ശൂരനാട്.റോഡിലെ കുഴിയിലെ വെള്ളക്കെട്ടില്‍ വീണ് പരുക്കേറ്റ് മരിച്ചയാളുടെ നിര്‍ധന കുടുംബത്തെ സഹായിക്കണമെന്നാവശ്യപ്പെട്ട് ഭാര്യ മുഖ്യമന്ത്രിക്ക് പരാതി നല്‍കി.

ശൂരനാട് വടക്ക് പഞ്ചായത്തിൽ നടുവിലേ മുറി കോയിക്കൽ തുണ്ടിൽ ഗോപിനാഥൻ പിള്ള (57)യാണ് മരിച്ചത്. അരിനല്ലൂര്‍ ബാറിലെ സെക്യൂരിറ്റിയായിരുന്ന ഇദ്ദേഹം ജോലി കഴിഞ്ഞ് പോകുംവഴി 28 ആം തീയതി രാത്രി ശക്തമായ മഴയിൽ ചക്കുവള്ളി മയ്യത്തിങ്കര പള്ളിക്ക് സമീപം റോഡിലെ വെള്ളക്കെട്ടിലെ കുഴിയില്‍ ഇരുചക്രവാഹനം വീണ് പരിക്കുപറ്റുകയായിരുന്നു. തുടർന്ന് കരുനാഗപ്പള്ളി സ്വകാര്യ ആശുപത്രിയിലും അവിടെ നിന്ന് തിരുവനന്തപുരം മെഡിക്കൽ കോളേജിലും ചികിത്സയിലായിരുന്നു നാലാം തീയതി രാവിലെ ഇദ്ദേഹം മരിച്ചു.

രണ്ട് പെൺ മക്കളും.പ്രായമായ അമ്മയും ഭാര്യയും അടങ്ങുന്ന കുടുംബത്തിൻറെ ഏക ആശ്രയം ആയിരുന്നു ഗോപിനാഥൻ പിള്ള. ഇദ്ദേഹത്തിൻറെ കുടുംബത്തിന് സഹായം എത്തിക്കണമെന്ന് ആവശ്യപ്പെട്ടുകൊണ്ട് ഭാര്യ സിന്ധു മുഖ്യമന്ത്രിക്ക് അപേക്ഷ നൽകി

ശാസ്‌താംകോട്ട: ഓണക്കാലത്ത് മദ്യത്തിന്റെയും മയക്കുമരത്തിന്റെയും വ്യാപനം തടയാൻ ശക്തമായ നടപടി സ്വീകരിക്കാൻ കുന്നത്തൂർ നിയോജകമണ്ഡലംതല ചാരായ നിരോധന അവലോകന കമ്മിറ്റി തീരുമാനിച്ചു.കുന്നത്തൂർ എക്സൈസ് സർക്കിൾ ഓഫീസിന്റെ നേതൃത്വത്തിൽ നടന്ന യോഗത്തിൽ ഉല്ലാസ് കോവൂർ എംഎൽഎ അധ്യക്ഷത വഹിച്ചു.മദ്യത്തിന്റെയും മയക്കുമരത്തിന്റെയും വ്യാപനം ചെറുപ്പക്കാർക്കിടയിൽ കൂടുന്നുവെന്നും തൂഫാൻ, തണ്ടർ എന്നി പ്രവർത്തനങ്ങളിൽ പൊതു ജനങ്ങൾ കൂടുതലായി പങ്കാളികളായി താലൂക്കിലെ ലഹരി വ്യാപനം തടയണമെന്നും അദ്ദേഹം ആവശ്യപ്പെട്ടു.

ഓണത്തോടനുബന്ധിച്ച് നടത്തേണ്ട എൻഫോഴ്സ്മെന്റ് പ്രവർത്തനങ്ങളുടെ ആലോചനയും നടന്നു.വിവിധ വകുപ്പുകളുമായി ചേർന്ന് ലഹരിക്കെതിരെ ശക്തമായ എൻഫോഴ്സ്മെന്റ് പ്രവർത്തനങ്ങളും,സംയുക്ത വാഹന പരിശോധനയും,റെയിൽവേ സ്റ്റേഷൻ ഉൾപ്പെടെയുള്ള ഭാഗങ്ങളിൽ രാത്രികാല നിരീക്ഷണവും,രക്ഷകർത്താക്കളെ കൂടി ഉൾപ്പെടുത്തി കൂടുതൽ ബോധവൽക്കരണ പ്രവർത്തനങ്ങളും നടത്തുവാൻ തീരുമാനിച്ചു.ലഹരി വ്യാപന ശൃംഖല തകർക്കുന്നതിനായി പൊതുജനങ്ങളിൽ നിന്ന് കൂടുതൽ വിവരശേഖരണം നടത്തുന്നതിനും,സിവിൽ ഡിഫൻസ് പോലുള്ള സംവിധാനങ്ങൾ രൂപീകരിക്കുന്നതിനും തീരുമാനിച്ചു.

എക്സൈസ് വകുപ്പ്,വിവിധ രാഷ്ട്രീയ പാർട്ടികളുടെ പ്രതിനിധികൾ,ബ്ലോക്ക്‌, പഞ്ചായത്ത്‌,സി.ഡി.എസ് അംഗങ്ങൾ,പോലീസ്,ഹെൽത്ത്,റവന്യൂ തുടങ്ങിയ വകുപ്പു പ്രതിനിധികൾ എന്നിവർ പങ്കെടുത്തു.വ്യാജമദ്യം,മയക്കുമരുന്ന് എന്നിവ സംബന്ധിച്ച വിവരങ്ങൾ ശ്രദ്ധയിൽപ്പെട്ടാൽ കുന്നത്തൂർ താലൂക്ക് എക്സൈസ് കൺട്രോൾ റൂമിലെ 0476 2835303,9400069448 എന്നി നമ്പറുകളിൽ അറിയിക്കേണ്ടതാണ്.