ പങ്കെടുത്തു.

ഡോ. ലക്ഷ്മി കെ. ആർ യും ഡോ. ജുബിന ഖാലംയും പരിപാടിയുടെ ഏകോപനവും നേതൃത്വവും മികച്ച രീതിയിൽ നിർവഹിച്ച് പരിപാടി വിജയകരമാക്കി.

മൈനാഗപ്പള്ളി കടപ്പ കുരുമ്പോലിൽ ചന്ദ്രികാ ദേവി അമ്മ നിര്യാതയായി

മൈനാഗപ്പള്ളി :മൈനാഗപ്പള്ളി കടപ്പ കുരുമ്പോലിൽ പരേതനായ കെ ജി മാധവൻ നായരുടെ സഹധർമ്മിണി ചന്ദ്രികാ ദേവി അമ്മ (83) നിര്യാതയായി. മക്കൾ :അംബികദേവി, അനിത, അജിത്, ഗോപാലകൃഷ്ണൻ (late) മരുമക്കൾ : ഗംഗാധരൻ പിള്ള, പുരുഷോത്തമ പണിക്കർ, ലേഖ ഉണ്ണിത്താൻ, സുധ. സഞ്ചയനം. 6,തിങ്കളാഴ് ച

ശൂരനാട് വടക്ക് പഞ്ചായത്തിൽയോഗാദിന സന്ദേശവും യോഗ പരിശീലനവും സംഘടിപ്പിച്ചു

ശൂരനാട്:ശൂരനാട് വടക്ക് ഗ്രാമ പഞ്ചായത്തിന്റെയും ആയുഷ് പ്രൈമറി ഹെൽത്ത് സെന്ററിന്റെയും സംയുക്ത ആഭിമുഖ്യത്തിൽ അന്താരാഷ്ട്ര യോഗ ദിനത്തോടനുബന്ധിച്ച് യോഗാദിന സന്ദേശവും, യോഗ പരിശീലനവും സംഘടിപ്പിച്ചു.ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഷീജ ഷാജി അധ്യക്ഷത വഹിച്ചു.

ഗ്രാമ പഞ്ചായത്ത് പ്രസിഡന്റ് ശ്രീലക്ഷ്മി ഉദ്ഘാടനം നിർവഹിച്ചു,വൈസ് പ്രസിഡന്റ് സുമംഗല ടീച്ചർ,അംഗങ്ങളായ ലെത്തീഫ് പെരുംകുളം,ബിനു,ബിജു പട്ടാറ,ശാന്തകുമാരി,ഗ്രീഷ്മ ശ്രീകുമാർ,ബിജു തെന്നില,ഡോ.ഷിമി എന്നിവർ പങ്കെടുത്തു.

മണ്ണൂർക്കാവ് കഥകളി ഫെസ്റ്റിവൽ തുടങ്ങി

മൈനാഗപ്പള്ളി: പതിനൊന്നാമത് മണ്ണൂർക്കാവ് കഥകളി ഫെസ്റ്റിവൽ ആരംഭിച്ചു.ആധുനിക കാലഘട്ടത്തിൽ ക്ലാസ്സിക്കൽ കലകളെ കൂടുതൽ ജനകീയമാക്കുന്നതിനുള്ള കേരളത്തിലെ മഹത്തായ വേദിയാണ് മണ്ണൂർക്കാവെന്നും, സാംസ്കാരികപ്രവർത്തനത്തെ ആരാധനയുടെകൂടി ഭാഗമാക്കി മാറ്റിയ ക്ഷേത്രമാണിതെന്നും ഉത്ഘാടനം നിർവ്വഹിച്ചുകൊണ്ട് ചലച്ചിത്ര നടനും സംവിധായകനുമായ മധുപാൽ പറഞ്ഞു.

വിദ്യാർത്ഥികൾക്കും,കലാപ്രതിഭകൾക്കുമുള്ള അവാർഡുദാനം ഉല്ലാസ്കോവൂർ എം.എൽ.എ.നിർവ്വഹിച്ചു.സി.ആർ.മഹേഷ്‌ എം.എൽ.എ. മുഖ്യപ്രസംഗം നടത്തി.ക്ഷേത്ര ഭരണസമിതി പ്രസിഡന്റ് രവിമൈനാഗപ്പള്ളി അധ്യക്ഷത വഹിച്ചു.പി. രാജേന്ദ്രപ്രസാദ്, പി. കെ. ഗോപൻ, രാജി പ്രസാദ്, എസ്. അജയൻ, വൈ. ഷാജഹാൻ, സന്ധ്യാ മധു,എ.എസ്. അമൽ, കലാമണ്ഡലം പ്രശാന്ത് എന്നിവർ പ്രസംഗിച്ചു.
സെക്രട്ടറി സുരേഷ് ചാമവിള സ്വാഗതവും, പ്രസാദ് മണ്ണൂർക്കാവ് നന്ദിയും പറഞ്ഞു.

നാളെ വൈകിട്ട് 3 ന് കേളികൊട്ട്, തുടർന്ന് മുഖമൊഴി, വിഷയം:കഥകളി ചരിത്ര വഴികളിലൂടെ,ശ്രി. കുരുമ്പോലിൽ ശ്രീകുമാർ വിഷയം അവതരിപ്പിക്കും.4.30 ന് മണ്ണൂർക്കാവ് കഥകളി പഠനകേന്ദ്രം മേളം വിഭാഗത്തിലെ 8 വിദ്യാർത്ഥികളുടെ അരങ്ങേറ്റം.6 ന് കഥകളി,കഥ. നളചരിതം ഒന്നാം ദിവസം എന്നിവയാണ് പരിപാടികൾ.

റവ. എ ആർ നോബിൾ കേരള കൗൺസിൽ ഓഫ് ചർച്ചസ് അസോസിയേറ്റ് സെക്രട്ടറി

തിരുവനന്തപുരം:
വേൾഡ് കൗൺസിൽ ഓഫ് ചർച്ചസിന്റെ കേരള ഘടകമായ കേരള കൗൺസിൽ ഓഫ് ചർച്ചസിന്റെ അടുത്ത മൂന്ന് വർഷത്തേക്കുള്ള അസോസിയേറ്റ് സെക്രട്ടറിയായി സി എസ് ഐ ദക്ഷിണ കേരള മഹായിടവകയിലെ പുരോഹിതനായ റവ. എ ആർ നോബിളിനെ തിരഞ്ഞെടുത്തു. കെ സി സി പ്രസിഡന്റ്‌ അലക്സിയോസ് മാർ യൗസേബിയസ് മെത്രാപ്പൊലിത്തയുടെ അധ്യക്ഷതയിൽ തിരുവനന്തപുരം എൽഎംഎസ് കോമ്പൗണ്ടിലെ വിമൻസ് സെന്ററിൽ നടന്ന എക്സിക്യൂട്ടീവ് കമ്മിറ്റിയിൽ ഐക്യകണ്ഠേനയായിരുന്നു തെരെഞ്ഞെടുപ്പ്.
കെ സി സി ക്ലർജി കമ്മീഷൻ സംസ്ഥാന ചെയർമാനായും കെസിസി തിരുവനന്തപുരം ജില്ലാ പ്രസിഡന്റായും പ്രവർത്തിക്കുന്നു. കഴക്കൂട്ടം സി എസ് ഐ സഭയുടെ പുരോഹിതനാണ്. തിരുവനന്തപുരം വെള്ളറട സ്വദേശിയാണ്.

1...475476477...1,545Page 476 of 1,545