കരുനാഗപ്പള്ളി. എക്സൈസ് റേഞ്ച് ഇൻസ്പെക്ടർ കെ ബിജു വിന്റെ നേതൃത്വത്തിൽ കരുനാഗപ്പള്ളി കുലശേഖരപുരം പുന്നക്കുളം ഭാഗത്ത് നടത്തിയ പരിശോധനയിൽ 5. 836 ഗ്രാം MDMA യുമായി കരുനാഗപ്പള്ളി കുലശേഖരപുരം പുന്നകുളം ബിൻസാദ് മനസിലിൽ മിഥിലാജ് (26 ) നെ അറസ്റ്റ് ചെയ്ത് കേസെടുത്തു.
MDMA വിൽപ്പന നടത്തി ലഭിച്ച 10,000 രൂപയും കണ്ടെടുത്തു. ഓച്ചിറ, വവ്വക്കാവ് പ്രദേശങ്ങളിൽ MDMA വില്പന നടത്തുന്ന മിഥിലാജിനെ കുറിച്ച് രഹസ്യ വിവരം ലഭിച്ചതിന്റെ അടിസ്ഥാനത്തിൽ കഴിഞ്ഞ ഒരാഴ്ചയായി ഇയാൾ ഷാഡോ എക്സൈസിന്റെയും എക്സൈസ് ഇന്റലിജൻസിന്റെയും രഹസ്യ നിരീക്ഷണത്തിൽ ആയിരുന്നു. കൂടിയ അളവിൽ MDMA, കഞ്ചാവ് എന്നിവ കൈവശം വെച്ചതിന് മുൻപും മിഥിലാജിന് എതിരെ പോലീസും എക്സൈസും കേസ് രജിസ്റ്റർ ചെയ്തിട്ടുണ്ട്.
പരിശോധനയിൽ അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) പ്രസാദ് കുമാർ.J.R, ഇന്റലിജൻസ് പ്രിവന്റീവ് ഓഫീസർ മനു. M, പ്രിവന്റീവ് ഓഫീസർ സന്തോഷ് കുമാർ.B, സിവിൽ എക്സൈസ് ഓഫീസർമാരായ ചാൾസ് എച്ച് , അജിത്.B.S, രജിത്. K.പിള്ള, അൻസാർ, നിധിൻ, ഗോഡ്വിൻ സ്റ്റീഫൻ പ്രിവന്റ്റീവ് ഓഫിസർ (ഗ്രേഡ്) ട്രീസ എന്നിവർ പങ്കെടുത്തു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു. പത്ത് വർഷം വരെ തടവും ഒരു ലക്ഷം രൂപ വരെ ശിക്ഷയും ലഭിക്കുന്ന കുറ്റമാണ്.
ഓപ്പറേഷൻ തണ്ടറിന്റെ ഭാഗമായി വിപുലമായ പരിശോധനകളാണ് കരുനാഗപ്പള്ളി എക്സൈസ് റേഞ്ച് ഓഫീസ് നടത്തിവരുന്നത്. മദ്യം, മയക്കുമരുന്ന് എന്നിവയെ സംബന്ധിച്ച വിവരങ്ങൾ 04762630831, 9400069456 എന്നീ നമ്പറുകളിൽ അറിയിക്കാവുന്നതാണ്.
