ലോക്സഭ തെരഞ്ഞെടുപ്പ് തീയതി പ്രഖ്യാപിച്ചെന്ന തരത്തില്‍ സമൂഹമാധ്യമങ്ങളില്‍ പ്രചരിക്കുന്ന വാര്‍ത്തകള്‍ വ്യാജമാണെന്ന് കേന്ദ്ര തെരഞ്ഞെടുപ്പ് കമ്മീഷന്‍. ഒരു തീയതിയും തെരഞ്ഞെടുപ്പ് കമ്മീഷന്‍ ഇതുവരെ പ്രഖ്യാപിച്ചിട്ടില്ലെന്നും കമ്മീഷന്‍ അറിയിച്ചു.
ലോക്സഭ തെരഞ്ഞെടുപ്പ് ഏപ്രില്‍ 19ന് നടക്കുമെന്ന തരത്തിലാണ് വാട്സ് ആപ്പുകളില്‍ സന്ദേശങ്ങള്‍ പ്രചരിച്ചത്. തെരഞ്ഞെടുപ്പ് വിജ്ഞാപനം മാര്‍ച്ച് 12ന് പുറപ്പെടുവിക്കുമെന്നും വോട്ടെണ്ണല്‍ ഏപ്രില്‍ 22ന് നടക്കുമെന്നുമായിരുന്നു സന്ദേശങ്ങള്‍. ഈ സാഹചര്യത്തിലാണ് വിശദീകരണവുമായി കേന്ദ്ര തെരഞ്ഞെടുപ്പ് കമ്മീഷന്‍ രംഗത്തെത്തിയത്.
Advertisement
