28.6 C
Kollam
Friday 13th November, 2026 | 01:43:11 PM
Home News Breaking News മാസപ്പടി കേസ്! ഇ.ഡിക്ക് മുമ്പിൽ പിണറായി വിജയൻ ഇന്ന് ഹാജരാകില്ല

മാസപ്പടി കേസ്! ഇ.ഡിക്ക് മുമ്പിൽ പിണറായി വിജയൻ ഇന്ന് ഹാജരാകില്ല

Advertisement

കൊച്ചി: മാസപ്പടി കേസിൽ എൻഫോഴ്സ്മെന്റ് ഡയറക്ടറേറ്റിന് മുമ്പിൽ ഇന്ന്
പിണറായി വിജയൻ ഹാജരാകില്ല. സുപ്രീം കോടതി ഉത്തരവും നിയമസഭാ സമ്മേളനം നടക്കുന്നതും ചൂണ്ടിക്കാണിച്ചാണ് ഇ.ഡിക്ക് കത്ത് നൽകിയിരിക്കുന്നത്. തിരുവനന്തപുരത്തെ ഔദ്യോഗിക വസതിയിൽ പതിച്ച ഇ.ഡി. നോട്ടീസിൽ ഒക്ടോബർ 23-ന് രാവിലെ 11 മണിക്ക് കൊച്ചി ഓഫീസിൽ ഹാജരാകാനാണ് നിർദ്ദേശിച്ചിരുന്നത്.

അതേസമയം, കേസിൽ പിണറായി വിജയന് സുപ്രീം കോടതിയിൽ നിന്ന് അടുത്തിടെ വലിയ ആശ്വാസമാണ് ലഭിച്ചത്. പിണറായി വിജയൻ, വീണാ വിജയൻ, മുൻ മന്ത്രി പി.എ. മുഹമ്മദ് റിയാസ് എന്നിവർക്ക് എതിരെയുള്ള വിജിലൻസ് അന്വേഷണം സുപ്രീം കോടതി ഒരാഴ്ചത്തേക്ക് സ്റ്റേ ചെയ്യുകയുണ്ടായി. കേസിൽ എഫ്.ഐ.ആർ രജിസ്റ്റർ ചെയ്ത് അന്വേഷണം നടത്തണമെന്ന ഹൈക്കോടതി സിംഗിൾ ബെഞ്ച് വിധിക്കെതിരെ നൽകിയ അപ്പീൽ ഡിവിഷൻ ബെഞ്ച് പരിഗണിക്കേണ്ടതായിരുന്നുവെന്ന് സുപ്രീം കോടതി വ്യക്തമാക്കുകയുണ്ടായി. കേസിൽ പ്രതികളുടെ ഭാഗം കേൾക്കാൻ നിർദ്ദേശിച്ച കോടതി, വിജിലൻസിന് മുന്നോട്ട് പോകാമെന്ന മുൻ ഉത്തരവും റദ്ദാക്കിയിട്ടുണ്ട്.