കൊല്ലം: ബൈക്കപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന യുവാവ് മരിച്ചു. മരുതമൺപള്ളി ബഥേൽ ബംഗ്ലാവിൽ ആൻസൺ വർഗീസ് (27) ആണ് മരിച്ചത്.
കഴിഞ്ഞ ഞായറാഴ്ച വൈകിട്ട് മൂന്നരയോടെയായിരുന്നു അപകടം. ആൻസൺ വർഗീസും സുഹൃത്തായ മരുതമൺപള്ളി അറപ്പുര കിഴക്കതിൽ അശ്വിൻ (24)യും ബൈക്കിൽ യാത്ര ചെയ്യുന്നതിനിടെ അമ്പലംകുന്ന്–മരുതമൺപള്ളി റോഡിൽ കോഴിക്കോട് എൻ.എസ്.എസ്. കരയോഗ മന്ദിരത്തിന് സമീപം നിയന്ത്രണം വിട്ട ബൈക്ക് മതിലിൽ ഇടിക്കുകയായിരുന്നു.
അപകടത്തിൽ ഗുരുതരമായി പരിക്കേറ്റ ഇരുവരെയും തിരുവനന്തപുരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ചികിത്സയിലിരിക്കെയാണ് കഴിഞ്ഞ ദിവസം രാത്രി ആൻസൺ വർഗീസിന്റെ മരണം. അശ്വിൻ ചികിത്സയിൽ തുടരുകയാണ്. ഭാര്യ: അമൃത. മകൻ: എയ്വിൻ ആൻസൺ.