തിരുവനന്തപുരം: സിഎംആര്‍എല്‍ എക്‌സാലോജിക് കേസില്‍ ശശിധരന്‍ കര്‍ത്തയുടെ മൊഴി സംബന്ധിച്ചുള്ള വാര്‍ത്ത മാധ്യമസൃഷ്ടിയെന്ന് പ്രതിപക്ഷ നേതാവ് പിണറായി വിജയന്‍. എങ്ങനെയെങ്കിലും കേസ് തന്നിലേക്ക് എത്തിക്കാനാണ് പലരും ശ്രമിക്കുന്നത്. തന്നോട് അത്രമാത്രം താതപര്യമാണല്ലോ എല്ലാവര്‍ക്കുമെന്നും പ്രതിപക്ഷ നേതാവ് പറഞ്ഞു. മാധ്യമങ്ങള്‍ ഇത്തരം വാര്‍ത്തകള്‍ ഉണ്ടാക്കാന്‍ എന്നും ശ്രമിക്കാറുണ്ട്, ഈ ശ്രമം തുടരണമെന്നും പിണറായി വിജയന്‍ പറഞ്ഞു.
‘മൊഴി ആരാ പുറത്ത് വിട്ടിരിക്കുന്നത്?. മാധ്യമങ്ങളിലല്ലേ ശ്രീമതി ടീച്ചറുടെ വാര്‍ത്ത വന്നത്. മാധ്യമങ്ങളില്‍ വന്നതുകൊണ്ട് മാത്രം അത് ശരിയാകുമോ?. രേഖയുണ്ടെങ്കില്‍ രേഖ കാണിച്ചോട്ടോ?. അതൊക്കെ നിങ്ങളുടെ സൃഷ്ടിയല്ലേ?. നിങ്ങള്‍ക്ക് എന്തെല്ലാം സൃഷ്ടിക്കാം. നിങ്ങള്‍ എന്തെല്ലാം സൃഷ്ടിച്ച് കൊണ്ടിരിക്കുന്നവരാണ്. എത്രകാലമായി സൃഷ്ടിച്ചുകൊണ്ടിരിക്കുന്നു. ആ സൃഷ്ടിക്കുന്നതിന് എന്തങ്കിലും ഫലം ഉണ്ടാക്കാന്‍ കഴിഞ്ഞോ?. ഇനി ഇതും കുറച്ചുനാള്‍ നോക്കൂ, എന്താണ് ചെയ്യാന്‍ പറ്റുകയെന്ന്. ഞാനിപ്പോ നിങ്ങളുടെ മുന്നില്‍ മറ്റൊന്നും പറയാന്‍ നില്‍ക്കുന്നില്ല. നല്ല ശ്രമം നടത്തിനോക്കൂ, എന്തെങ്കിലും കിട്ടുമോയെന്ന് നോക്കൂ.
‘കേസ് എങ്ങനെയെങ്കിലും എന്നിലേക്ക് എത്തികാനാകുമോയെന്നല്ലേ പലരും നോക്കുന്നത്. എന്നോട് അത്രമാത്രം താത്പര്യമാണല്ലോ എല്ലാവര്‍ക്കും. അത് വരട്ടെ. അപ്പോ നോക്കാം’ – പിണറായി പറഞ്ഞു. വീണയുടെ പേരില്‍ മറ്റൊരു കമ്പനിയുണ്ടോയെന്ന ചോദ്യത്തിന് കമല ഇന്റര്‍നാഷണല്‍ വിട്ടോ എന്നായിരുന്നു പിണറായിയുടെ മറുചോദ്യം.
