തിരുവനന്തപുരം : യുഡിഎഫ് സർക്കാരിന്റെ ആദ്യ ബജറ്റ് അവതരണം പൂർത്തിയായി. 2026–27 സാമ്പത്തിക വർഷത്തേക്കുള്ള പുതുക്കിയ ബജറ്റ് അണ് ധനമന്ത്രി കൂടിയായ മുഖ്യമന്ത്രി വി ഡി സതീശൻ നിയമസഭയിൽ അവതരിപ്പിച്ചത്. അടുത്ത 5 വർഷം സംസ്ഥാനത്ത് നടപ്പിലാക്കാൻ പോകുന്ന സമഗ്ര വികസനങ്ങളുടെ കൃത്യമായൊരു ദിശാസൂചികയായിരിക്കും ഈ ബജറ്റെന്ന് അദ്ദേഹം ബജറ്റ് അവതരണ പ്രസംഗത്തിൽ പറഞ്ഞു.

പുതുക്കിയ ബജറ്റ് എസ്റ്റിമേറ്റ് പ്രകാരം സംസ്ഥാനത്തിന്റെ റവന്യൂവരവ് 1,69,646.37 കോടി രൂപയായിരിക്കുമെന്നാണ് കണക്കാക്കുന്നത്; എന്നാൽ റവന്യൂ ചെലവ് 2,05,001.61 കോടി രൂപയായി ഉയരുമെന്നാണ് വിലയിരുത്തൽ. ഇതോടെ റവന്യൂ കമ്മി 35,355.30 കോടി രൂപയായിരിക്കുമെന്ന് ബജറ്റ് വ്യക്തമാക്കുന്നു. വികസന പ്രവർത്തനങ്ങൾക്കായുള്ള മൂലധന ചെലവുകൾക്കായി 19,651.41 കോടി രൂപയും വായ്പകളും മുൻകൂറുകളും ഇനത്തിൽ തുക വകയിരുത്തിയ ശേഷം തനി ബാധ്യത 1,398.65 കോടി രൂപയുമാണ് കണക്കാക്കിയിട്ടുള്ളത്.

ഇതുകൂടാതെ, സംസ്ഥാനത്തിന്റെ തനി പൊതുകടം 52,364.13 കോടി രൂപയും തനി പൊതു കണക്ക് 4,000 കോടി രൂപയുമാണ്. ഈ സാമ്പത്തിക വർഷത്തെ ആകെ ബജറ്റ് കമ്മി 41.23 കോടി രൂപയായിരിക്കുമെന്നാണ് സൂചന. വർഷാരംഭത്തിൽ -382.45 കോടി രൂപയായിരുന്ന രൊക്കബാക്കി (opening cash balance) വർഷാവസാനത്തോടെ -423.68 കോടി രൂപയായി മാറുമെന്നാണ് പ്രതീക്ഷിച്ചിരുന്നത്. എന്നാൽ, ഇപ്പോൾ പുതുതായി പ്രഖ്യാപിച്ച 1,080.95 കോടി രൂപയുടെ അധിക ചെലവ് കൂടി കണക്കിലെടുക്കുമ്പോൾ, വർഷാന്ത്യത്തിലെ ആകെ രൊക്കബാക്കി (closing cash balance) -1504.63 കോടി രൂപയായി വർദ്ധിക്കുമെന്നാണ് ബജറ്റ് എസ്റ്റിമേറ്റ് വ്യക്തമാക്കുന്നത്.

ബജറ്റ് അവതരണത്തിന് ശേഷം സഭ പിരി‍ഞ്ഞു. തിങ്കളാഴ്ച രാവിലെ 9ന് വീണ്ടും സമ്മേളിക്കും.

തിരുവനന്തപുരം: തിരുവനന്തപുരത്ത് രണ്ടാം മെഡിക്കൽ കോളജ്. ഹരിപ്പാട് മെഡിക്കൽ കോളജ്. ഇതിനായി 100 കോടി ബജറ്റിൽ വകയിരുത്തുന്നതായി മുഖ്യമന്ത്രി വിഡി സതീശൻ.
ഓപ്പറേഷൻ തൂഫാന് 10 കോടി,
പ്രവാസി ഇൻവെസ്റ്റ്മെന്റ് ഫണ്ട് രൂപീകരിക്കും. സമാനസ്വഭാവമുള്ള ക്ഷേമനിധി ബോർഡുകൾ ലയിപ്പിക്കും.

റബ്ബറിന് താങ്ങുവില 250 രൂപയാക്കി ഉയർത്തും.

കൊച്ചിയിൽ ജെ സി ഡാനിയൽ ഇന്റർനാഷണൽ ഫിലിം സിറ്റി – ചിത്ര നഗരം സ്ഥാപിക്കും. സിനിമയ്ക്ക വ്യവസായ പദവി നൽകും. അന്താരാഷ്ട്ര ചലച്ചിത്രോത്സവത്തിനായി സ്ഥിര വേദി സൃഷ്ടിക്കും. ആന്റി പൈറസി സെൽ രൂപീകരിക്കും.

തിരുവനന്തപുരം:
വിലങ്ങാടിനായി പാക്കേജ്, പുനരധിവാസത്തിന് 5 കോടി, സഹകരണ മേഖലയ്ക്ക് 114 കോടി, വ്യവസായ മേഖലയ്ക്ക് 1550 കോടി, കയർ മേഖലയ്ക്ക് 107 കോടി, ഗ്രാമ വികസനത്തിന് 2138 കോടി എന്നിവ ബജറ്റിൽ മുഖ്യമന്ത്രി പ്രഖ്യാപിച്ചു.

ഗ്രാമ സഭകളിൽ പങ്കെടുക്കാൻ കഴിയാത്തവർക്ക് ഓൺലൈനിൽ പങ്കെടുക്കാൻ അവസരം നൽകും.

അന്താരാഷ്ട്ര നിലവാരത്തിലുള്ള ഫുട്ബോൾ സ്റ്റേഡിയം മലബാറിൽ നിർമിക്കാൻ 50 കോടി.

ആശമാരുടെ ഓണറേറിയത്തിൽ വർധനവില്ല. 21000 ആക്കുമെന്ന പ്രഖ്യാപനം പാലിച്ചില്ല.

മലയാളം എ ഐ സംരംഭത്തിന് 10 കോടി.
പ്രിയദർശിനി പദ്ധതിയ്ക്ക് 600 കോടി.
പെരുമ്പാവൂരിൽ ഫർണിച്ചർ ഹബ്ബിന് 10 കോടി

ജെൻ സീ, ന്യൂ ജെൻ ടെക് വികസനത്തിന് 50 കോടി.
കേരള ഡിസാസ്റ്റർ റിസീലിയൻസ് പ്രോഗ്രാമിന് 15 കോടി.

തിരുവനന്തപുരത്തും കോഴിക്കോടും ലൈറ്റ് മെട്രോ പദ്ധതി.

ബഹിരാകാശ മേഖലയിലെ പ്രവർത്തനങ്ങൾ സ്വകാര്യവൽക്കരണം ലക്ഷ്യമിട്ട് സർക്കാർ.

സ്വകാര്യ സാറ്റ്ലൈറ്റ് നിർമാണ കേന്ദ്രങ്ങളെ പ്രോത്സാഹിപ്പിക്കും. സാറ്റ്ലൈറ്റ് നിർമാണ കേന്ദ്രത്തിനായി 5 കോടി. സാറ്റ്ലൈറ്റ് ടെക്നോളജിക്ക് ഊന്നൽ നൽകി ഗവേഷണ സ്ഥാപനങ്ങൾ ആരംഭിക്കും.
പാചകകല ഇന്സ്റ്റിറ്റ്യൂട്ട് സ്ഥാപിക്കും.

എം ടി വാസുദേവൻ നായരുടെ പേരിൽ കൾച്ചറൽ പാർക്ക് നിർമിക്കും.
തൃശൂരിൽ ജോൺസൺ മാഷ് മ്യൂസിക് അക്കാദമിക്ക് 50 കോടി.
എല്ലാ കുടുംബങ്ങൾക്കും 25 ലക്ഷം രൂപ ഇൻഷുറൻസ് നൽകുന്ന‌ ഇന്ദിര ഗ്യാരണ്ടിയിലെ ഉമ്മൻചാണ്ടി ഉമ്മൻ ചാണ്ടി ആരോഗ്യ ഇൻഷുറൻസിന് 10 കോടിയും പ്രഖ്യാപിച്ചു .