റോള്സ് റോയിസില് ചായകച്ചവടം നടത്തിയാല് ലാഭമായിരിക്കുമോ, വെറൈറ്റികളോട് പ്രത്യേക താത്പര്യമുള്ള ഒരു പേജാണ് ‘ഡീലക്സ് ഭയാജി’ വ്യത്യസ്തമായ ഐഡിയകൾ ഉപയോഗിച്ച് ഒരോ കാര്യങ്ങൾ ചെയ്ത് അത് പൊതുസമൂഹത്തിൽ ചെലവഴിച്ച് പണം കണ്ടെത്താൻ ഭയാജീയ്ക്ക് പ്രത്യക കഴിവാണെന്നാണ് സമൂഹ മാധ്യമ ഉപയോക്താക്കളുടെ നിരീക്ഷണം. കശ്മീരിലെ മഞ്ഞ് ദില്ലിയിലെത്തിച്ച് വിൽക്കുക. കല്ലിൽ ടേബിൾ ലാബും ക്ലോക്കും ഘടിപ്പിച്ച് വില്ക്കുക തുടങ്ങിയതൊക്കെ അദ്ദേഹത്തിന്റെ ചില നമ്പറുകൾ മാത്രം. പക്ഷേ, ഏറ്റവും പുതിയ നമ്പർ കാഴ്ചക്കാരെ അമ്പരപ്പിച്ചു. വാടകയ്ക്ക് എടുത്ത റോൾസ് റോയിൽ ചായ വില്പന! അതെ തെറ്റിയിട്ടില്ല. കേട്ടത് ശരി തന്നെ.
ഒരു ലക്ഷം രൂപയ്ക്ക് ഒരു റോൾസ് റോയ്സ് വാടകയ്ക്കെടുത്ത് അതിൽ വഴിയാത്രക്കാർക്ക് ചായ വിറ്റു. വെറുതെയല്ല. നല്ല കിടുക്കാച്ചി ബ്രാൻഡിംഗും ചെയ്തു. “റോയൽ ചായ”. വെറുതെ ചായ വിളമ്പുന്ന തരത്തിലല്ല റോയൽ ചായ വിളമ്പുക. അതിന് ചില രീതികളുണ്ട്. ആദ്യം അദ്ദേഹം ഒരു കാർ വാടക കമ്പനിയിലെത്തി റോൾസ് റോയിസ് വാടകയ്ക്ക് എടുത്തു. പിന്നെ ചായക്കടക്കാരെ കണ്ട് അവരുമായി സംസാരിച്ച് റോയൽ ചായ വില്ക്കാൻ പദ്ധതി തയ്യാറാക്കി. “ഒരു റോൾസ് റോയ്സിൽ ചായ വിറ്റ് എത്ര പണം സമ്പാദിക്കാമെന്ന് നോക്കാം” എന്നായിരുന്നു വീഡിയോയ്ക്ക് നൽകിയ കുറിപ്പ് തന്നെ. സംഭവത്തിന്റെ തുടക്കം മുതൽ ഒടുക്കം വരെയുള്ള കാര്യങ്ങളെല്ലാം അദ്ദേഹം വീഡിയോയിൽ ചിത്രീകരിക്കുകയും അത് സമൂഹ മാധ്യമങ്ങളിൽ പങ്കുവയ്ക്കുകയും ചെയ്തു.
