ചെന്നൈ: ‘ദൈവവിളി’യുടെ പേരില് നഗ്നരായി ഗ്രാമത്തിലൂടെ നടന്ന ദമ്പതിമാരെ നാട്ടുകാരുടെ പരാതിയെത്തുടര്ന്ന് പൊലീസ് പിടികൂടി. തിരുപ്പത്തൂര് ജില്ലയിലെ കരമ്പൂര് ഗ്രാമത്തില് താമസിക്കുന്ന പളനി (56) ഭാര്യ ദീപ (48) എന്നിവരാണ് പിടിയിലായത്.
തങ്ങളില് ദൈവം ആവേശിച്ചിരിക്കുന്നുവെന്ന് പറഞ്ഞായിരുന്നു നാലുദിവസം രാത്രി ഗ്രാമത്തിലൂടെ ഇവരുടെ നഗ്നനടത്തം. കഴിഞ്ഞ ഏതാനും ദിവസമായി ദമ്പതിമാരുടെ വീടിനുള്ളില് വിചിത്രമായ പൂജകള് നടത്തിയിരുന്നതായും പറയപ്പെടുന്നു. ഇതിനുശേഷമാണ് തങ്ങള്ക്ക് ദൈവവിളി ഉണ്ടായതെന്നാണ് ദമ്പതിമാര് അവകാശപ്പെട്ടത്. നഗ്നരായി നടക്കുന്ന ദമ്പതിമാര് അവകാശപ്പെട്ടത്. നഗ്നരായി നടക്കുന്ന ദമ്പതികളെ ഗ്രാമവാസികള് ഞെട്ടി. കാര്യമന്വേഷിക്കാനായി ചിലര് പളനിയുടെ വീട്ടിലെത്തിയെങ്കിലും അവര് കതകുതുറന്നില്ല.
പകരം ചോദ്യം ചെയ്ത ഗ്രാമവാസികളെ നശിച്ചുപോകുമെന്ന് ശപിക്കുകയും ഭീഷണിപ്പെടുത്തുകയും ചെയ്തു. നഗ്നനടത്തം സാമൂഹിക മാധ്യമങ്ങളിലൂടെ പ്രചരിച്ച് ആള്ദൈവമായി അംഗീകരിക്കണമെന്നും അവര് ആവശ്യം മുന്നോട്ടുവച്ചു.
രോഷാകുലരായ നാട്ടുകാര് ദമ്പതിമാരെ കെട്ടിയിട്ട ശേഷം പൊലീസില് വിവരമറിയിച്ചു. തുടര്ന്ന് പൊലീസ് എത്ത ദമ്പതിമാരെ സ്റ്റേഷനിലേക്ക് കൊണ്ടുപോയി. ഇവരെ വിശദമായി ചോദ്യം ചെയ്തതായി പൊലീസ് പറഞ്ഞു.
