കൊല്ലം: കൊല്ലം ചിതറയിൽ ബൈക്ക് കാറിലും ഓട്ടോറിക്ഷയിലും ഇടിച്ച് ബെക്ക് യാത്രക്കാരനായ യുവാവ് മരിച്ചു. 34 വയസുള്ള ചിതറ ഇരപ്പിൽ സ്വദേശി ബൈജുവാണ് മരിച്ചത്. ഉച്ചയ്ക്ക് പന്ത്രണ്ട് മണിയോടെയായിരുന്നു അപകടം.
കടയ്ക്കൽ ഭാഗത്ത് നിന്ന് ചിതറയിലേക്ക് പോകുകയായിരുന്ന ബൈജുവിന്റെ ബൈക്ക് ആദ്യം കാറിലും തെറിച്ചു വീണ് ഓട്ടോറിക്ഷയിലും ഇടിക്കുകയായിരുന്നു. അമിത വേഗതയിലും തെറ്റായ ദിശയിലുമാണ് ബൈക്ക് എത്തിയത്. കടയ്ക്കൽ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വിദേശത്തായിരുന്ന ബൈജു രണ്ടു മാസം മുൻപാണ് ആറു മാസത്തെ അവധിയ്ക്ക് നാട്ടിലെത്തിയത്. രണ്ട് കുട്ടികളുണ്ട്.
Advertisement
