Advertisement
തൃശൂര്‍.അതിരപ്പിള്ളി വനത്തിനുള്ളിൽ കാണാതായ വയോധികയ്ക്കായി തെരച്ചിൽ തുടരുന്നു. വാച്ചുമരം കോളനി നിവാസിയായ 70 വയസ്സുള്ള അമ്മിണിയെയാണ് ഇന്നലെ ഉച്ചതിരിഞ്ഞു മുതൽ കാണാതായത്. വിറക് ശേഖരിക്കാൻ പോയശേഷം മടങ്ങിവന്ന അമ്മിണി മറന്നുവെച്ച കോടാലി എടുക്കാൻ വീണ്ടും കാട്ടിൽ പോവുകയായിരുന്നു. വനം വകുപ്പും നാട്ടുകാരും ചേർന്ന് വനത്തിൽ തെരച്ചിൽ നടത്തിയെങ്കിലും കണ്ടെത്താനായില്ല. ഇതോടെയാണ് ദൗത്യം ഇന്ന് രാവിലെ വീണ്ടും ആരംഭിച്ചത്. നാലു സംഘങ്ങളായി തിരിഞ്ഞ് കാടിനുള്ളിൽ രണ്ടുതവണ തിരച്ചിൽ നടത്തിയെങ്കിലും അമ്മിണിയെ ഇന്നും കണ്ടെത്താനായില്ല. തുടർന്ന് സമീപത്തെ വനത്തിൽ ഉൾപ്പെടെ വനം വകുപ്പ് ഉദ്യോഗസ്ഥരെ നേതൃത്വത്തിൽ തെരച്ചിൽ ശക്തമാക്കി.
Advertisement
