തിരുവനന്തപുരം.സർക്കാർ അഭിഭാഷക നിയമനവുമായി ബന്ധപ്പെട്ട ആശങ്ക അറിയിക്കാൻ കെഎസ്‌യു നേതൃത്വം മുഖ്യമന്ത്രിയുമായി ഇന്ന് കൂടിക്കാഴ്ച നടത്തും. മൂന്ന് മണിക്ക് ആണ് കൂടിക്കാഴ്ച. മുഖ്യമന്ത്രിയുടെ ഓഫീസ് കെഎസ്‌യു സംസ്ഥാന നേതൃത്വത്തെ ഔദ്യോഗികമായി അറിയിച്ചിട്ടുണ്ട് . നേരിൽ കണ്ടിട്ടും കെഎസ്‌യു സംസ്ഥാന അധ്യക്ഷൻ അലോഷ്യസ് സേവ്യറെ അവഗണിച്ചു പോയ മുഖ്യമന്ത്രിയുടെ നടപടിയിൽ പാർട്ടിക്കുള്ളിൽ വലിയ പ്രതിഷേധം ഉയർന്നിരുന്നു.
തുടർന്ന് കെപിസിസി അധ്യക്ഷൻ കൂടി ഇടപെട്ടാണ് പ്രശ്നപരിഹാരത്തിന് നീക്കം നടത്തിയത്. ഇതോടെ കോൺഗ്രസിലെ ഗ്രൂപ്പ് കലാപത്തിനും താൽക്കാലിക വെടി നിർത്തൽ ആയിരിക്കുകയാണ്.
അതേസമയം പട്ടികയിൽ നിന്ന് പിന്നോട്ടില്ല എന്നാണ് സർക്കാർ നിലപാട് എങ്കിൽ വീണ്ടും പ്രതിഷേധമുയരാനുള്ള സാഹചര്യമുണ്ട്. കോൺഗ്രസിലെ പരസ്യപ്രസ്താവനയ്ക്കും കെപിസിസി നിയന്ത്രണമേർപ്പെടുത്തി. പരാതികളും അഭിപ്രായങ്ങളും ഉണ്ടെങ്കിൽ അത് പാർട്ടി ഫോറങ്ങളിൽ പറഞ്ഞാൽ മതി എന്നായിരുന്നു കെപിസിസിയുടെ സർക്കുലർ
