ശൂരനാട്:ശൂരനാട് വടക്ക് ഗ്രാമപഞ്ചായത്ത് 12-ാം വാർഡിൽ എസ്.എസ്.എൽ.സി,പ്ലസ് ടു, മറ്റ് വിദ്യാഭ്യാസ മേഖലകളിൽ ഉന്നത വിജയം കരസ്ഥമാക്കിയ അറുപതോളം വിദ്യാർഥികളെ അനുമോദിച്ച് മെറിറ്റ് അവാർഡ് വിതരണം നടത്തി.വാർഡ് മെമ്പർ ലത്തീഫ് പെരുംകുളത്തിന്റെ നേതൃത്വത്തിൽ സംഘടിപ്പിച്ച അനുമോദന യോഗത്തിൽ വികസന സമിതി അംഗം എം.അബ്ദുൽ സലീം അധ്യക്ഷത വഹിച്ചു.ഐ.എൻ.ടി.യു.സി സംസ്ഥാന പ്രസിഡന്റ് ആർ.ചന്ദ്രശേഖരൻ ഉദ്ഘാടനം ചെയ്തു.ഉല്ലാസ് കോവൂർ എം.എൽ.എ മെറിറ്റ് അവാർഡ് വിതരണം നിർവഹിച്ചു.
കേരള സർക്കാരിന്റെ ലഹരി വിരുദ്ധ പ്രവർത്തനങ്ങളുടെ ഭാഗമായി നടപ്പാക്കുന്ന ‘തൂഫാൻ’ പദ്ധതിയുടെ ഭാഗമായി കൊല്ലം ഹാഗിയോസ് അവതരിപ്പിച്ച പാവനാടകവും പരിപാടിയുടെ ഭാഗമായി അരങ്ങേറി.പഞ്ചായത്ത് വൈസ് പ്രസിഡന്റ് സുമംഗല ടീച്ചർ, മുൻ ബ്ലോക്ക് പഞ്ചായത്ത് പ്രസിഡൻ്റ് വി.വേണുഗോപാലക്കുറുപ്പ്, സി.കെ. പൊടിയൻ,ആർ.നളിനാക്ഷൻ,വില്ലടൻ പ്രസന്നൻ,യൂത്ത് കോൺഗ്രസ് സംസ്ഥാന വൈസ് പ്രസിഡന്റ് അനുതാജ്, നാസർ മൂലത്തറ,ബ്ലോക്ക് പഞ്ചായത്ത് അംഗം മേരി അലക്സ്, ഗ്രാമപഞ്ചായത്ത് അംഗങ്ങളായ ഷീജ ഷാജി, ബിജു പട്ടാര, ബിന്ദു അനിൽകുമാർ, വാർഡ് വികസന സമിതി അംഗങ്ങളായ നൗഷാദ് കാഞ്ഞിരവിള, ബൈജു മംഗലത്ത്, ഷൂജ, നിഷാദ് പാലവിള, ഷാൻ, സുനിത ലത്തീഫ്, സുധീർ റാവുത്തർ, ഷീല ടീച്ചർ, ഷീബ നിസാം, സൗമ്യ എന്നിവർ സംസാരിച്ചു.
