കെഎസ്ഇബി ലൈൻ വർക്കിന് തോട്ടിയുമായി പോയ വാഹനത്തിന് എഐ ക്യാമറ കൊടുത്ത മുട്ടന്‍ പണി

വയനാട്. കെ.എസ്.ഇ.ബി ലൈൻ വർക്കിനായി തോട്ടിയുമായി പോയ വാഹനത്തിന് എ.ഐ ക്യാമറ വക 20, 500 രൂപ പിഴ. അമ്പലവയൽ ഇലക്ട്രിക്കൽ സെക്ഷൻ ഓഫീസിലെ ജീവനക്കാർക്കായി വാടകയ്ക്കെടുത്ത KL18 . Q. 2693 നമ്പര്‍ ജീപ്പിനാണ് പിഴ കിട്ടിയത്. ജൂണ്‍ ആറിന് ചാര്‍ജുചെയ്ത കേസിന് 17 നാണ് നോട്ടീസ് വന്നത്. വണ്ടിയുടെ ചിത്രങ്ങളും പിഴയ്ക്ക് കാരണമായ കുറ്റങ്ങളും സഹിതം എം.വി.ഡിയുടെ കത്തുവന്നതോടെ വാഹന ഉടമ ഞെട്ടി. കാലങ്ങളായി ഇതേരീതിയില്‍ ഓടുന്ന വാഹനത്തിന് ഭീമമായ തുക പിഴയീടാക്കിയത് കെ.എസ്.ഇ.ബി.ക്കും ഷോക്കായി.

Advertisement