ശാസ്താംകോട്ട: രാജഗിരി ബ്രൂക്ക് ഇന്റർനാഷണൽ സ്കൂളിൽ വെച്ച് നടന്ന ആർട്ടിഫിഷ്യൽ ഇന്റലിജൻസ്, സയൻസ്, മാത്സ്, ആർട്ട് & ക്രാഫ്റ്റ് എക്സിബിഷൻ ആയ സിനർജിയ 2026 എക്സ്പോയുടെ ഉദ്ഘാടന വേളയിലാണ് കുട്ടികൾ കാലാനുസൃതമായി വളരുന്നതിന്റെ സൂചനയാണ് ഇത്തരം എക്സ്ബിഷൻ എന്ന് ഡോ.തോമസ് അൽഫോൺസ് അഭിപ്രായപ്പെട്ടത്.
ആർട്ടിഫിഷ്യൽ ഇന്റലിജൻസിന്റെ സഹായത്തോടെ നിർമ്മിച്ച ഡിസാസ്റ്റർ മാനേജ്മെന്റ് റെയിൻ വിൻഡ്, ഫയർ അലേർട്ട് സിസ്റ്റം റിമോട്ട് സെൻസറിലൂടെ ഉദ്ഘാടനം ചെയ്തു. റോബോട്ടിക് സാങ്കേതിക വിദ്യയുപയോഗിച്ച് രണ്ടു റോബോട്ടുകൾ ഉൾപ്പെടെ ഇരുന്നൂറോളം മോഡലുകളാണ് ആർട്ടിഫിഷ്യൽ ഇന്റലിജൻസ് എക്സ്പോയിൽ ഉണ്ടായിരുന്നത്. സയൻസ് മാത്സ് ആർട്ട് ക്രാഫറ്റ് എക്സ്പോകളിലായി ആയിരത്തോളം മോഡലുകൾ വിദ്യാർത്ഥികൾ നിർമ്മിച്ചു.
ഒന്നാം ക്ലാസ്സ് മുതൽ പ്ലസ് ടു വരെയുള്ള മുഴുവൻ കുട്ടികളും അവരുടെ കഴിവുകളെ പ്രോത്സാഹിപ്പിക്കാനായി എത്തിയ രക്ഷാ കർത്താക്കളും എക്സ്പോയുടെ ഭാഗമായിമാറി. ബ്രൂക്ക് ഡയറക്ടർ റവ. ഫാ. ഡോ. ജി എബ്രഹാം തലോത്തിൽ അധ്യക്ഷത വഹിച്ച ചടങ്ങുകൾക്ക് പ്രിൻസിപ്പൽ ബോണിഫെസിയ വിൻസെന്റ് നന്ദി രേഖപ്പെടുത്തി
