കൊല്ലം : കൊട്ടാക്കര നീലേശ്വരം മുക്കോണിമുക്കിൽ ബസ് സ്റ്റോപ്പിൽ മണ്ണ് കയറ്റി വന്ന ടിപ്പർ ലോറി പാഞ്ഞ് കയറിയുണ്ടായ അപകടത്തിൽ മരിച്ച മൂന്ന് പേരെയും തിരിച്ചറിഞ്ഞു.
പാർത്ഥിപ് (15) അജയകുമാർ (40) ഹരിലാൽ (54) എന്നിവരാണ് മരിച്ചത് കൊട്ടാരക്കര താലൂക്ക് ആശുപത്രി മോർച്ചറിയിലാണ് മൃതദേഹം.
പലരും ഉയർന്ന രക്തസമ്മർദ്ദത്തെ നിശബ്ദ കൊലയാളി എന്നാണ് വിളിക്കുന്നത്. ഇടയ്ക്കിടെ ചെയ്യുന്ന ആരോഗ്യ പരിശോധനകളിൽ രക്തസമ്മർദ്ദം ഉയർന്നതായി കാണുമ്പോൾ അത് അത്ര ഗൗരവമുള്ളതായി നമ്മൾ നോക്കി കാണാറില്ല. എന്നാൽ ദീർഘകാലാടിസ്ഥാനത്തിൽ ഇത് വലിയ ആരോഗ്യ പ്രശ്നങ്ങൾക്ക് കാരണമാകും. പക്ഷാഘാതം, ഹൃദ്രോഗം, വൃക്കരോഗം എന്നിവ മൂലമുണ്ടാകുന്ന അകാല മരണങ്ങൾ ഒഴിവാക്കാൻ കൃത്യമായ രക്തസമ്മർദ്ദ നിയന്ത്രണത്തിലൂടെ സാധിക്കും. ഉയർന്ന രക്തസമ്മർദ്ദം കുറയ്ക്കുന്നതിന് ദിവസവുമുള്ള നടത്തം നല്ലതാണെങ്കിലും, അതിനേക്കാൾ വേഗത്തിൽ ഫലം തരുന്ന മൂന്ന് പ്രധാന ദൈനംദിന ശീലങ്ങൾ ഇവയാണ്.
രക്തസമ്മർദ്ദം നിയന്ത്രിക്കുന്നതിനായി ഭക്ഷണത്തിൽ ഉപ്പിന്റെ അളവ് കുറയ്ക്കുന്നത് ഗുണകരമാണ്. ഇത് മറ്റ് പാർശ്വഫലങ്ങൾ ഒന്നുമില്ലാതെ തന്നെ രക്തസമ്മർദ്ദം ഗണ്യമായി കുറയ്ക്കാൻ സഹായിക്കുമെന്ന് പഠനങ്ങളിൽ കണ്ടെത്തിയിട്ടുണ്ട്.
ശരീരത്തിൽ ആവശ്യത്തിന് വെള്ളം നിലനിർത്തേണ്ടതിന് നിരവധി കാരണങ്ങളുണ്ട്. അതിലൊന്നാണ് രക്തസമ്മർദ്ദം സാധാരണ നിലയിലാക്കുക എന്നത്. ദിവസവും 6 മുതൽ 8 ഗ്ലാസ് വരെ വെള്ളം കുടിക്കുന്നത് ഉയർന്ന രക്തസമ്മർദ്ദത്തിനുള്ള സാധ്യത വലിയ രീതിയിൽ കുറയ്ക്കും.
നല്ല ഉറക്കവും രക്തസമ്മർദ്ദവും തമ്മിൽ വളരെ അടുത്ത ബന്ധമുണ്ട്. ഗുണനിലവാരമുള്ള ഉറക്കം രക്തസമ്മർദ്ദം കുറയ്ക്കാൻ സഹായിക്കും. നമ്മൾ ആഴത്തിൽ ഉറങ്ങുമ്പോൾ ശരീരത്തിലെ രക്തക്കുഴലുകൾ അയയുകയും സ്ട്രെസ് ഹോർമോണുകളുടെ അളവ് കുറയുകയും ചെയ്യുന്നു. ഇത് സ്വാഭാവികമായും രക്തസമ്മർദ്ദം താഴ്ത്താൻ സഹായിക്കും. ഉറക്കമില്ലായ്മ നേരിടുന്ന ആളുകളിൽ ഉയർന്ന രക്തസമ്മർദ്ദത്തിനുള്ള സാധ്യത വളരെ കൂടുതലാണ്. ആവശ്യത്തിന് ഉറങ്ങാതിരിക്കുകയോ അല്ലെങ്കിൽ അമിതമായി ഉറങ്ങുകയോ ചെയ്യുന്നവർക്ക് ഉയർന്ന രക്തസമ്മർദ്ദം വരാനുള്ള സാധ്യതയുണ്ട്.
കൊല്ലം: കൊല്ലം കൊട്ടാരക്കരയിലുണ്ടായ ടിപ്പർ ലോറി അപകടത്തിൽ രണ്ട് മരണം സ്ഥിരീകരിച്ചതായി മന്ത്രി ബിന്ദു കൃഷ്ണ. ടിപ്പർ ലോറികളുടെ അപകടപ്പാച്ചിൽ ആശങ്കാജനകമാണെന്നും ഇത് നിയന്ത്രിക്കുന്നതിനാവശ്യമായ നടപടികൾ എടുക്കണമെന്ന് ഓർമിപ്പിക്കുന്നതാണ് ഈ സംഭവമെന്നും മന്ത്രി പറഞ്ഞു. മരണപ്പെട്ടവരുടെ വിവരങ്ങൾ വ്യക്തമല്ലെന്നും അവർ പറഞ്ഞു.
നീലേശ്വരത്ത് നിയന്ത്രണം വിട്ട ടിപ്പർ ലോറി ബസ്റ്റോപ്പിലേക്ക് പാഞ്ഞു കയറിയാണ് അപകടം ഉണ്ടായത്. മണ്ണ് കയറ്റി വന്ന ലോറിയാണ് മറിഞ്ഞത്. ബസ് കാത്ത് നിന്ന കുട്ടികൾക്ക് മുകളിലേക്ക് ടിപ്പര്‍ മറിഞ്ഞു. കുട്ടികൾ ടിപ്പറിനടിയിൽ അകപ്പെട്ടു. അഞ്ചു പേരെയാണ് പുറത്തെടുത്തത്. മൂന്ന് പേരുടെ മരണം സ്ഥിരീകരിച്ചിട്ടുണ്ട്. ബാക്കിയുള്ളവരുടെ പരിക്ക് ഗുരുതരമെന്നാണ് സൂചന. കൂടുതല്‍ കുട്ടികള്‍ മണ്ണിനടിയില്‍ പെട്ടുപോയതായി സംശയമുണ്ട്. രക്ഷാപ്രവര്‍ത്തനം തുടരുകയാണ്.
കൊല്ലം :കൊട്ടാക്കര നീലേശ്വരം മുക്കോളിമുക്കിൽ ബസ് സ്റ്റോപ്പിൽ മണ്ണ് കയറ്റി വന്ന ടിപ്പർ ലോറി മതിലിൽ ഇടിച്ചാണ് മറിഞ്ഞതെന്ന് വിവരം.
കൊല്ലം ചെങ്കോട്ട റോഡിൽ നീലേശ്വരത്ത് രാവിലെ 7.15 ഓടെയായിരുന്നു നാടിനെ നടുക്കിയ ദുരന്തം ഉണ്ടായത്. അമിത വേഗതയിൽ ഇറക്കം ഇറങ്ങി വന്ന ടിപ്പർ ബൈക്കിനെ രക്ഷിക്കാൻ വേണ്ടി വെട്ടിച്ചപ്പോൾ ബസ് കാത്തിരിപ്പു കേന്ദ്രത്തിലേക്ക് ഇടിച്ച് കയറി മറിയുകയായിരുന്നു. ഒരു ഇലക്ടിക്ക് പോസ്റ്റിലേക്കും തൊട്ടടുത്ത മതിലിലേക്കും ടിപ്പർ ഇടിച്ചു. മരിച്ചവരിൽ രണ്ട് പേർ മുതിർന്നവരാണ്. ഒരാൾ വിദ്യാർത്ഥിയും.
മരിച്ചവരിൽ ഒരാൾ നീലേശ്വരം സ്വദേശി ഹരിലാൽ ആണെന്ന് തിരിച്ചറിഞ്ഞു. മറ്റ് രണ്ട് പേരെ തിരിച്ചറിഞ്ഞിട്ടില്ല. പരിക്കേറ്റവരിൽ നാല് പേരുടെ നില ഗുരുതരമാണെന്നാണ് വിവരം. പരിക്കേറ്റവരിൽ ഒരാൾ വെഞ്ഞാറുംമൂട്ടിലെ സ്വകാര്യ ആശുപത്രിയിലും രണ്ട് പേർ കൊല്ലത്തെ സ്വകാര്യ ആശുപത്രിയിലും രണ്ട് പേർ കൊട്ടാരക്കര താലൂക്ക് ആശുപത്രിയിലും ഒരാൾ കൊട്ടരക്കരയിലെ സ്വകാര്യ ആശുപത്രിയിലുമാണ് ചികിത്സയിലുള്ളത്.
ടെഹ്റാൻ: അമേരിക്കയുമായുള്ള സമാധാന ചർച്ചകളിൽ പങ്കെടുത്ത ഇറാൻ പ്രതിനിധി സംഘത്തിനെതിരെ രാജ്യത്തിനകത്ത് യാഥാസ്ഥിതിക വിഭാഗങ്ങളിൽ നിന്നും മാധ്യമങ്ങളിൽ നിന്നും രൂക്ഷവിമർശനം. ചർച്ചാ സംഘത്തിന്റെ യാത്ര മുടങ്ങാനായി വിമാനത്താവളം അടഞ്ഞുകിടന്നിരുന്നെങ്കിൽ എന്ന് തങ്ങൾ ആഗ്രഹിച്ചുപോയെന്ന ഔദ്യോഗിക റേഡിയോ ആൻഡ് ടെലിവിഷൻ നെറ്റ്‌വർക്കായ ഐ ആർ ഐ ബിയടക്കം കടുത്ത വിമർശനമാണ് ഉയർത്തുന്നത്.
വിമർശനം ശക്തമായതോടെ ചർച്ചകൾക്ക് നേതൃത്വം നൽകിയ പാർലമെന്റ് സ്പീക്കർ മുഹമ്മദ് ബഖേർ ഖാലിബാഫ് രംഗത്തെത്തി. അമേരിക്കയുമായുള്ള ഈ ചർച്ച നടന്നിരുന്നില്ല എങ്കിൽ ലെബനനിൽ ഇതിനകം കൂടുതൽ മുസ്‌ലിം രക്തം വീഴുമായിരുന്നുവെന്ന് അദ്ദേഹം വിശദീകരിച്ചു. തന്ത്രപ്രധാനമായ ഹോർമുസ് കടലിടുക്കിന്റെ നിയന്ത്രണവും ഭരണപരമായ കാര്യങ്ങളും അന്താരാഷ്ട്ര നിയമങ്ങൾക്കനുസൃതമായി ഇറാൻ തന്നെ കൈകാര്യം ചെയ്യുമെന്നും സ്പീക്കർ വ്യക്തമാക്കി. ചർച്ചകൾ ഇറാന് നേട്ടമാണ് ഉണ്ടാക്കിയതെന്നും അദ്ദേഹം കൂട്ടിച്ചേർത്തു.
ഇറാന്റെ കയറ്റുമതി വിലക്ക് നീക്കി അമേരിക്ക
അതേസമയം സമാധാന ധാരണയുടെ ഭാഗമായി അന്താരാഷ്ട്ര വിപണിയിലേക്കുള്ള ഇറാന്റെ കയറ്റുമതി വിലക്ക് അമേരിക്ക നീക്കി. അമേരിക്കൻ ട്രഷറി സെക്രട്ടറിയാണ് പ്രഖ്യാപനം നടത്തിയത്. അറുപത് ദിവസത്തേക്കുള്ള താൽക്കാലിക ലൈസൻസാണ് നൽകിയത്. തങ്ങളുടെ ആണവ കേന്ദ്രങ്ങളിൽ പരിശോധനയ്ക്ക് ഇറാൻ അന്താരാഷ്ട്ര ആണവോർജ്ജ ഏജൻസിയെ അനുവദിക്കുന്നത് സമ്മതിച്ചതായി അമേരിക്കൻ വൈസ് പ്രസിഡണ്ട് ജെ ഡി വാൻസ് പ്രഖ്യാപിച്ചതിന് പിന്നാലെയാണ് ഈ നീക്കം. ഇതോടെ ഇറാന്റെ ആണവ പദ്ധതികളുടെ വിവരം ലോകത്തിന് ലഭിക്കും. ഇറാന്റെ പുനർനിർമ്മാണത്തിനുള്ള മുപ്പതിനായിരം കോടി ഡോളർ ഫണ്ട്, ഇറാന്റെ മരവിപ്പിച്ച സ്വത്തുക്കൾ എന്നിവ നൽകുന്നതിനുള്ള നടപടികൾക്കും അമേരിക്ക സമ്മതിച്ചു. ചർച്ചകളിൽ വലിയ പുരോഗതി ഉണ്ടായെന്ന് അമേരിക്കയും, ഉറപ്പുകൾ പാലിക്കുന്നതിന് പകരമായി ഉറപ്പുകൾ തങ്ങളും പാലിക്കുമെന്നാണ് നിലപാടെന്ന് ഇറാനും പറഞ്ഞു. തുടർ നടപടികൾ ഏകോപിപ്പിക്കാൻ ഇരു രാജ്യങ്ങളുടെയും മധ്യസ്ഥ രാഷ്ട്രങ്ങളുടെയും സാങ്കേതിക വിദഗ്ദർ ചർച്ചകൾ തുടരും. ലബനനിലെ സംഘർഷം അവസാനിപ്പിക്കാൻ പ്രത്യേക സെല്ലും രൂപീകരിച്ചു. തർക്കങ്ങളുയർന്നാൽ പരിഹരിക്കാനും സമിതിയുണ്ട്. ഇരു രാഷ്ട്രങ്ങളും ഓരോ വിഷയങ്ങളും ഉന്നയിക്കേണ്ടത് ഇനി മേൽനോട്ടത്തിനായി നിശ്ചയിച്ച ഉന്നതതല സമിതിയെ ആയിരിക്കും.
നയ്പിഡാവ്:ആറ് മാസത്തിനുള്ളിൽ മ്യാൻമറിൽ സൈന്യം കൊലപ്പെടുത്തിയത് 700ലേറെ സാധാരണക്കാരെയെന്ന് റിപ്പോർട്ട്. മ്യാൻമറിൽ തിരഞ്ഞെടുപ്പ് നടന്ന ആറുമാസക്കാലയളവിനിടയിലാണ് ഈ കൊലപാതകങ്ങളെന്നാണ് ഐക്യരാഷ്ട്ര സഭ വ്യക്തമാക്കുന്നത്. കൊല്ലപ്പെട്ടവരിൽ 224 സ്ത്രീകളും 153 കുട്ടികളും ഉൾപ്പെടുന്നതായാണ് യുഎൻ വിശദമാക്കുന്നത്.
കഴിഞ്ഞ വർഷം ആഗസ്റ്റ് മുതൽ ഈ വർഷം ജനുവരി വരെയുള്ള കാലയളവിൽ രാജ്യത്തുടനീളം കുറഞ്ഞത് 702 സാധാരണക്കാരുടെ മരണമെങ്കിലും സ്ഥിരീകരിച്ചിട്ടുണ്ടെന്ന് യു.എൻ മനുഷ്യാവകാശ വിഭാഗത്തിന്റെ ഏറ്റവും പുതിയ റിപ്പോർട്ട് വിശദമാക്കുന്നത്. വിശ്വസനീയമായ സ്രോതസ്സുകളിൽ നിന്ന് സ്ഥിരീകരിച്ചിട്ടുള്ളതാണ് വിവരങ്ങളെന്നാണ് യു.എൻ മനുഷ്യാവകാശ ഓഫീസ് വക്താവ് വിശദമാക്കിയത്. റിപ്പോർട്ട് ചെയ്യപ്പെട്ട ഈ മരണങ്ങളെല്ലാം തന്നെ നേരിട്ട് മ്യാൻമർ സൈന്യത്തിന്റെ നടപടികൾ മൂലമുണ്ടായതാണെന്നും യുഎൻ വക്താവ് കൂട്ടിച്ചേർത്തു. രാജ്യത്ത് നിലനിൽക്കുന്ന കടുത്ത ആഭ്യന്തര സംഘർഷങ്ങൾക്കും തിരഞ്ഞെടുപ്പുമായി ബന്ധപ്പെട്ടുണ്ടായ അക്രമങ്ങൾക്കും ഇടയിലാണ് ഇത്രയധികം സാധാരണക്കാർക്ക് ജീവൻ നഷ്ടമായതെന്ന് യു.എൻ റിപ്പോർട്ട് വ്യക്തമാക്കുന്നത്.
യുദ്ധവിമാനങ്ങൾ, ഡ്രോണുകൾ, പാരാമോട്ടോറുകൾ, ഗൈറോകോപ്റ്ററുകൾ എന്നിവ ഉപയോഗിച്ച് സൈന്യം നടത്തിയ മാരകമായ ആക്രമണങ്ങളിലാണ് ഇത്രയുമധികം സാധാരണക്കാർ ബാധിക്കപ്പെട്ടത്. 2021ലാണ് അട്ടിമറിയിലൂടെ സൈന്യം മ്യാൻമറിന്റെ നിയന്ത്രണം പിടിച്ചെടുത്തത്. ഇതിന് പിന്നാലെയുണ്ടായ ആഭ്യന്തര കലാപങ്ങളിൽ ആയിരക്കണക്കിന് പേർക്കാണ് ജീവൻ നഷ്ടമായതും പലായനം ചെയ്യേണ്ടി വന്നത്.ഇത് ലഭ്യമായ കൃത്യമായ വിവരങ്ങളുടെ മാത്രം അടിസ്ഥാനത്തിലുള്ള കണക്കാണെന്നും, യഥാർത്ഥ മരണസംഖ്യ ഇതിലും ഉയർന്നതാകാൻ സാധ്യതയുണ്ടെന്നും യുഎൻ വിശദമാക്കുന്നത്. അക്രമങ്ങൾ കൂടുതലായും കേന്ദ്രീകൃതമായിരുന്നത് രാജ്യത്തിന്റെ മധ്യമേഖലകളിലും രാഖിൻ സംസ്ഥാനത്തിലുമായിരുന്നു. പ്രത്യേകിച്ച് തിരഞ്ഞെടുപ്പ് പ്രഖ്യാപിച്ച ഓഗസ്റ്റ്-സെപ്റ്റംബർ മാസങ്ങളിലും, പിന്നീട് ഡിസംബർ മാസത്തിലും സാധാരണക്കാരുടെ മരണനിരക്കിൽ വലിയ വർദ്ധനവുണ്ടായി. തങ്ങളുടെ അധീനതയിലുള്ള പ്രദേശങ്ങൾ വിപുലീകരിക്കാനും നിലനിർത്താനും സൈന്യം നടത്തിയ നീക്കങ്ങളാണ് ഈ സമയങ്ങളിൽ വലിയ അക്രമങ്ങൾക്ക് കാരണമായത്.
മ്യാൻമറിലെ നിലവിലെ സാഹചര്യങ്ങൾ അന്താരാഷ്ട്ര ക്രിമിനൽ കോടതിയുടെ പരിഗണനയ്ക്ക് വിടണമെന്നും, അന്താരാഷ്ട്ര നിയമ ലംഘനങ്ങൾക്കായി ഉപയോഗിക്കാൻ സാധ്യതയുള്ളതിനാൽ മ്യാൻമറിലേക്ക് ആയുധങ്ങൾ, യുദ്ധവിമാനങ്ങൾക്കുള്ള ഇന്ധനം എന്നിവ നൽകുന്നത് തടയാൻ ലോകരാജ്യങ്ങൾ അടിയന്തരമായി ഇടപെടണമെന്നും യു.എൻ. ആവശ്യപ്പെടുന്നുണ്ട്.
ബാഗൽകോട്ട്: ക്രിക്കറ്റ് കളിക്കുന്നതിനിടയിൽ ബോൾ യുവതിയുടെ ശരീരത്തിൽ തട്ടി. സ്കൂൾ വിദ്യാർത്ഥികളെ ജനലിൽ കെട്ടിയിട്ട് തല്ലി നാട്ടുകാർ. കർണാടകയിലെ ബാഗൽകോട്ട് ജില്ലയിലാണ് സംഭവം. പന്ത് അബദ്ധത്തിൽ ഒരു സ്ത്രീയുടെ ദേഹത്ത് തട്ടിയതിനെ തുടർന്ന് രണ്ട് ആൺകുട്ടികളെ നാട്ടുകാർ സ്കൂൾ ജനലിൽ കെട്ടിയിട്ട് ക്രൂരമായി മർദ്ദിച്ചത്.
കുട്ടികളെ ചെരുപ്പുകൊണ്ടും കൈകൾ കൊണ്ടും തല്ലിയതായാണ് പൊലീസ് വ്യക്തമാക്കുന്നത്. ഞായറാഴ്ച കുട്ടികൾ സ്കൂൾ ഗ്രൌണ്ടിൽ കളിക്കുന്നതിനിടയിലാണ് സംഭവം. മർദ്ദനമേറ്റ വിദ്യാർത്ഥികളിലൊരാളുടെ പ്രായം 14 വയസ് ആണ്.
മർദ്ദനമേറ്റ് പരിക്കേറ്റ കുട്ടികളെ പിന്നീട് ആശുപത്രിയിൽ പ്രവേശിപ്പിച്ചു.കുട്ടികളുടെ മാതാപിതാക്കൾ നൽകിയ പരാതിയുടെ അടിസ്ഥാനത്തിൽ കെരൂർ പൊലീസ് സംഭവത്തിൽ അന്വേഷണം ആരംഭിച്ചിട്ടുണ്ട്. രേണുക ശരണാർ, ബസവരാജ് ശരണാർ, അഭി ലമാനി എന്നിവരാണ് കേസിലെ പ്രതികളെന്നാണ് പൊലീസ് വിശദമാക്കുന്നത്. ഒരു ചെറിയ തർക്കത്തിന്റെ പേരിൽ കുട്ടികൾക്കെതിരെ നാട്ടുകാർ നടത്തിയ നിയമം കയ്യിലെടുത്തുള്ള ഈ ക്രൂരമായ ആക്രമണം പ്രദേശവാസികൾക്കിടയിൽ വലിയ രീതിയിലുള്ള പ്രതിഷേധത്തിന് കാരണമായിട്ടുണ്ട്.
കൊട്ടാരക്കര നീലേശ്വരത്ത് ടിപ്പര്‍ ബസ് സ്റ്റോപ്പിലേക്ക് പാഞ്ഞുകയറുകയായിരുന്നുവെന്ന് ദൃക്‌സാക്ഷി കൾ ബസ് കാത്തുനിന്ന കുട്ടികള്‍ക്ക് മുകളിലേക്ക് മറിഞ്ഞു. നാല് വിദ്യാര്‍ഥികള്‍ ഉള്‍പ്പെടെ അഞ്ചു പേര്‍ ടിപ്പറിനടിയില്‍ അകപ്പെട്ടു. ഇവരെ ഏറെനേരത്തെ ശ്രമത്തിനൊടുവില്‍ പുറത്തെടുത്തു. അഞ്ചു പേരുടേയും നില ഗുരുതരമാണ്. രാവിലെ 7 മണിയോടെയായിരുന്നു അപകടം. മണ്ണ് കയറ്റി വന്ന ലോറിയാണ് മറിഞ്ഞത്. എത്ര പേരാണ് ബസ് സ്റ്റോപ്പില്‍ ഉണ്ടായിരുന്നതെന്ന വിവരം ലഭ്യമല്ല. പ്രായമായവരും ബസ് കാത്തിരിപ്പ് കേന്ദ്രത്തില്‍ ഉണ്ടായിരുന്നു. ലോറി അമിത വേഗതയിലായിരുന്നുവെന്ന് ദൃക്‌സാക്ഷികള്‍ പറയുന്നു.
കൊച്ചി: ആരോഗ്യ വകുപ്പ് ഡയറക്ടർ (ഡി എച്ച് എസ്) ഡോക്ടർ കെ ജെ റീനയുടെ സ്ഥലംമാറ്റവുമായി ബന്ധപ്പെട്ട് കേരള അഡ്മിനിസ്‌ട്രേറ്റീവ് ട്രിബ്യൂണൽ പുറപ്പെടുവിച്ച സ്റ്റേ ഉത്തരവിനെതിരെ സർക്കാർ നൽകിയ അപ്പീലിൽ ഇന്ന് വിധിയറിയാം. ഇന്നലെ വിശദമായ വാദം കേട്ട ഹൈക്കോടതി ഇന്ന് വിധി പറയാനായി അപ്പീൽ മാറ്റുകയായിരുന്നു. കേസിൽ സർക്കാരിന്റെയും എതിർഭാഗത്തിന്റെയും വിശദമായ വാദങ്ങൾ കേട്ട ശേഷമാണ് കോടതി വിധി പറയാനായി മാറ്റിവെച്ചത്. ഡി എച്ച് എസ് സ്ഥാനത്ത് ഡോ. റീന മൂന്ന് വർഷത്തെ സേവന കാലാവധി പൂർത്തിയാക്കിയതായി സർക്കാർ ഹൈക്കോടതിയെ അറിയിച്ചു.
ഫെബ്രുവരിയിൽ ഇവരുടെ ഡെപ്യൂട്ടേഷൻ കാലാവധി അവസാനിച്ചതാണെന്നും അത് നീട്ടി നൽകിയിട്ടില്ലെന്നും സർക്കാർ കോടതിയിൽ വ്യക്തമാക്കി. കൂടാതെ ഡോക്ടർ റീനയെ തരം താഴ്ത്തിയിട്ടില്ല. സമാനമായ പദവി തന്നെയാണ് നൽകിയിട്ടുള്ളത്. സംസ്ഥാനത്തെ ആരോഗ്യ മേഖലയിലെ അടിയന്തിര സാഹചര്യം കണക്കിലെടുത്താണ് ഡയറക്ടറെ മാറ്റി നിയമിച്ചതെന്നും സർക്കാർ ബോധിപ്പിച്ചു. എന്നാൽ സ്ഥലം മാറ്റവുമായി ബന്ധപ്പെട്ട വസ്തുതകൾ പരിശോധിക്കേണ്ടത് ട്രൈബ്യൂണൽ ആണെന്നും, ഇടക്കാല ഉത്തരവിൽ ഇടപെടേണ്ട സാഹചര്യമുണ്ടോയെന്ന് മാത്രമേ പരിശോധിക്കുകയുള്ളുവെന്നും ഹൈക്കോടതി വ്യക്തമാക്കി. സർക്കാരുമായി സഹകരിക്കുന്നില്ലെന്ന് ചൂണ്ടിക്കാട്ടിയായിരുന്നു ആരോഗ്യ വകുപ്പ് ഡയറക്ടർ സ്ഥാനത്ത് നിന്നും റീനയെ പബ്ലിക് ഹെൽത്ത് ലാബ് ഡയറക്ടർ സ്ഥാനത്തേക്ക് മാറ്റിയത്. റീനയുടെ സ്ഥലം മാറ്റ ഉത്തരവ് സ്റ്റേ ചെയ്ത ട്രൈബ്യൂണൽ ഉത്തരവിനെതിരായ അപ്പീൽ സർക്കാരിനെയും ആരോഗ്യ വകുപ്പിനെയും മന്ത്രിയേയും സംബന്ധിച്ച് നിർണായകമാണ്.
അതേസമയം ആരോഗ്യവകുപ്പ് ഡയറക്ടർ ആസ്ഥാനത്ത് കസേരകളിയുടെ അവസ്ഥയാണ് നിലവിലുള്ളത്. സ്ഥലം മാറ്റത്തിന് സ്റ്റേ നേടിയ ഡോ. റീനയും സർക്കാർ ചുമതല നൽകിയ ഡോ. മീനാക്ഷിയും കഴിഞ്ഞ ദിവസങ്ങളിൽ ഓഫീസിൽ മുഖാമുഖം കസേരകളിൽ തുടരുകയായിരുന്നു. ഡി എച്ച് എസ് സ്ഥാനത്ത് ഇരുന്ന് തൊരപ്പൻ പണി കാണിച്ചത് കൊണ്ടാണ് റീനയെ മാറ്റിയതെന്നായിരുന്നു ആരോഗ്യമന്ത്രി പറഞ്ഞത്. പൂനെയിൽ നിന്നുള്ള നിപ ഫലം അറിഞ്ഞിട്ടും ഡി എച്ച് എസ് സമയത്ത് പറഞ്ഞില്ലെന്നതടക്കമുള്ള വിമർശനമാണ് കെ മുരളീധരൻ മുന്നോട്ട് വച്ചത്. എന്നാൽ നിപ ഫലം അറിയിച്ചില്ലെന്ന ആരോഗ്യമന്ത്രിയുടെ വാദം ഡോ.റീന തള്ളിക്കളഞ്ഞിരുന്നു.
അതേസമയം ആരോഗ്യരംഗത്തെ പ്രതിസന്ധിയെ ചൊല്ലി നിയമസഭയിലും പ്രതിപക്ഷ – സർക്കാർ പോരും രൂക്ഷമാണ്. ആരോഗ്യവകുപ്പിന് കെടുകാര്യസ്ഥതയാണെന്നും പകർച്ചവ്യാധികൾ തടയുന്നതിൽ ഗുരുതര വീഴ്ചയുണ്ടായെന്നും പ്രതിപക്ഷനേതാവ് അടക്കം ഇന്നലെ വിമർശിച്ചിരുന്നു. ആരോഗ്യമന്ത്രിയുടെ പഴയ ‘എരണം കെട്ടവൻ’ പ്രയോഗം അടക്കം ആയുധമാക്കിയാണ് പ്രതിപക്ഷത്തിന്‍റെ ആക്രമണം. എന്നാൽ 10 വർഷത്തെ റീൽസും 5 വർഷത്തെ ‘വീണ’ മീട്ടലും മാത്രമാണ് ആരോഗ്യ മേഖലയിലെ പ്രശ്നമെന്നായിരുന്നു മന്ത്രി കെ മുരളീധരന്‍റെ തിരിച്ചടി. സിസ്റ്റത്തെ അംഗീകരിക്കാത്തവർ കസേരയിലുണ്ടാകില്ലെന്നും ആരോഗ്യ മന്ത്രി മുന്നറിയിപ്പ് നൽകിയിട്ടുണ്ട്.
തിരുവനന്തപുരം: എസ്എന്‍ഡിപി യോഗം കണിച്ചുകുളങ്ങര യൂണിയന്‍ സെക്രട്ടറി കെകെ മഹേശന്റെ ആത്മഹത്യയില്‍ അന്വേഷണം ആവശ്യപ്പെട്ട് മുഖ്യമന്ത്രിക്ക് വീണ്ടും കത്തയച്ച് വിഎം സുധീരന്‍. മഹേശനെ ആത്മഹത്യയിലേയ്ക്ക് എത്തിച്ചതിന്റെ കാരണക്കാരായവര്‍ക്കെതിരെ നിയമ നടപടികള്‍ സ്വീകരിക്കുന്നതിനുവേണ്ടി സംസ്ഥാന ഭരണാധികാരികള്‍ക്കു മുന്നില്‍ നിരവധി പരാതികള്‍ നല്‍കിയിട്ടും ഇതേവരെ ഫലപ്രദമായ യാതൊരു നടപടിയും ഉണ്ടായിട്ടില്ല. ഈ മാസം ആറിന് മുഖ്യമന്ത്രിക്ക് പരാതി നല്‍കിയെങ്കിലും കാര്യമായ നടപടികളൊന്നും ഉണ്ടായതായി കാണുന്നില്ലെന്ന് സുധീരന്‍ കത്തില്‍ പറയുന്നു.
വെള്ളാപ്പള്ളി പ്രീണനവുമായി മുന്നോട്ടുപോയ പിണറായി സര്ക്കാരിന്റെ ഭാഗത്തുനിന്നുണ്ടായ നിഷ്‌ക്രിയമായ സമീപനം ഈ സര്ക്കാരിന്റെ ഭാഗത്തുനിന്നും ഉണ്ടാകില്ലെന്ന ഉറച്ച വിശ്വാസത്തിലാണ് ഇപ്പോഴും മഹേശന്റെ കുടുംബം. ഇനിയെങ്കിലും ആ കുടുംബത്തിന് നീതി ലഭിക്കുന്നതിനുവേണ്ടി സത്യസന്ധരായ ഉന്നത പൊലീസ് ഉദ്യോഗസ്ഥന്മാരുടെ ഒരു പ്രത്യേക അന്വേഷണ സംഘത്തെ നിയോഗിക്കണം. മഹേശനെതിരെ മനുഷ്യത്വരഹിതമായ അധിക്ഷേപങ്ങള്‍ ഇപ്പോഴും വെള്ളാപ്പള്ളി പറഞ്ഞുകൊണ്ടിരിക്കുകയാണ്. നിയമ സംവിധാനത്തെ വെല്ലുവിളിക്കുന്ന സമീപനമാണ് വെള്ളാപ്പള്ളി സ്വീകരിച്ചുവരുന്നത്. ഒരു നിയമവും തങ്ങള്‍ക്ക് ബാധകമല്ലെന്ന മട്ടിലാണ് വെള്ളാപ്പള്ളിയുടെ പോക്ക്. നിയമവാഴ്ച ഉറപ്പുവരുത്താന്‍ ബാധ്യതപ്പെട്ട ഭരണസംവിധാനം ഉണര്‍ന്നു പ്രവര്‍ത്തിക്കാന്‍ ഇനിയും വൈകരുതെന്നാണ് അപേക്ഷയെന്നും സുധീരന്‍ കത്തില്‍ പറയുന്നു. കത്തിന്റെ പകര്‍പ്പ് ആഭ്യന്തരമന്ത്രി രമേശ് ചെന്നിത്തലയ്ക്കും എക്‌സൈസ് മന്ത്രി എം ലിജുവിനും അയച്ചിട്ടുണ്ട്.
കത്തിന്റെ പൂര്‍ണ്ണ രൂപം ഇങ്ങനെ
പ്രിയപ്പെട്ട മുഖ്യമന്ത്രി,
എസ്.എന്‍.ഡി.പി. യോഗം ജനറല്‍ സെക്രട്ടറിസ്ഥാനത്തിരിക്കുന്ന വെള്ളാപ്പള്ളി നടേശന്റെയും കൂട്ടരുടേയും മാനസിക പീഢനത്തിന്റെയും ഭീഷണിയുടേയും ഫലമായി ജീവന്‍ വെടിയേണ്ടിവന്ന എസ്.എന്‍.ഡി.പി.യോഗം കണിച്ചുകുളങ്ങര യൂണിയന്‍ സെക്രട്ടറികൂടിയായിരുന്ന കെ.കെ.മഹേശന്റെ ഭാര്യ ഉഷാദേവിയുടെ സങ്കടഹര്‍ജി അടിയന്തിര നടപടികള്‍ക്കായി ഇതോടൊപ്പം അയയ്ക്കുന്നു.
മഹേശനെ ആത്മഹത്യയിലേയ്ക്ക് എത്തിച്ചതിന്റെ കാരണക്കാരായവര്‍ക്കെതിരെ നിയമ നടപടികള്‍ സ്വീകരിക്കുന്നതിനുവേണ്ടി സംസ്ഥാന ഭരണാധികാരികള്‍ക്കു മുന്നില്‍ നിരവധി പരാതികള്‍ നല്‍കിയിട്ടും ഇതേവരെ ഫലപ്രദമായ യാതൊരു നടപടിയും ഉണ്ടായിട്ടില്ല.
ഏറ്റവുമൊടുവില്‍ 06.06.2026-ല്‍ ബഹു.മുഖ്യമന്ത്രിക്ക് പരാതി നല്‍കിയെങ്കിലും കാര്യമായ നടപടികളൊന്നും ഉണ്ടായതായി കാണുന്നില്ല.
വെള്ളാപ്പള്ളി പ്രീണനവുമായി മുന്നോട്ടുപോയ പിണറായി സര്ക്കാരിന്റെ ഭാഗത്തുനിന്നുണ്ടായ നിഷ്‌ക്രിയമായ സമീപനം ഈ സര്ക്കാരിന്റെ ഭാഗത്തുനിന്നും ഉണ്ടാകില്ലെന്ന ഉറച്ച വിശ്വാസത്തിലാണ് ഇപ്പോഴും മഹേശന്റെ കുടുംബം.
ഇനിയെങ്കിലും ആ കുടുംബത്തിന് നീതി ലഭിക്കുന്നതിനുവേണ്ടി സത്യസന്ധരായ ഉന്നത പോലീസ് ഉദ്യോഗസ്ഥന്മാരുടെ ഒരു പ്രത്യേക അന്വേഷണ സംഘത്തെ നിയോഗിക്കണമെന്ന് അഭ്യര്‍ത്ഥിക്കുന്നു.
ഹതഭാഗ്യനായ മഹേശനെതിരെ മനുഷ്യത്വരഹിതമായ അധിക്ഷേപങ്ങള്‍ ഇപ്പോഴും വെള്ളാപ്പള്ളി പറഞ്ഞുകൊണ്ടിരിക്കുകയാണ്.
നിയമ സംവിധാനത്തെ വെല്ലുവിളിക്കുന്ന സമീപനമാണ് വെള്ളാപ്പള്ളി സ്വീകരിച്ചുവരുന്നത്. ഒരു നിയമവും തങ്ങള്‍ക്ക് ബാധകമല്ലെന്ന മട്ടിലാണ് വെള്ളാപ്പള്ളിയുടെ പോക്ക്. നിയമവാഴ്ച ഉറപ്പുവരുത്താന്‍ ബാധ്യതപ്പെട്ട ഭരണസംവിധാനം ഉണര്‍ന്നു പ്രവര്‍ത്തിക്കാന്‍ ഇനിയും വൈകരുതെന്നാണ് എന്റെ അപേക്ഷ.
ഉഷാദേവിയുടെ സങ്കടഹര്‍ജിയില്‍ എത്രയും വേഗത്തില്‍ത്തന്നെ ഫലപ്രദമായ നടപടികള്‍ സ്വീകരിക്കണമെന്ന് താല്‍പര്യപ്പെടുന്നു.
ആത്മാര്‍ത്ഥതയോടെ
സ്‌നേഹപൂര്‍വ്വം
വി.എം.സുധീരന്‍
ശ്രീ.വി.ഡി.സതീശന്‍
ബഹു.മുഖ്യമന്ത്രി
പകര്‍പ്പ്:
ശ്രീ.രമേശ് ചെന്നിത്തല, ബഹു.ആഭ്യന്തര വകുപ്പുമന്ത്രി.
ശ്രീ.എം.ലിജു, ബഹു.എക്‌സൈസ്-സഹകരണ വകുപ്പുമന്ത്രി.
