ആരോഗ്യകരമായ ജീവിതത്തിന് ശക്തമായ പ്രതിരോധ സംവിധാനം ആവശ്യമാണ്. പ്രതിരോധ സംവിധാനത്തെ ബലപ്പെടുത്തുന്ന കാര്യത്തിൽ നമ്മുടെ ഭക്ഷണക്രമവും ജീവിതശൈലിയും പ്രധാന പങ്ക് വഹിക്കുന്നു. വൈറ്റമിനുകളും ധാതുക്കളും ചേർന്ന ഭക്ഷണവിഭവങ്ങൾ ദിവസവും കഴിക്കുന്നത് പ്രതിരോധസംവിധാനത്തിന് കരുത്ത് പകരുമെന്ന് ഡയറ്റീഷന്മാർ ചൂണ്ടിക്കാണിക്കുന്നു.
ഇനി പറയുന്ന ഭക്ഷണവിഭവങ്ങൾ പ്രതിരോധസംവിധാനത്തെ ബലപ്പെടുത്തുന്ന വൈറ്റമിനുകളും ധാതുക്കളും അടങ്ങിയവയാണ്.
- സിട്രസ് പഴങ്ങൾ
ഓറഞ്ച്, നാരങ്ങ പോലുള്ള സിട്രസ് പഴങ്ങളിൽ വൈറ്റമിൻ സി ധാരാളമായി അടങ്ങിയിരിക്കുന്നു.
ഓറഞ്ച്, നാരങ്ങ പോലുള്ള സിട്രസ് പഴങ്ങളിൽ വൈറ്റമിൻ സി ധാരാളമായി അടങ്ങിയിരിക്കുന്നു. ഇത് ജലദോഷം, ചുമ ഉൾപ്പെടെയുള്ള രോഗങ്ങളിൽ നിന്ന് ശരീരത്തെ സംരക്ഷിക്കുന്നു.
- ബ്രൊക്കോളി
വൈറ്റമിൻ എ, സി, ഇ, ഫൈബർ, നിരവധി ആൻറിഓക്സിഡൻറുകൾ എന്നിവ അടങ്ങിയ ബ്രൊക്കോളി പ്രതിരോധസംവിധാനത്തിന് കരുത്ത് പകരും.
വൈറ്റമിൻ എ, സി, ഇ, ഫൈബർ, നിരവധി ആൻറിഓക്സിഡൻറുകൾ എന്നിവ അടങ്ങിയ ബ്രൊക്കോളിയും പ്രതിരോധസംവിധാനത്തിന് കരുത്ത് പകരും. ഇത് കഴിയുമെങ്കിൽ പച്ചയ്ക്കോ ആവിയിൽ പുഴുങ്ങിയോ കഴിക്കാൻ ശ്രദ്ധിക്കണം. അധികം പാകം ചെയ്താൽ ഇതിലെ പോഷണങ്ങൾ നഷ്ടപ്പെടുന്നതാണ്.
- ചായ
ആൻറി ഓക്സിഡൻറുകൾ അടങ്ങിയ ചായയും ശരീരത്തിന് ഗുണപ്രദമാണ്.
ആൻറി ഓക്സിഡൻറുകൾ അടങ്ങിയ ചായയും ശരീരത്തിന് ഗുണപ്രദമാണ്. പാൽ ചേർക്കാതെ കട്ടൻ ചായയായി കുടിക്കുന്നതാണ് ഉത്തമം. ഗ്രീൻ ടീ, തക്കോലം ഉപയോഗിച്ചുള്ള ചായ എന്നിവയിൽ പോളിഫെനോളുകളും ഫ്ളാവനോയ്ഡുകളുമുണ്ട്.
- കാപ്സിക്കം
ചുവന്ന നിറത്തിലുള്ള കാപ്സിക്കത്തിൽ സിട്രസ് പഴങ്ങളേക്കാൾ വൈറ്റമിൻ സി അടങ്ങിയിരിക്കുന്നു
ചുവന്ന നിറത്തിലുള്ള കാപ്സിക്കത്തിൽ സിട്രസ് പഴങ്ങളേക്കാൾ വൈറ്റമിൻ സി അടങ്ങിയിരിക്കുന്നു. ബീറ്റ കരോട്ടിനുകളും ഇവയിൽ അടങ്ങിയിട്ടുണ്ട്. ശരീരം ഇവയിലെ ബീറ്റ കരോട്ടിനെ വൈറ്റമിൻ എയാക്കി മാറ്റുന്നു.
- ആൽമണ്ട്
ആരോഗ്യകരമായ കൊഴുപ്പും വൈറ്റമിൻ ഇയും അടങ്ങിയ ആൽമണ്ടും പ്രതിദിനം ഭക്ഷണക്രമത്തിൽ ഉൾപ്പെടുത്താം.
ആരോഗ്യകരമായ കൊഴുപ്പും വൈറ്റമിൻ ഇയും അടങ്ങിയ ആൽമണ്ടും പ്രതിദിനം ഭക്ഷണക്രമത്തിൽ ഉൾപ്പെടുത്താവുന്നതാണ്. ആൽമണ്ടിൻറെ തൊലിയിൽ പോളിഫെനോളുകളും അടങ്ങിയിരിക്കുന്നു.
- പാലുത്പന്നങ്ങൾ
യോഗർട്ട്, സ്മൂത്തികൾ പോലുള്ള പാലുത്പന്നങ്ങൾ പ്രതിരോധശേഷിയെ ബലപ്പെടുത്തുന്നു.
യോഗർട്ട്, സ്മൂത്തികൾ പോലുള്ള പാലുത്പന്നങ്ങളും പ്രതിരോധശേഷിയെ ബലപ്പെടുത്തുന്നു. ഇവയിലെ പ്രോബയോട്ടിക്സ് ദഹനത്തെ സഹായിക്കും. വൈറ്റമിനുകൾ, ലിപിഡുകൾ, പ്രോട്ടീനുകൾ എന്നിവയും ഇവയിൽ അടങ്ങിയിരിക്കുന്നു.
- പപ്പായ
പപ്പായയിൽ ശരീരത്തിന് ആവശ്യമായ പൊട്ടാസിയം, മഗ്നീഷ്യം, ഫോളേറ്റ് എന്നിവ അടങ്ങിയിരിക്കുന്നു.
ഒരു ഇടത്തരം പപ്പായയിൽ പ്രതിദിനം ആവശ്യമായ വൈറ്റമിൻ സിയുടെ ഇരട്ടി അടങ്ങിയിരിക്കുന്നു. ഇതിൽ അടങ്ങിയിരിക്കുന്ന ദഹനരസമായ പപ്പെയ്നിന് ആൻറി ഇൻഫ്ളമേറ്ററി ഗുണങ്ങളുമുണ്ട്. പപ്പായയിൽ ശരീരത്തിന് ആവശ്യമായ പൊട്ടാസിയം, മഗ്നീഷ്യം, ഫോളേറ്റ് എന്നിവയും അടങ്ങിയിരിക്കുന്നു.
- സൂര്യകാന്തി വിത്തുകൾ
ഫോസ്ഫറസ്, മഗ്നീഷ്യം, വൈറ്റമിൻ ബി6, ഇ എന്നിവയെല്ലാം അടങ്ങിയ പോഷകസമ്പുഷ്ടമായ ഭക്ഷണമാണ് സൂര്യകാന്തി വിത്തുകൾ
ഫോസ്ഫറസ്, മഗ്നീഷ്യം, വൈറ്റമിൻ ബി6, ഇ എന്നിവയെല്ലാം അടങ്ങിയ പോഷകസമ്പുഷ്ടമായ ഭക്ഷണമാണ് സൂര്യകാന്തി വിത്തുകൾ. സെലീനിയവും ഇതിൽ വൻതോതിൽ അടങ്ങിയിരിക്കുന്നു. വൈറ്റമിൻ ഇ ധാരാളമായി അടങ്ങിയ അവക്കാഡോയും പച്ചിലകളും പ്രതിരോധശേഷിക്ക് മികച്ചതാണ്.
