ലാൻഡ് ചെയ്തതിന് പിന്നാലെ ഇന്ത്യൻ വ്യോമസേനയുടെ യുദ്ധ വിമാനത്തിന് തീപിടിച്ച് അഞ്ച് പേർക്ക് വീരമൃത്യു

June 13, 2026

ജോർഹട്ട്: ലാൻഡ് ചെയ്തതിന് പിന്നാലെ ഇന്ത്യൻ വ്യോമസേനയുടെ യുദ്ധ വിമാനത്തിന് തീപിടിച്ച് അഞ്ച് പേർക്ക് വീരമൃത്യു. കൊല്ലപ്പെട്ട അഞ്ച് പേരും വ്യോമസേനാ ഉദ്യോഗസ്ഥരാണ്. അസമിലെ ജോർഹട്ടിലാണ് വ്യോമസേനാ വിമാനത്തിന് തീ പിടിച്ചത്. എ എൻ 32 ട്രാൻസ്പോർട്ട് വിമാനത്തിനാണ് തീപിടിച്ചത്. ലാൻഡിംഗിന് ശേഷം നിയന്ത്രണം നഷ്ടപ്പെട്ട വിമാനം ജോർഹട്ടിലെ റൺവേയ്ക്ക് സമീപത്തെ തുറന്നയിടത്തേക്കാണ് തകർന്നു വീണത്. അപകടത്തെക്കുറിച്ചുള്ള കൃത്യമായ വിവരങ്ങൾ വ്യോമസേനാ അധികൃതർ ശേഖരിച്ചുവരികയാണ്. ജോർഹട്ടിലെ വ്യോമസേനാ താവളത്തിൽ ലാൻഡിംഗിന് ശ്രമിക്കുമ്പോഴാണ് അപകടമുണ്ടായത്. വടക്കുകിഴക്കൻ ഇന്ത്യയിലെ സുപ്രധാന വ്യോമസേന താവളത്തിന് സമീപമാണ് അപകടമുണ്ടായത്. അപകടത്തിൽ സഹപൈലറ്റ് രക്ഷപ്പെട്ടു. അപകടത്തിൽ വ്യോമസേന അന്വേഷണത്തിന് ഉത്തരവിട്ടിട്ടുണ്ട്. 45 പേർക്ക് യാത്ര ചെയ്യാൻ പറ്റുന്ന വിമാനത്തിൽ ആറ് പേരാണ് ഉണ്ടായിരുന്നത്.

അപകടത്തിന്റെ കൃത്യമായ കാരണം ഇതുവരെ കണ്ടെത്താൻ കഴിഞ്ഞിട്ടില്ല. 1986ന് ശേഷം ഇന്ത്യയിൽ എഎൻ32 വിമാനങ്ങൾ ഉൾപ്പെട്ട ഏകദേശം 22 അപകടങ്ങളാണ് റിപ്പോർട്ട് ചെയ്യപ്പെട്ടിട്ടുള്ളത്. ഇതിൽ ഏറ്റവും ഒടുവിലത്തെ എഎൻ 32 അപകടം സംഭവിച്ചത് കഴിഞ്ഞ വർഷം ആയിരുന്നു. ഇന്ത്യൻ വ്യോമസേന ഏറ്റവും കൂടുതൽ ഉപയോഗിക്കുന്ന പ്രധാന ട്രാൻസ്പോർട്ട് വിമാനങ്ങളിൽ ഒന്നാണ് ഇപ്പോഴും എഎൻ32. രാജ്യത്തുടനീളമുള്ള സൈനിക നീക്കങ്ങൾക്കും ലോജിസ്റ്റിക്സ് ദൗത്യങ്ങൾക്കും ഈ വിമാനം ഇന്നും വളരെ നിർണ്ണായകമായ പങ്കാണ് വഹിച്ചുവരുന്നത്.

കഴിഞ്ഞ കുറച്ചു മാസങ്ങൾക്ക് മുമ്പ് അസമിൽ തന്നെയുണ്ടായ മറ്റൊരു വ്യോമാപകടത്തിന് പിന്നാലെയാണ് ഇപ്പോൾ ഈ ദാരുണ സംഭവം നടന്നിരിക്കുന്നത്. ജോർഹട്ട് എയർ ബേസിൽ നിന്നും ഏകദേശം 60 കിലോമീറ്റർ അകലെയുള്ള കർബി ആംഗ്ലോങ് ജില്ലയിലെ ബൊകാജൻ സബ് ഡിവിഷനിലുള്ള ഇംഗ്ലോങ് എകോപി കുന്നുകളിലായിരുന്നു അന്ന് അപകടം നടന്നത്. വ്യോമസേനയുടെ സുഖോയ്30എംകെഐ യുദ്ധവിമാനം അതിന്റെ പതിവ് പരിശീലന പറക്കലിനിടയിൽ ഇവിടെ തകർന്നു വീഴുകയായിരുന്നു.

ബ്രസീൽ ആദ്യ മത്സരത്തിന് ഇറങ്ങുന്നത് നെയ്മർ ഇല്ലാതെ

June 13, 2026

ബ്രസീലിന്‍റെ ആദ്യ മത്സരത്തിൽ നെയ്മർ കളിക്കില്ല എന്ന് ബ്രസീൽ പരിശീലകൻ ആഞ്ചലോട്ടി. കഴിഞ്ഞ മാസം പരിശീലനത്തിനിടെ ഉണ്ടായ പരിക്കിൽ നെയ്മർ വിശ്രമത്തിലായിരുന്നു. എന്നാൽ ബ്രസീലിന്‍റെ അടുത്ത എതിരാളികൾ ആയി കണക്കാക്കപ്പെടുന്ന മൊറോക്കൊക്കെതിരെ മത്സരിക്കാൻ ടീമിന്‍റെ പ്രധാന താരം ഇറങ്ങുന്നില്ല എന്നത് ആരാധകരെ ഏറെ നിരാശയിലാഴ്ത്തുന്ന വാർത്തയാണ്. നെയ്മറില്ലെങ്കിലും ടീം മികച്ച രീതിയിൽ എതിരാളികളില്ലാതെ നേരിടും എന്നാണ് പരിശീലകന്‍റെ പ്രതികരണം.

സ്നേഹ മെര്‍ലിന്‍ സ്ഥിരം കുറ്റവാളി…മൂന്ന് പോക്സോ കേസുകൾ.. പീഡന ദൃശ്യങ്ങൾ ഫോണില്‍ പകര്‍ത്തി 14-കാരനെ ഭീഷണിപ്പെടുത്തി

June 13, 2026

കാസര്‍കോട് 16കാരി പീഡനത്തിന് ഇരയായ കേസിൽ പ്രതിയായ സ്നേഹ മെര്‍ലിന്‍ സ്ഥിരം കുറ്റവാളിയെന്ന് വിവരം. തളിപ്പറമ്പ് സ്റ്റേഷനിലും സ്നേഹയുടെ പേരിൽ മൂന്ന് പോക്സോ കേസുകളുള്ളതായാണ് വിവരം. നാലാമത്തെ കുറ്റകൃത്യത്തിലാണ് സ്നേഹ ഇപ്പോള്‍ ഇവർ പിടിയിലായത്. പോക്സോ കേസ് കൂടാതെ തളിപ്പറമ്പിലെ സിപിഐ നേതാവിനെ ആക്രമിച്ച കേസിലും സ്‌നേഹ മെര്‍ലിന്‍ പ്രതിയാണ്.

2025 ഫെബ്രുവരിയിലാണ് സ്നേഹയ്ക്കെതിരെ ആദ്യ പോക്സോ കേസ് രജിസ്റ്റര്‍ ചെയ്യുന്നത്. പന്ത്രണ്ടുകാരിയായ പെണ്‍കുട്ടിയെയാണ് പീഡിപ്പിച്ചത്. കുട്ടിയുടെ ബാഗില്‍ നിന്ന് ലഭിച്ച ഫോണ്‍ പരിശോധിച്ചപ്പോള്‍ അധ്യാപകര്‍ക്കാണ് ആദ്യം സംശയം തോന്നിയത്. തുടര്‍ന്ന് രക്ഷിതാക്കളെ വിവരം അറിയിക്കുകയും ചൈല്‍ഡ് ലൈന്‍ അധികൃതര്‍ കൗണ്‍സിലിങ് നടത്തുകയും ചെയ്തു. കൗണ്‍സിലിങ്ങിനിടെ കുട്ടി പീ‍ഡനവിവരം തുറന്നുപറയുകയായിരുന്നു. പുറത്തുപറയാതിരിക്കാന്‍ പെണ്‍കുട്ടിക്ക് പ്രതി സ്വര്‍ണ ബ്രേസ്‌ലെറ്റ് വാങ്ങി നല്‍കിയതായതായും സൂചനയുണ്ടായിരുന്നു.

ഈ പന്ത്രണ്ടുകാരിയെ കൂടാതെ ഇതേ കുട്ടിയുടെ സഹോദരനായ പതിനാല് വയസുള്ള ആണ്‍കുട്ടിയെയും യുവതി പീഡിപ്പിച്ചതായി വിവരമുണ്ട്. ആണ്‍കുട്ടി തന്നെയാണ് ആദ്യം വീട്ടുകാരോട് കാര്യം തുറന്നു പറഞ്ഞത്. പിന്നാലെ വീട്ടുകാര്‍ ചൈല്‍ഡ് ലൈനെയും പൊലീസിനെയും അറിയിച്ചു. കുട്ടിയുടെ മൊഴിയുടെ അടിസ്ഥാനത്തിൽ സ്നേഹയ്ക്കെതിരെ പോക്സോ ചുമത്തുകയും ചെയ്തു. ഈ രണ്ട് കേസുകളും കൂടാതെ 14 വയസുള്ള മറ്റൊരു ആണ്‍കുട്ടിയെയും പീഡിപ്പിച്ചതിന് സ്നേഹയ്ക്കെതിരെ കേസുണ്ട്. പീഡന ദൃശ്യങ്ങളും സ്നേഹ ഫോണില്‍ പകര്‍ത്തിയിരുന്നു. പീഡന വിവരം പുറത്തുപറയാതിരിക്കാന്‍ വിഡിയോ കാട്ടി കുട്ടിയെ ഭീഷണിപ്പെടുത്തുകയായിരുന്നു.

തടാക തീരത്ത് വേങ്ങയില്‍ പുതിയ അപകടാവസ്ഥ, അധികൃതര്‍ ശ്രദ്ധിക്കണമെന്ന് നാട്ടുകാര്‍

June 13, 2026

ശാസ്താംകോട്ട. തടാക തീരത്ത് വേങ്ങയില്‍ പുതിയ അപകടാവസ്ഥ, അധികൃതര്‍ ശ്രദ്ധിക്കണമെന്ന് നാട്ടുകാര്‍. അടിയന്തരമായി നടപടി സ്വീകരിച്ചില്ലെങ്കില്‍ വന്‍ ദുരന്തമാകാവുന്ന പ്രശ്നമാണ് പുതിയതായി ഉരുത്തിരിയുന്നത്. ശാസ്താംകോട്ട-ചവറ പ്രധാന പാതയില്‍ വേങ്ങയിലെ വളവില്‍ തടാക തീരത്ത് സ്വകാര്യ ഭൂമിയിലെ മരങ്ങള്‍ മുറിച്ചു നീക്കിയതോടെയാണ് അപകടാവസ്ഥ. ഇവിടെ റോഡിലെ എസ് വളവ് വാഹനങ്ങള്‍ നിയന്ത്രണം വിട്ട് മറിയും വിധമാണിപ്പോള്‍.ഒരു മുന്നറിയിപ്പ് ബോര്‍ഡ് പോലുമില്ല.

നേരത്തേ മരങ്ങള്‍ നിന്നപ്പോള്‍ അഥവാ വാഹനം മറിഞ്ഞാലും തട്ടിനില്‍ക്കുമായിരുന്നു. ഇവിടെ മറിഞ്ഞ ചെറിയവാഹനങ്ങള്‍ ഇത്തരത്തില്‍ രക്ഷപ്പെട്ടിട്ടുണ്ട്. പക്ഷേ ഇപ്പോള്‍ വാഹനം 50അടിയോളം താഴ്ചയിലേക്ക് മറിയാനാണ് സാധ്യത. ഈ റോഡില്‍ മഴയത്ത് വെള്ളക്കെട്ടും അപകടാവസ്ഥ കൂട്ടുന്നു. റോഡിനു ചേര്‍ന്ന് ഇടിഞ്ഞുപോയ ഭാഗത്ത് നാട്ടുകാര്‍ കമ്പ് കുത്തിവച്ചതുമാത്രമാണ് മുന്നറിയിപ്പിനുള്ളത്. കടുത്ത മഴയത്തും രാത്രിയിലും ഇവിടെ കാഴ്ച കുറഞ്ഞ് അപകടാവസ്ഥ ഏറെയാണ്.

സദാ പെട്രോളും ഡീസലും കെഎംഎലിലേക്കുള്ള രാസവസ്തുക്കളും ആസിഡും മറ്റും കൊണ്ടുപോകുന്ന റോഡാണിത്. ഈ വാഹനം മറിഞ്ഞാല്‍ ശാസ്താംകോട്ട ശുദ്ധ ജല തടാകം പാടേ മലിനമായേക്കും. കൊല്ലം നഗരത്തിലേയും നിരവധി പഞ്ചായത്തുകളിലേക്കും പ്രാദേശിക മേഖലകളിലേക്കുമുള്ള ആറ് ലക്ഷത്തോളം പേര്‍ക്ക് ശുദ്ധജലം നല്‍കുന്ന സ്രോതസ് എന്ന നിലയില്‍ ഇത് ആപല്ക്കരമാണ്. മുമ്പ് തടാകതീരത്തെ പ്രധാന അപകട മേഖലകളായും ജാഗ്രതക്കായി ക്യാമറകള്‍ സ്ഥാപിക്കേണ്ട സ്ഥലമായും പൊലീസ് ഇന്‍റലിജന്‍സ് വിഭാഗം ചൂണ്ടിക്കാട്ടിയ സ്ഥലമാണിത്. എന്നാല്‍ തുടര്‍ നടപടികളുണ്ടായിട്ടില്ല.

തടാക തീരത്തുകൂടി പ്രധാന പാത ഇത്രയും ചേര്‍ന്നു പോകുന്ന വേറൊരു സ്ഥലമില്ല. ഇവിടെ ത്തന്നെ വളവില്‍ വീതികൂട്ടി പാറ അടുക്കിയെങ്കിലും വളവിലെ അപകടകരമായ പോസ്റ്റ് നീക്കിയിട്ടില്ല. റോഡിന് ക്രാഷ് ബാരിയര്‍ സ്ഥാപിക്കുകയും വളവില്‍ വെള്ളക്കെട്ട് ഒഴിവാക്കാന്‍ നടപടി സ്വീകരിക്കുകയും ചെയ്യേണ്ടതാണ്.

ലാൻഡ് ചെയ്തതിന് പിന്നാലെ തീപടർന്നു, അസമിൽ വ്യോമസേന വിമാനം തകർന്നു

June 13, 2026

ജോർഹട്ട്: ലാൻഡ് ചെയ്തതിന് പിന്നാലെ ഇന്ത്യൻ വ്യോമസേനയുടെ യുദ്ധ വിമാനത്തിന് തീപിടിച്ചു. അസമിലെ ജോർഹട്ടിലാണ് വ്യോമസേനാ വിമാനത്തിന് തീ പിടിച്ചത്. എ എൻ 32 ട്രാൻസ്പോർട്ട് വിമാനത്തിനാണ് തീപിടിച്ചത്. ലാൻഡിംഗിന് ശേഷം നിയന്ത്രണം നഷ്ടപ്പെട്ട വിമാനം ജോർഹട്ടിലെ റൺവേയ്ക്ക് സമീപത്തെ തുറന്നയിടത്തേക്കാണ് തകർന്നു വീണത്. അപകടത്തെക്കുറിച്ചുള്ള കൃത്യമായ വിവരങ്ങൾ വ്യോമസേനാ അധികൃതർ ശേഖരിച്ചുവരികയാണ്. ജോർഹട്ടിലെ വ്യോമസേനാ താവളത്തിൽ ലാൻഡിംഗിന് ശ്രമിക്കുമ്പോഴാണ് അപകടമുണ്ടായത്. വടക്കുകിഴക്കൻ ഇന്ത്യയിലെ സുപ്രധാന വ്യോമസേന താവളത്തിന് സമീപമാണ് അപകടമുണ്ടായത്. പൈലറ്റ് അപകടത്തിൽ കൊല്ലപ്പെട്ടിരിക്കാമെന്ന സൂചനയാണ് ദേശീയമാധ്യമങ്ങൾ റിപ്പോർട്ട് ചെയ്യുന്നത്.

അപകടത്തിന്റെ കൃത്യമായ കാരണം ഇതുവരെ കണ്ടെത്താൻ കഴിഞ്ഞിട്ടില്ല. 1986ന് ശേഷം ഇന്ത്യയിൽ എഎൻ32 വിമാനങ്ങൾ ഉൾപ്പെട്ട ഏകദേശം 22 അപകടങ്ങളാണ് റിപ്പോർട്ട് ചെയ്യപ്പെട്ടിട്ടുള്ളത്. ഇതിൽ ഏറ്റവും ഒടുവിലത്തെ എഎൻ32 അപകടം സംഭവിച്ചത് കഴിഞ്ഞ വർഷം യിരുന്നു. ഇന്ത്യൻ വ്യോമസേന ഏറ്റവും കൂടുതൽ ഉപയോഗിക്കുന്ന പ്രധാന ട്രാൻസ്പോർട്ട് വിമാനങ്ങളിൽ ഒന്നാണ് ഇപ്പോഴും എഎൻ32. രാജ്യത്തുടനീളമുള്ള സൈനിക നീക്കങ്ങൾക്കും ലോജിസ്റ്റിക്സ് ദൗത്യങ്ങൾക്കും ഈ വിമാനം ഇന്നും വളരെ നിർണ്ണായകമായ പങ്കാണ് വഹിച്ചുവരുന്നത്.

കഴിഞ്ഞ കുറച്ചു മാസങ്ങൾക്ക് മുമ്പ് അസമിൽ തന്നെയുണ്ടായ മറ്റൊരു വ്യോമാപകടത്തിന് പിന്നാലെയാണ് ഇപ്പോഴെത്തെ അപകടം.

സംസ്ഥാനത്ത് സ്വർണവിലയിൽ ഇന്നും വർധന

June 13, 2026

സംസ്ഥാനത്ത് സ്വർണവിലയിൽ ഇന്നും വർധന. പവന് 360 രൂപയാണ് ഇന്ന് കൂടിയിരിക്കുന്നത്. ഇതോടെ ഒരു പവൻ സ്വർണത്തിന് 1,09,320 രൂപയായി.

ഒരു ഗ്രാം സ്വർണത്തിന്റെ വില 13,665 രൂപയാണ്. തുടർച്ചയായി വില കുറഞ്ഞതിന് ശേഷം അടുപ്പിച്ച് സ്വർണത്തിന് വില കൂടുകയാണ്. ഇന്നലെ 1,08,960 ആയിരുന്നു സ്വർണത്തിന്റെ വില. ജൂൺ ആദ്യം 1,14,560 രൂപയായിരുന്നു ഒരു പവൻ സ്വർണത്തിന് വില ഉണ്ടായിരുന്നത്. ഇവിടെ നിന്നാണ് വില കുറഞ്ഞ് 1,06,800 രൂപയിലേക്ക് എത്തിയത്. ജൂൺ പത്തിന് രാവിലെ 109160 രൂപയും പിന്നീട് വൈകിട്ടോടെ 108360 രൂപയിലേക്കും ഒരു പവൻ സ്വർണത്തിന്റെ വില കുറഞ്ഞു. പിന്നീട് ജൂൺ 11ന് 1,06,800 രൂപയിലേക്ക് നിരക്ക് കുറഞ്ഞു. ഇതായിരുന്നു ജൂൺ മാസത്തിലെ ഇതുവരെയുള്ള ഏറ്റവും കുറഞ്ഞ നിരക്ക്.

പരാഗ്വെയെ വീഴ്ത്തി ആതിഥേയരായ യുഎസ്എയ്ക്ക് ഗംഭീര തുടക്കം

June 13, 2026

ലൊസാഞ്ചലസ്: ലോകകപ്പ് പരാഗ്വെയെ വീഴ്ത്തി ആതിഥേയരായ യുഎസ്എ. ഗ്രൂപ്പ് ഡിയിലെ മത്സരത്തില്‍ ഒന്നിനെതിരേ നാല് ഗോളുകള്‍ക്കാണ് ജയം. ആദ്യപകുതിയിലാണ് അമേരിക്കയുടെ മൂന്ന് ഗോളുകള്‍ പിറന്നത്. തുടര്‍ച്ചയായ യുഎസ് ആക്രമണങ്ങളെ പ്രതിരോധിക്കാനാവാതെ പാരഗ്വായ് ഒടുവില്‍ തോല്‍വി സമ്മതിച്ചു.

പരാഗ്വെ താരം ഡാമിയന്‍ ബൊബാദില്ലയുടെ സെല്‍ഫ് ഗോളിലൂടെയും ഫൊലറാന്‍ ബാലഗന്റെ ഇരട്ടഗോളിലൂടെയും മത്സരം അവസാനിക്കാന്‍ സെക്കന്‍ഡുകള്‍ മാത്രം ബാക്കിനില്‍ക്കെ പകരക്കാരന്‍ ജിയോവാനി റെയ്‌നയിലൂടെയുമായിരുന്നു അമേരിക്കാന്‍ മുന്നേറ്റം. രണ്ടാം പകുതിയില്‍, പകരക്കാരനായി ഇറങ്ങിയ മൗറീഷ്യോയിലൂടെ പരാഗ്വെ ആശ്വാസ ഗോള്‍ നേടി.

മത്സരം ആരംഭിച്ച് ആദ്യമിനിറ്റുകളില്‍ തന്നെ യുഎസ്എയും പരാഗ്വെയും ആക്രമണ പ്രത്യാക്രമണങ്ങള്‍ കൊണ്ട് കളം നിറഞ്ഞു. ഏഴാം മിനിറ്റില്‍ ആതിഥേയരുടെ ഗോളുമെത്തി. പരാഗ്വെയ് താരം ഡാമിയന്‍ ബൊബാഡില്ല സെല്‍ഫ് ഗോളാണ് യുഎസിനെ മുന്നിലെത്തിച്ചത്. ബോക്സിനുള്ളില്‍ വെച്ചുള്ള യുഎസ്എയുടെ വെസ്റ്റണ്‍ മക്കെന്നിയുടെ ക്രോസ്സ് പ്രതിരോധിക്കുന്നതില്‍ പരാഗ്വെ മധ്യനിരതാരത്തിന് പിഴച്ചു. പന്ത് ഡാമിയന്റെ കാലില്‍ തട്ടി നേരെ വലയിലേക്ക്. അതോടെ യുഎസ്എ അക്കൗണ്ട് തുറന്നു.

ഇതിനിടെ യുഎസ്എയുടെ രണ്ടാം ഗോളുമെത്തി. 31-ാം മിനിറ്റിലാണ് ഗോള്‍ പിറന്നത്. സ്‌ട്രൈക്കര്‍ ഫ്ളോറിയന്‍ ബലോഗണാണ് വലകുലുക്കിയത്. ഇടതുവിങ്ങിലൂടെയുള്ള ക്രിസ്റ്റിയന്‍ പുലിസിചിന്റെ മുന്നേറ്റമാണ് ഗോളിന് വഴിയൊരുക്കിയത്. പുലിസിചിന്റെ പാസ് സ്വീകരിച്ച ബലോഗണ്‍ ഉഗ്രന്‍ ഷോട്ടിലൂടെ ഗോളടിച്ചു. അതോടെ പരാഗ്വെ പ്രതിരോധത്തിലായി.
ആദ്യപകുതി അവസാനിക്കുന്നതിന് മുന്‍പ് ഇഞ്ചുറി ടൈമില്‍ ബലോഗണ്‍ വീണ്ടും വലകുലുക്കിയതോടെ ആതിഥേയര്‍ മൂന്ന് ഗോളിന് മുന്നിലായി. രണ്ടാം പകുതിയിലും അമേരിക്ക ആക്രമിച്ച് കളിച്ചതോടെ

പരാഗ്വെയ്ക്ക് കൂടുതല്‍ ഒന്നും ചെയ്യാനായില്ല. കിട്ടിയ അവസരങ്ങളില്‍ പരാഗ്വെ മുന്നേറ്റനിരയും ആക്രമണം കടുപ്പിച്ചു. മിഗ്വേല്‍ അല്‍മിരോണ്‍ ഗോളിനടുത്തെത്തിയെങ്കിലും ലക്ഷ്യത്തിലെത്തിയില്ല. എന്നാല്‍ 73-ാം മിനിറ്റില്‍ പരാഗ്വെ തിരിച്ചടിച്ചു. ബോക്‌സിന് പുറത്തുവെച്ച് പരാഗ്വെ താരങ്ങള്‍ നടത്തിയ മികച്ച നീക്കം ലക്ഷ്യം കണ്ടു. യുഎസ്എ പ്രതിരോധത്തിന് അത് തടയാനായില്ല. പകരക്കാരനായി ഇറങ്ങി മൗറീഷ്യോ ആണ് വലകുലുക്കിയത്. കളിയവസാനിക്കാന്‍ സെക്കന്‍ഡുകള്‍ ബാക്കിനില്‍ക്കേ ജിയോവാനി റെയ്‌നയിലൂടെ യുഎസ്എ നാലാം ഗോളും നേടി. അതോടെ പരാഗ്വെ പതനം പൂര്‍ണമായി.

രാജി തുടർക്കഥയാകുന്നു; യുഡിഫിന് നാണക്കേടും

June 13, 2026

തിരുവനന്തപുരം: വിവാദ നിയമത്തിൽ വീണ്ടും നാണം കെട്ട് യുഡിഎഫ് സർക്കാർ. ദേവസ്വം വകുപ്പിന്റെ സ്‌പെഷല്‍ പ്ലീഡറായി നിയമിച്ച കെ ബി പ്രദീപ് രാജിവച്ചു. മന്ത്രി സണ്ണി ജോസഫിന്റെ അളിയൻ ബെന്നി തോമസിനെ അഡീഷണൽ പ്രൈവറ്റ് സെക്രട്ടറി സ്ഥാനം രാജിവെപ്പിച്ചതിന് സമാനമായ രീതിയിലാണ് കെ ബി പ്രദീപിന്റെയും രാജി.

ശ്രീകോവിലിലെ വാതിലിൽനിന്നും കട്ടിളപ്പടിയിൽനിന്നും സ്വർണം വേർതിരിച്ചെടുത്ത ചെന്നൈയിലെ സ്‌മാർട്ട്‌ ക്രിയേഷൻസിന്റെ സിഇഒ പങ്കജ്‌ ഭണ്ഡാരിയുടെ അഭിഭാഷകനായ കെ ബി പ്രദീപിനെ ദേവസ്വം വകുപ്പിന്റെ സ്‌പെഷൽ ഗവൺമെന്റ്‌ പ്ലീഡറായി സർക്കാർ നിയമിച്ചത്‌ വന്‍വിവാദമായിരുന്നു.

മുഖ്യമന്ത്രി വി ഡി സതീശൻ നേരിട്ടാണ്‌ ഇല്ലാത്ത തസ്‌തികയുണ്ടാക്കി നിയമനം നടത്തിയതെന്നാണ്‌ ഇതെക്കുറിച്ച്‌ ദേവസ്വം മന്ത്രി കെ മുരളീധരൻ പ്രതികരിച്ചത്‌. പ്രതിയുടെ ദ‍ൗർബല്യമറിയുന്നയാൾ അഭിഭാഷനാകുന്നത്‌ നല്ലതല്ലേ എന്ന വിചിത്രവാദമാണ്‌ മന്ത്രി ഉന്നയിച്ചത്‌. ഇതോടെ മുഖം രക്ഷിക്കാനായി സതീശൻ രാജി ആവശ്യപ്പെടുകയായിരുന്നു.

യുദ്ധം തീരും,അമേരിക്ക-ഇറാൻ നയതന്ത്ര ചർച്ചകളിൽ കരട് ധാരണയായതായി സ്ഥിരീകരിച്ച് പാകിസ്ഥാൻ

June 13, 2026

ഇസ്ലാമാബാദ്: അമേരിക്ക-ഇറാൻ നയതന്ത്ര ചർച്ചകളിൽ കരട് ധാരണയായതായി സ്ഥിരീകരിച്ച് പാകിസ്ഥാൻ. ഇരുരാജ്യങ്ങളും തമ്മിലുള്ള ചർച്ചകൾ നിലവിൽ നിർണായക ഘട്ടത്തിലാണെന്നും അന്തിമ കരാറിലെത്തുന്നതിനായുള്ള ശക്തമായ ശ്രമങ്ങളാണ് ഇപ്പോൾ നടന്നു വരുന്നതെന്നും മധ്യസ്ഥ ശ്രമങ്ങൾക്ക് നേതൃത്വം നൽകുന്ന പാകിസ്ഥാൻ ഔദ്യോഗികമായി വ്യക്തമാക്കി. പശ്ചിമേഷ്യയിൽ സമാധാനം പുനഃസ്ഥാപിക്കാൻ സഹായിക്കുന്ന ഈ ധാരണയെ സ്വാഗതം ചെയ്യുന്നതായും പാകിസ്ഥാൻ വൃത്തങ്ങൾ അറിയിച്ചു. അതേസമയം, അമേരിക്കയും ഇറാനും തമ്മിൽ രൂപപ്പെട്ടുവരുന്ന ഈ സമാധാന ധാരണകളെ ആട്ടിമറിക്കാൻ അന്താരാഷ്ട്ര തലത്തിൽ വലിയ രീതിയിലുള്ള വ്യാജ പ്രചാരണങ്ങൾ നടക്കുന്നുണ്ടെന്നും പാകിസ്ഥാൻ ചൂണ്ടിക്കാട്ടി. നയതന്ത്ര നീക്കങ്ങളെ തകർക്കുക എന്ന ലക്ഷ്യത്തോടെയാണ് ചില കേന്ദ്രങ്ങൾ അടിസ്ഥാനരഹിതമായ വാർത്തകൾ മാധ്യമങ്ങളിലൂടെ പ്രചരിപ്പിക്കുന്നത്. ചർച്ചകൾ പുരോഗമിക്കുന്ന പശ്ചാത്തലത്തിൽ ഇത്തരം വ്യാജ വാർത്തകളെ ജാഗ്രതയോടെ കാണണമെന്നും പാകിസ്ഥാൻ ഓർമ്മിപ്പിച്ചു.

കരാർ തൊട്ടടുത്ത്, പക്ഷേ ഇനിയും ദൂരമുണ്ട്

അമേരിക്കയും ഇറാനും തമ്മിലുള്ള കരാർ ഇതുവരെ ഉള്ളതിൽ വെച്ച് ഏറ്റവും തൊട്ടടുത്താണെന്ന് നേരത്തെ ഇറാൻ വിദേശകാര്യ മന്ത്രി അബ്ബാസ് അരാഗ്ച്ചിയും പ്രതികരിച്ചിരുന്നു. എന്നാൽ കരാർ പൂർണ്ണമായി യാഥാർഥ്യമാകാൻ ഇനിയും ഒരുപാട് ദൂരം മുന്നോട്ട് പോകാനുണ്ടെന്നാണ് അദ്ദേഹം വ്യക്തമാക്കിയത്. മാധ്യമങ്ങൾ ഊഹാപോഹങ്ങൾ പ്രചരിപ്പിക്കരുതെന്നും യഥാർത്ഥ വിവരങ്ങൾ ഉടൻ തന്നെ ഔദ്യോഗികമായി പുറത്തുവിടുമെന്നും അബ്ബാസ് അരാഗ്ച്ചി വ്യക്തമാക്കി.

മെഹർ ന്യൂസ് ഏജൻസി വാർത്ത തള്ളി ലോകനേതാക്കൾ

അതേസമയം അമേരിക്കയും ഇറാനും തമ്മിൽ പതിനാലിന സമാധാന ധാരണയിലെത്തിയെന്ന ഇറാൻ മാധ്യമമായ മെഹർ ന്യൂസ് ഏജൻസിയുടെ വാർത്ത തള്ളി പ്രമുഖ ലോകനേതാക്കൾ രംഗത്തെത്തിയിട്ടുണ്ട്. താൻ ഇസ്രയേൽ പ്രധാനമന്ത്രിയായിരിക്കുന്ന കാലത്തോളം ഇറാന് ആണവായുധം ഉണ്ടാക്കാൻ അനുവദിക്കില്ലെന്ന് ബെഞ്ചമിൻ നെതന്യാഹു വ്യക്തമാക്കി. ഇത് താനും ട്രംപും തമ്മിലുള്ള കരാർ എന്നും നെതന്യാഹു വിവരിച്ചു. ഇറാന്റെ മിസൈൽ ശേഷി നിയന്ത്രിക്കുന്നതിനെക്കുറിച്ചോ പശ്ചിമേഷ്യയിലെ വിവിധ സംഘടനകൾക്ക് ഇറാൻ നൽകുന്ന പിന്തുണയെക്കുറിച്ചോ ഇറാൻ മാധ്യമമായ മെഹർ ന്യൂസ് ഏജൻസി പുറത്തുവിട്ട 14 ധാരണകളിൽ പരാമർശമില്ലാത്തതാണ് ഇസ്രയേലിനെ പ്രകോപിപ്പിച്ചത്. പിടിച്ചെടുത്ത പ്രദേശങ്ങളിൽ നിന്നും പിന്മാറില്ലെന്ന് ഇസ്രയേൽ പ്രതിരോധ മന്ത്രിയും മുന്നറിയിപ്പ് നൽകി. ലബനൻ, ഗാസ, സിറിയ സെക്യൂരിറ്റി സോണുകളിൽ നിന്ന് പിന്മാറില്ലെന്നാണ് ഇസ്രായേൽ വ്യക്തമാക്കിയത്. മെഹർ ന്യൂസ് ഏജൻസി വാർത്തയ്ക്കെതിരെ ആഞ്ഞടിച്ച് അമേരിക്കൻ പ്രസിഡണ്ട് ഡോണൾഡ് ട്രംപും രംഗത്തെത്തി.

സ്തനാര്‍ബുദത്തിനെതിരെ വര്‍ഷങ്ങളോളം പോരാടി ജീവിതത്തിലേക്ക് മടങ്ങിയെത്തി,കാമുകന്‍ മടക്കിയയച്ചത് മരണത്തിലേക്ക്

സ്തനാര്‍ബുദത്തിനെതിരെ വര്‍ഷങ്ങളോളം പോരാടി ജീവിതത്തിലേക്ക് മടങ്ങിയെത്തി,കാമുകന്‍ മടക്കിയയച്ചത് മരണത്തിലേക്ക്

June 13, 2026

കാലിഫോര്‍ണിയ: നാലാംഘട്ട സ്തനാര്‍ബുദത്തിനെതിരെ വര്‍ഷങ്ങളോളം പോരാടി ജീവിതത്തിലേക്ക് മടങ്ങിയെത്തിയ 37കാരിയെ മരിച്ച നിലയിൽ കണ്ടെത്തി. മൃതദേഹം അവരുടെ തന്നെ അപ്പാർട്മെന്റിൽ പ്ലാസ്റ്റിക് കവറുകളിൽ പൊതിഞ്ഞ് സ്യൂട്ട്കേസിനുള്ളിൽ ആക്കിയ നിലയിലായിരുന്നു. ബെര്‍ക്ക്‌ലി സ്വദേശിയായ വനേസ സാഞ്ചസിന്റെ മരണവുമായി ബന്ധപ്പെട്ട് 28 കാരനായ കാമുകൻ ഡാമര്‍ക്കസ് ഡേവിഡ് ജോണ്‍സിനെ പൊലീസ് അറസ്റ്റ് ചെയ്തു.

മെയ് 30നാണ് വനേസയുടെ മൃതദേഹം ബെര്‍ക്ക്‌ലിയിലെ അപ്പാര്‍ട്ട്‌മെന്റില്‍ നിന്ന് കണ്ടെത്തിയത്. ദിവസങ്ങളായി ഫോണിലൂടെയോ മെസേജിലൂടെയോ ബന്ധപ്പെടാന്‍ കഴിയാതിരുന്നതിനെ തുടര്‍ന്ന് കുടുംബാംഗങ്ങള്‍ പൊലീസിനെ സമീപിക്കുകയായിരുന്നു. തുടര്‍ന്ന് അപ്പാര്‍ട്ട്‌മെന്റില്‍ നടത്തിയ പരിശോധനയില്‍ ബില്‍ഡിങ് മാനേജരാണ് സ്യൂട്ട്‌കേസിനുള്ളില്‍ മൃതദേഹം കണ്ടെത്തിയത്.

റിപ്പോർട്ടുകളനുസരിച്ച് മെയ് 24ന് വനേസയെ അവസാനമായി ജീവനോടെ കണ്ടത് ജോണ്‍സിനൊപ്പമാണ്. അപ്പാര്‍ട്ട്‌മെന്റിലേക്ക് ഇരുവരും പ്രവേശിക്കുന്നതിന്റെ ദൃശ്യങ്ങള്‍ സിസിടിവിയില്‍ പതിഞ്ഞിരുന്നു. പിന്നീട് ജോണ്‍സ് വലിയ കറുത്ത സ്യൂട്ട്‌കേസുമായി അപ്പാര്‍ട്ട്‌മെന്റിലേക്ക് വരുന്നതും ക്യാമറകളില്‍ രേഖപ്പെടുത്തിയിട്ടുണ്ട്. മൊബൈല്‍ ലൊക്കേഷന്‍ വിവരങ്ങളും ജോണ്‍സ് ദിവസങ്ങളോളം സംഭവസ്ഥലത്ത് ഉണ്ടായിരുന്നുവെന്ന് സൂചിപ്പിക്കുന്നതായി അന്വേഷണ ഉദ്യോഗസ്ഥര്‍ പറയുന്നു.

വനേസയുടെ ശരീരത്തില്‍ ഗുരുതരമായ പരിക്കുകള്‍ കണ്ടെത്തിയിട്ടുണ്ട്. തലയ്ക്കും കഴുത്തിനും ഏറ്റ ക്ഷതങ്ങളാണ് മരണകാരണമെന്നാണ് പ്രാഥമിക കണ്ടെത്തല്‍. മൃതദേഹം പ്ലാസ്റ്റിക് ബാഗുകളില്‍ പൊതിഞ്ഞ് പിന്നീട് സ്യൂട്ട്‌കേസിനുള്ളില്‍ ഒളിപ്പിച്ചുവെന്നാണ് അന്വേഷണ സംഘത്തിന്റെ നിഗമനം. ദുര്‍ഗന്ധം പുറത്തുവരാതിരിക്കാന്‍ ജനാലകള്‍ തുറന്നിടുകയും എയര്‍ പ്യൂരിഫയര്‍ പ്രവര്‍ത്തിപ്പിക്കുകയും ചെയ്തതായി പ്രതി അന്വേഷണത്തിനിടെ സമ്മതിച്ചുവെന്നും റിപ്പോര്‍ട്ടുണ്ട്.

2018 മുതല്‍ ബെര്‍ക്ക്‌ലിയില്‍ താമസിച്ചിരുന്ന വനേസ സാഞ്ചസ് ഒരു വിദ്യാഭ്യാസ സ്ഥാപനത്തില്‍ അഡ്മിനിസ്‌ട്രേറ്ററായി ജോലി ചെയ്തുവരികയായിരുന്നു. നാലാം ഘട്ട സ്തനാര്‍ബുദം സ്ഥിരീകരിച്ച ശേഷവും ധൈര്യത്തോടെ ജീവിതത്തെ നേരിട്ട വ്യക്തിയാണ് വനേസ. ‘ലോകത്തിന് പ്രകാശമുള്ളൊരു വ്യക്തിയെ നഷ്ടമായിരിക്കുന്നു’ എന്നാണ് കുടുംബാംഗങ്ങള്‍ അനുസ്മരണ സന്ദേശത്തില്‍ കുറിച്ചത്.

ജൂണ്‍ 2-നാണ് ഡാമര്‍ക്കസ് ഡേവിഡ് ജോണ്‍സിനെ പൊലീസ് അറസ്റ്റ് ചെയ്തത്. നിലവില്‍ ജാമ്യമില്ലാതെ തടങ്കലില്‍ കഴിയുന്ന ഇയാള്‍ക്കെതിരായ കേസിന്റെ തുടര്‍നടപടികള്‍ കോടതിയില്‍ പുരോഗമിക്കുകയാണ്. സംഭവത്തിന്റെ കൃത്യമായ സാഹചര്യങ്ങളും മരണത്തിലേക്ക് നയിച്ച സംഭവവികാസങ്ങളും സംബന്ധിച്ച അന്വേഷണം തുടരുകയാണെന്ന് ബെര്‍ക്ക്‌ലി പൊലീസ് അറിയിച്ചു.

News@Net | www.newsatnet.com

ഇന്റർ സ്കൂൾ ഫുട്ബോൾ ടൂർണമെന്‍റ് 2026 ബ്രൂക്ക് ഇന്റർനാഷണൽ സ്കൂളിന് ഹാട്രിക് കിരീടം

ശാസ്താംകോട്ട ശ്രീധർമ്മശാസ്താക്ഷേത്രത്തിൽ നിന്നും പമ്പക്ക് ബസ് വേണം

വി.എം സുധീരൻ്റെ പ്രസ്താവന എന്ന പേരിൽ വ്യാജവാർത്ത; അക്കു അക്ബറിന് എതിരെ കേസ്

എം.എസ്.സി ഫിസിക്സ് പരീക്ഷയിൽ രണ്ടാം റാങ്ക് കരസ്ഥമാക്കി ഗൗരി സുരേഷ്

100 മിനിറ്റിൽ ജിയോ ഐപിഒയ്ക്ക് മുഴുവൻ അപേക്ഷയും; ലക്ഷ്യം 30,213 കോടി

റിസർവ് ബാങ്കിന്‍റെ വായ്പാ നയ പ്രഖ്യാപനം ഇന്ന്; റിപ്പോ നിരക്കിൽ വർധനയ്ക്ക് സാധ്യത

അമേരിക്കയിലെ ഏറ്റവും വലിയ സ്റ്റീൽ പ്ലാന്റ് നിർമിക്കാൻ ഇന്ത്യയിലെ എസ്സാർ ഗ്രൂപ്പ്; 1500 കോടി…

ആശ്വാസം, 2000 രൂപ വരെയുള്ള യുപിഐ ഇടപാടുകൾക്ക് ചാർജ് ഈടാക്കാൻ പാടില്ല, ഉത്തരവിറക്കി കേന്ദ്ര…

സംസ്ഥാന സര്‍ക്കാരിന്‍റെ നികുതി വരുമാനത്തില്‍ മുന്‍ വര്‍ഷത്തെ അപേക്ഷിച്ച് വന്‍ വര്‍ധന

സംസ്ഥാന സ്കൂൾ കായിക മേളയ്ക്ക് കോഴിക്കോട്ട് കൊടിയേറി, കായിക മേഖലയ്ക്ക് പ്രത്യേക പാക്കേജ് ഉടനെന്ന്…

പത്രം മലയാള ദിനപത്രങ്ങളിലൂടെ 2026 ഒക്ടോബര്‍ 25 | ഞായര്‍ | 1202 തുലാം…

ഇഷാൻ കിഷന് പകരം സൂര്യവംശി; സഞ്ജു സാംസൺ ഒഴിവാകുമോ: രണ്ടാം ട്വന്റി-20 ക്രിക്കറ്റ് മത്സരത്തിന്റെ…

പത്രം മലയാള ദിനപത്രങ്ങളിലൂടെ 2026 | ഒക്ടോബര്‍ 24 | ശനി (1202 തുലാം…

പത്രം മലയാള ദിനപത്രങ്ങളിലൂടെ

യുഎസ് ഗ്രീൻ കാർഡ് പദ്ധതിയിൽ നിന്ന് ഇന്ത്യൻ ഐടി കമ്പനികളെ വിലക്കി അമേരിക്ക; നടപടി…

എഐയിൽ അമിത നിയന്ത്രണം വേണ്ട, നിയന്ത്രണം സാങ്കേതിക മുന്നേറ്റത്തിന് തടസം; ഡൊണാൾഡ് ട്രംപ്

മണിക്കൂറോളം ഇരുന്ന് റീൽസ് കാണുന്നവരാണോ ? എങ്കിൽ സൂക്ഷിക്കുക പണികിട്ടും

സെൽഫ് ഡ്രൈവിങ് എല്ലാം സേഫ് അല്ല; ഫുൾ സെൽഫ് ഡ്രൈവിംഗ് മോഡിലുള്ള ടെസ്‍ല കാർ…

3 ഡോര്‍ പതിപ്പുമായി പുതിയ ഥാര്‍ വരുന്നു

ബജാജ് ഓട്ടോ പള്‍സര്‍ ബ്രാന്‍ഡ് പുതിയ യുഗത്തിന് തുടക്കം… പള്‍സര്‍ 150 ലോഞ്ച് ഓഗസ്റ്റ്…

ടാറ്റ മോട്ടോഴ്‌സിന്റെ ജനപ്രിയ വാഹനങ്ങള്‍ക്ക് അടുത്ത മാസം മുതല്‍ വില വര്‍ധിക്കും

ടാറ്റ മോട്ടോഴ്സിന്റെ സിയറ ഇവി ലോഞ്ച് 30ന്

ആർത്തവ വിരാമത്തോടനുബന്ധിച്ച് സ്ത്രീകളെ നിശ്ശബ്ദമായി ബാധിക്കുന്ന രോഗം

ക്യാൻസറിനെ പ്രതിരോധിക്കുന്ന 7 ഭക്ഷണങ്ങൾ

വീണക്ക് പിന്നാലെ അമാൻ എത്തി; എന്റെ എല്ലാ വിഷമങ്ങളിലും സന്തോഷങ്ങളിലും കൈത്താങ്ങായി നിന്നവൻ, മുന്നോട്ടുപോകാൻ…

കൊല്ലം കടയ്ക്കലിൽ നിയന്ത്രണം വിട്ട കാർബൈക്കിൽ ഇടിച്ച് യാത്രക്കാരന് ഗുരുതര പരിക്ക്

ലാൻഡ് ചെയ്തതിന് പിന്നാലെ ഇന്ത്യൻ വ്യോമസേനയുടെ യുദ്ധ വിമാനത്തിന് തീപിടിച്ച് അഞ്ച് പേർക്ക് വീരമൃത്യു

ബ്രസീൽ ആദ്യ മത്സരത്തിന് ഇറങ്ങുന്നത് നെയ്മർ ഇല്ലാതെ

തടാക തീരത്ത് വേങ്ങയില്‍ പുതിയ അപകടാവസ്ഥ, അധികൃതര്‍ ശ്രദ്ധിക്കണമെന്ന് നാട്ടുകാര്‍

ലാൻഡ് ചെയ്തതിന് പിന്നാലെ തീപടർന്നു, അസമിൽ വ്യോമസേന വിമാനം തകർന്നു

സംസ്ഥാനത്ത് സ്വർണവിലയിൽ ഇന്നും വർധന

പരാഗ്വെയെ വീഴ്ത്തി ആതിഥേയരായ യുഎസ്എയ്ക്ക് ഗംഭീര തുടക്കം

രാജി തുടർക്കഥയാകുന്നു; യുഡിഫിന് നാണക്കേടും

യുദ്ധം തീരും,അമേരിക്ക-ഇറാൻ നയതന്ത്ര ചർച്ചകളിൽ കരട് ധാരണയായതായി സ്ഥിരീകരിച്ച് പാകിസ്ഥാൻ

കരാർ തൊട്ടടുത്ത്, പക്ഷേ ഇനിയും ദൂരമുണ്ട്

മെഹർ ന്യൂസ് ഏജൻസി വാർത്ത തള്ളി ലോകനേതാക്കൾ