കുന്നത്തൂർ:രാമായണം ഇതിവൃത്തമായ ദേശിംഗനാടിൻ്റെ തനത് കലാരൂപമായ സീതകളിയെ 25 വർഷമായി കേരളത്തിന് അകത്തും പുറത്തുമുള്ള വേദികളിൽ സജീവമാക്കി ഫോക്‌ ലോർ പുരസ്കാരത്തിന് അർഹനായ സീതകളി കലാകാരൻ ഐവർകാല സ്വദേശി കെ.അജിയെ ആർ.വൈ.എഫ് സംസ്ഥാന പ്രസിഡൻ്റ് ഉല്ലാസ് കോവൂർ പൊന്നാട അണിയിച്ച് ആദരിച്ചു.കൊല്ലം പെരിനാട് കേന്ദ്രമായി പ്രവർത്തിക്കുന്ന സീതകളി അക്കാദമിയിലെ കലാകാരനായ അജി പുതിയ തലമുറയിലേക്ക് ഈ കലാരൂപം പരിശീലിപ്പിക്കുന്നു.ചരിത്രപഠനം,വിവരശേഖരണം,പാട്ട് ശേഖരണം എന്നിവ അടങ്ങിയതാണ് അക്കാദമിയുടെ പ്രവർത്തനം.വിനോദ് ഐവർകാല,ഷെഫീഖ് മൈനാഗപ്പള്ളി,ഉമേഷ് കുന്നത്തൂർ, അരുൺ ഗോവിന്ദ് എന്നിവർ ചടങ്ങിൽ പങ്കെടുത്തു.

ആനയടി:തിരുവുത്സവം നടക്കുന്ന ശൂരനാട് വടക്ക് ആനയടി പഴയിടം ശ്രീ നരസിംഹസ്വാമി ക്ഷേത്രത്തിൽ സാംസ്ക്കാരിക സമ്മേളനവും പുരസ്കാര വിതരണവും വെള്ളിയാഴ്ച
നടക്കും.വൈകിട്ട് 5ന് നടക്കുന്ന സമ്മേളനം മന്ത്രി ജെ.ചിഞ്ചുറാണി ഉദ്ഘാടനം ചെയ്യും.ആനയടി ദേവസ്വം പ്രസിഡൻ്റ് ഡോ.ജി ചന്ദ്രകുമാർ അധ്യക്ഷത വഹിക്കും.ചടങ്ങിൽ ചലച്ചിത്രതാരം ആശാ ശരത്തിന് നരസിംഹജ്യോതി പുരസ്കാരം കൊടിക്കുന്നിൽ സുരേഷ് എം.പി സമ്മാനിക്കും.എംഎൽഎമാരായ കോവൂർ കുഞ്ഞുമോൻ,എം.എസ് അരുൺ കുമാർ എന്നിവർ മുഖ്യ പ്രഭാഷണം നടത്തും.തിരുവനന്തപുരം കോർപ്പറേഷൻ ഡെപ്യൂട്ടി മേയർ ജി.എസ് ആശാനാഥ് മുഖ്യാതിഥിയായിരിക്കും.ക്ഷേത്രം തന്ത്രി ബ്രഹ്മശ്രീ. കീഴ്ത്താമരശ്ശേരി രമേശ് ഭട്ടതിരിപ്പാട് അനുഗ്രഹ പ്രഭാഷണം നടത്തും. ശാസ്താംകോട്ട ബ്ലോക്ക് പഞ്ചായത്ത് അംഗം ബിന്ദു ചാങ്കുരേത്ത്,പഞ്ചായത്ത് അംഗങ്ങളായ ശ്രീലേഖ.എസ്,ഷീബ.എസ്,സുരഭില ടീച്ചർ, ബിനുകുമാർ ബി എന്നിവർ സംസാരിക്കും.ദേവസ്വം സെക്രട്ടറി വിജയൻ കാഞ്ഞിരവിള സ്വാഗതവും ട്രഷറർ ആനയടി ബിനുകുമാർ നന്ദിയും പറഞ്ഞു.തുടർന്ന് 6.30 ന് അഷ്ടപദി,രാത്രി 7ന് ശ്രീഭൂതബലി,നൃത്തസന്ധ്യ, 8.30 മുതൽ കോട്ടയം കീഴൂർ ശ്രീഭദ്രാ ഭജന മണ്ഡലി അവതരിപ്പിക്കുന്ന നാമാഭിഷേകം എന്നിവ നടക്കും.

മൈനാഗപ്പള്ളി: മണ്ണൂർകാവ് ഭഗവതി ക്ഷേത്രത്തിൽ മകരപൊങ്കൽ ഉത്സവത്തിന്റെ ഭാഗമായുള്ള മണ്ണൂർക്കാവ് പൊങ്കാല നടന്നു.
ആയിരങ്ങളാണ് അമ്മയ്ക്ക് പൊങ്കാല സമർപ്പിച്ചത്.ശ്രീകോവിലിൽ നിന്നും
മേൽശാന്തി ഗോപൻ നമ്പൂതിരി രാവിലെ 6.30 ന് ഭണ്ഠാര അടുപ്പിൽ ദീപം കൊളുത്തിയതോടെ പൊങ്കാല ആരംഭിച്ചു.
സിനിമാതാരം നീനാ കുറുപ്പ് ഉത്ഘാടനം ചെയ്തു. ക്ഷേത്രഭരണസമിതി
പ്രസിഡന്റ് രവിമൈനാഗപ്പള്ളി അധ്യക്ഷത വഹിച്ചു. സെക്രട്ടറി സുരേഷ് ചാമവിള,വൈസ് പ്രസിഡന്റ്‌ റ്റി. സുരേന്ദ്രൻ പിള്ള, ട്രഷറര്‍ വി.ആർ.സനിൽ ചന്ദ്രൻ, ജോയിന്റ് സെക്രട്ടറി ഡി. ഗുരുദാസൻ,ഭരണ സമിതി അംഗങ്ങളായ ശ്രീശൈലം ശിവൻപിള്ള അഡ്വ.ആർ.പ്രകാശ് കുമാർ,അജി ശ്രീക്കുട്ടൻ,പ്രസാദ് മണ്ണൂർക്കാവ്,വി. രാജീവ്,രതീഷ് കാക്കര,ഉണ്ണി വിശ്വനാഥപിള്ള, ഉണ്ണി പ്രാർത്ഥന,സുരേഷ് മദനവിലാസം,ജയകൃഷ്ണൻ കാളിയേഴത്ത് തുടങ്ങിയവർ പ്രസംഗിച്ചു.
ഇന്ന് 4 ന് താലപ്പൊലി ഘോഷയാത്ര, 8 ന് കൊല്ലം ചൈതന്യയുടെ നാടകം, അങ്കം ജയിക്കാൻ ഒരമ്മ,
നാളെ വൈകിട്ട് 5.30 ന് സോപാന സംഗീതം,6 ന് തിരുവമ്പാടി മേള പ്രമാണി ചെറുശ്ശേരി കുട്ടൻമാരാരും101 കലാകാരന്മാരും പങ്കെടുക്കുന്ന പാണ്ടിമേളം,9 ന് മേജർസെറ്റ് കഥകളി, കഥ:കുചേല വൃത്തം, ശ്രീരാമപട്ടാഭിഷേകം എന്നിവയും നടക്കും.
18 ന് രാവിലെ 5 ന് പുഷ്പാലങ്കാരം,6 ന് സോപാനസംഗീതം,3.30 ന് വർണ്ണ ശബളമായ കെട്ടുകാഴ്ച,7 ന് തിരു. എഴുന്നള്ളത്ത്, വലിയ കാണിക്ക, കുതിര കാണൽ,9 ന് കോട്ടയം മെഗാ ബീറ്റ്സ് അവതരിപ്പിക്കുന്ന ഗാനമേള,തുടർന്ന് ഗംഭീര വെടിക്കെട്ട് എന്നിവയോടെ ഉത്സവം സമാപിക്കും.(ഫോട്ടോ: മണ്ണൂർക്കാവ് പൊങ്കാല സിനിമാതാരം നീനാ കുറുപ്പ് ഉദ്ഘാടനം ചെയ്യുന്നു.)