തിരുവനന്തപുരം. കാട്ടാക്കടയിൽ പോസ്റ്റ് ഓഫീസിൽ മോഷണശ്രമം.കബോർഡുകളും ക്യാഷ് സേഫ് ഉൾപ്പെടെ കുത്തി പൊളിച്ചു. പൂർണ്ണമായി പൊളിക്കാൻ കഴിയാത്തതിനാൽ ഒന്നും നഷ്ടപ്പെട്ടിട്ടില്ലെന്നാണ് പ്രാഥമിക നിഗമനം.

ഇന്ന് രാവിലെ 9 മണിയോടെ ജീവനക്കാർ എത്തിയപ്പോഴാണ് മോഷണശ്രമം അറിഞ്ഞത്. കെട്ടിടത്തിന്റെ പുറകിലെ ജനലും വാതിലും തകർത്താണ് മോഷ്ടാവ് അകത്തുകയറിയത്. പുറകുവശത്തെ ജനലിന്റെ കമ്പി എല്ലാം വളച്ച നിലയിലാണ്. ക്യാഷ് ലോക്കറിൻ്റെ ചുമരുപൊളിച്ചു… എന്നാൽ ലോക്കർ തുറക്കാൻ സാധിക്കാതെ വന്നതോടെ മോഷണശ്രമം ഉപേക്ഷിക്കേണ്ടിവന്നു.

അതുകൊണ്ടുമായില്ല… പൊളിച്ച ഇടങ്ങൾ വൃത്തിയാക്കിയ ശേഷമാണ് കള്ളൻ അവിടംവിട്ടത്. മുറിയുടെ പൂട്ടു പൊളിച്ച് സമീപത്തെ അലമാരയുടെ പുറത്ത് വച്ചിട്ടുണ്ട്. കുത്തിപ്പൊളിക്കാൻ ഉപയോഗിച്ചതെന്ന് കരുതുന്ന കമ്പിയും പുറത്ത് ചാടി വെച്ചിട്ടുണ്ട്. കാട്ടാക്കട പൊലീസ് കേസ് എടുത്ത് അന്വേഷണം ആരംഭിച്ചു. ഉച്ചയോടെ വിരലടയാള വിദഗ്ദരും ഡോഗ്സ്‌ക്വാഡും എത്തി പരിശോധിച്ചു. മുൻപും ഇവിടെ മോഷണശ്രമങ്ങൾ നടന്നിട്ടുണ്ട്. കട്ടാക്കടയിലെ പ്രധാന പോസ്റ്റ്‌ഓഫീസ് ആയിരുന്നിട്ടും സിസിടിവി കാമറകൾ ഇല്ലാത്തത് കള്ളന്മാർക്ക് രക്ഷയാവുകയാണ്