ആലപ്പുഴ. ചെങ്ങന്നൂർ കഴിഞ്ഞ് കുറ്റൂർ പാലത്തിന് രണ്ട് സൈഡിലും വാഹനങ്ങൾ കടന്ന് പോകാൻ കഴിയാത്ത വിധം വെള്ളം കെട്ടി നിൽക്കുന്നതിനാൽ MC റോഡ് വഴി പോകുന്ന KSRTC യുടെ സെൻസർ ഘടിപ്പിച്ച പുതിയ ബസുകൾ സർവീസുകൾ ക്രമീകരിക്കാന്‍ അധികൃതര്‍ ജീവനക്കാര്‍ക്ക് നിര്‍ദ്ദേശം നല്‍കി,
തിരുവനന്തപുരത്ത് നിന്നും MC വഴി പോകുന്ന വാഹനങ്ങൾ അടുർ എത്തിയ ശേഷം – പഴകുളം – നൂറനാട് -ചാരുമൂട് – കറ്റാനം – കായംകുളം (KP റോഡ്) വഴി സർവീസ് നടത്തണം.
ചെങ്ങന്നൂർ എത്തിച്ചേർന്ന വാഹനങ്ങൾ തിരിച്ച് മുളക്കുഴ എത്തിയ ശേഷം കോട് കുളഞ്ഞി -കൊല്ലകടവ് – കൊച്ചാലുമൂട് – വലത് തിരിഞ്ഞ് മാവേലിക്കര – ഹരിപ്പാട് വഴി സർവീസ് തുടരണം എന്നാണ് നിര്‍ദ്ദേശം.
വടക്കൻ ജില്ലകളിൽ നിന്നും തിരുവനന്തപുരത്തേക്ക് വരുന്ന വാഹനങ്ങൾ കായംകുളം – കറ്റാനം – ചാരുമൂട് – നുറ നാട് -അടൂർ (KP റോഡ് )വഴി സർവീസ് നടത്തണം. റിസർവേഷൻ യാത്രക്കാരെ ഈ വിവരം മുൻകൂട്ടി അറിയിക്കണമെന്നും. യാതൊരു കാരണവശാലും ബസുകൾ വെളളത്തിൽ ഇറക്കി തകരാറിലാക്കരുതെന്നും നിര്‍ദ്ദേശമുണ്ട്..
