തിരുവനന്തപുരം. ശ്രീകാര്യത്ത് പ്രതിശ്രുത വരൻ അപകടത്തിൽ മരിച്ചു.ചെമ്പഴന്തി ചെല്ലമംഗലം സ്വദേശി രാഗേഷ് ആണ് മരിച്ചത്.വെളുപ്പിന് ഒരു മണിയോടെ പാങ്ങപ്പാറ മാങ്കുഴിയിലായിരുന്നു അപകടം.
കെഎസ്ആർടിസി സ്വിഫ്റ്റ് ബസ്സും രാഗേഷ് സഞ്ചരിച്ച ബൈക്കും കൂട്ടിയിടിക്കുകയായിരുന്നു. കാട്ടായിക്കോണം സ്വദേശിനിയുമായി ഇന്ന് വിവാഹം നടക്കാനിരിക്കെയാണ് രാഗേഷിന്റെ മരണം.
പ്രണയ വിവാഹം ഇരുവരുടേയും വീട്ടുകാർ എതിർത്തതോടെ അമ്പലത്തിൽ താലി കെട്ടി രജിസ്റ്റർ ചെയ്യാൻ തീരുമാനിച്ചിരുന്നു.രാത്രി ബന്ധുവീട്ടിൽ പോയി മടങ്ങിവരവെയായിരുന്നു അപകടം സംഭവിച്ചത്.
