ശാസ്താംകോട്ട:ജീവനക്കാരുടെ അവകാശങ്ങൾ ഓരോന്നായി കൊള്ളയടിക്കുന്ന പിണറായി വിജയൻ സർക്കാരിനെതിരെ കേരള എൻജിഒ അസോസിയേഷൻ കുന്നത്തൂർ ബ്രാഞ്ചിൽ നടത്തിയ പ്രതിഷേധ സംഗമം സെറ്റോ ജില്ലാ ചെയർമാൻ അർത്തിയിൽ സമീർ ഉദ്ഘാടനം ചെയതു.ബ്രാഞ്ച് പ്രസിഡന്റ് ഷബീർ മുഹമ്മദ് അധ്യക്ഷത വഹിച്ചു.

ജില്ലാ സെക്രട്ടറി ആർ.ധനോജ് കുമാർ മുഖ്യപ്രഭാഷണം നടത്തി.ബ്രാഞ്ച് സെക്രട്ടറി ആർ.രാജീവ് സ്വാഗതം പറഞ്ഞു.കൗൺസിൽ അംഗങ്ങളായ തഴവ ഷുക്കൂർ,ബഷീർ കുഞ്ഞ്,ഷമീർ,ശങ്കരൻ കുട്ടി,ബാബു കുട്ടൻ,അനൂപ്,ഗോപകുമാർ,നൗഷാദ് എന്നിവർ സംസാരിച്ചു.

പ്രശസ്ത കവിയും എഴുത്തുകാരനുമായ പ്രൊഫസർ കെ ജി ശങ്കരപ്പിള്ള ജന്മനാടായ പോരുവഴി ഇടയ്ക്കാട് തെക്കുള്ളകൈരളി ഗ്രന്ഥശാല സന്ദർശിച്ചു കഴിഞ്ഞദിവസം സംസ്ഥാന സർക്കാർ പ്രഖ്യാപിച്ച എഴുത്തച്ഛൻ പുരസ്കാരം മുഖ്യമന്ത്രിയിൽ നിന്നും ഏറ്റുവാങ്ങിയ ശേഷമാണ് അദ്ദേഹം ഇവിടെ എത്തിച്ചേർന്നത്.

കൈരളി ഗ്രന്ഥശാല ഇടക്കാട് എന്ന ഗ്രാമത്തിന്റെ ഇരുണ്ട യുഗത്തിൽ നിന്നും പുതുയുഗത്തിലേക്കുള്ളജ്ഞാനോദയത്തിന്റെ കവാടമാണ് എന്ന് അദ്ദേഹം അഭിപ്രായപ്പെട്ടു ഗ്രന്ഥശാല അങ്കണത്തിൽ താലൂക്ക് ലൈബ്രറി കൗൺസിൽ വൈസ് പ്രസിഡൻറ് ബി ബിനീഷ് ഗ്രന്ഥശാല സെക്രട്ടറി കെ ജയചന്ദ്രൻ ഗ്രന്ഥശാല പ്രസിഡന്റും പോരുവഴി ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാനുമായ വി ബേബികുമാർ ഗ്രാമപഞ്ചായത്തംഗം എം മനു, ജി. നകുലകുമാർ.
കെ രമണൻ, ലൈബ്രേറിയൻ എസ് എസ് ശ്രീജ, തുടങ്ങിയവർ ചെമ്പനീർ പൂക്കളും മയിൽപീലികളും നൽകി കവിയെ ഗ്രന്ഥശാലയിലേക്ക് സ്വീകരിച്ചു
ഗ്രന്ഥപ്പുരയിലെ സന്ദർശനത്തിനു ശേഷം സന്ദർശക ഡയറിയിൽ കുറിപ്പും രേഖപ്പെടുത്തിയ ശേഷമാണ് അദ്ദേഹം മടങ്ങിയത്

പോരുവഴി:പെരുവിരുത്തി മലനട ദേവസ്വം വക വെൺകുളം ഏലായിൽ കൊയ്ത്ത് ഉത്സവത്തിന് തുടക്കമായി.പത്ത് ഏക്കർ നിലത്തിലെ നെൽകൃഷിയുടെ വിളവെടുപ്പാണ് ആരംഭിച്ചത്.ദേവസ്വം മുഖ്യ ഊരാളി ശിവൻകുട്ടി ഉത്ഘാടനം ചെയ്തു.ഇക്കുറി ഏറ്റവും മുന്തിയ ഇനം വിത്തായ പ്രത്യാശയാണ് കൃഷി ചെയ്തത്.ഇതിനാൽ കൂടുതൽ നെല്ല് ഉത്പ്പാദിപ്പിക്കുവാൻ കഴിഞ്ഞിട്ടുണ്ട്.ചടങ്ങിൽ ദേവസ്വം പ്രസിഡൻ്റ് രവി,സെക്രട്ടറി ബിജു കുമാർ,ഖജാൻജി ആനന്ദൻ,വൈസ് പ്രസിഡൻ്റ് ശ്രീനിലയം സുരേഷ്,അംഗങ്ങളായ അജയകുമാർ,രാധാകൃഷ്ണ പിള്ള,പത്മനാഭപിള്ള എന്നിവർ പങ്കെടുത്തു.

കുന്നത്തൂർ:നിയന്ത്രണം വിട്ട കാർ ബൈക്കിൽ ഇടിച്ച് പഞ്ചായത്ത് അംഗത്തിനും സുഹൃത്തിനും ഗുരുതര പരിക്ക്.കുന്നത്തൂർ 14-ാം വാർഡ് അംഗം കുന്നത്തൂർ കിഴക്ക് കാട്ടുവിള തെക്കതിൽ വിപിൻ കുമാർ (30),സുഹൃത്ത് ദിപിൻ (27) എന്നിവർക്കാണ് പരിക്കേറ്റത്.കൊല്ലത്തെ സ്വകാര്യ മെഡിക്കൽ കോളേജ് ആശുപത്രിയിൽ പ്രവേശിപ്പിച്ച ഇരുവരും തീവ്രപരിചരണ വിഭാഗത്തിൽ ചികിത്സയിലാണ്.

കഴിഞ്ഞ ദിവസം രാത്രി 12 ഓടെ കുന്നത്തൂർ പാലത്തിന് സമീപം വച്ചായിരുന്നു അപകടം.പുത്തൂർ ഭാഗത്തു നിന്നും വരികയായിരുന്ന തമിഴ്നാട് രജിസ്ട്രേഷനിലുള്ള കച്ചി കയറ്റി വന്ന പിക്കപ്പിൽ ഇടിച്ച ശേഷം പിറകിൽ വരികയായിരുന്ന ബൈക്കിലേക്ക് ഇടിച്ചു കയറുകയായിരുന്നു.പുത്തൂർ കാരിക്കൽ സ്വദേശികളായ യുവാക്കളാണ് കാറിൽ ഉണ്ടായിരുന്നത്.ഇവർ മദ്യപിച്ചിരുന്നതായി പറയപ്പെടുന്നു.അപകട ശേഷം ഇവർ ഓടിരക്ഷപ്പെട്ടു.പുത്തൂർ പൊലീസ് സ്ഥലത്തെത്തി അപകടത്തിൽപ്പെട്ട വാഹനങ്ങൾ സ്റ്റേഷനിലേക്ക് മാറ്റി.