മലപ്പുറം.പ്രേതബാധ ഒഴിപ്പിക്കാൻ എന്ന വ്യാജേന 16 കാരിയെ പീഡിപ്പിച്ച യുവാവ് അറസ്റ്റിൽ. പൂക്കോട്ടൂർ സ്വദേശി എം.സിറാജാണ് ചിറ്റൂർ പോലീസിന്റെ പിടിയിലായത്. ചിറ്റൂർ അഞ്ചാംമൈൽ കുന്നങ്കാട്ടുപതിയിലുള്ള
ഫാം നോക്കി നടത്താൻ എത്തിയ യുവാവ് സുഹൃത്തിന്റെ മകൾക്ക് പ്രേതബാധയുണ്ടെന്നും ഒഴിപ്പിച്ചില്ലെങ്കിൽ പ്രശ്നമാകുമെന്നും കുടുംബത്തെ വിശ്വസിപ്പിക്കുകയായിരുന്നു
. ആദ്യം കുട്ടിയുടെ വീട്ടിൽ വച്ച് ബാധ ഒഴുപ്പിക്കാൻ ചടങ്ങുകൾ നടത്തിയ ശേഷം ബാധ ഒഴിഞ്ഞു പോയിട്ടില്ലെന്നും ഇയാൾ ജോലി ചെയ്യുന്ന ഫാമിലേക്ക് കുട്ടിയെ കൊണ്ടുവരണമെന്നും ആവശ്യപ്പെട്ടു. പിന്നാലെ പൂക്കാട്ടുപതിയിലുള്ള ഫാമിൽ വെച്ചാണ് കുട്ടിയെ പീഡിപ്പിച്ചത്. പുറത്തു പറയരുതെന്ന് കുട്ടിയെ ഭീഷണിപ്പെടുത്തിയിരുന്നെങ്കിലും 16 കാരി അമ്മയോട് സത്യം തുറന്നു പറഞ്ഞതിന് പിന്നാലെയാണ് സംഭവം പുറത്തറിഞ്ഞത്. ഇവരുടെ പരാതിയിൽ കേസെടുത്തു ചിറ്റൂർ പോലീസ് പ്രതിയേ അറസ്റ്റ് ചെയ്തു. കോടതിയിൽ ഹാജരാക്കി റിമാൻഡ് ചെയ്തു
