ശാസ്താംകോട്ട :പള്ളിശ്ശേരിക്കൽ ഇ എം എസ് ഗ്രന്ഥശാല സ്ഥാപകനും സിപിഐ എം കുന്നത്തൂർ ഏരിയ കമ്മിറ്റി അംഗവും ശാസ്താംകോട്ട ഗ്രാമ പഞ്ചായത്ത് മുൻ വികസന സ്റ്റാൻ്റിംഗ് കമ്മിറ്റി ചെയർമാനുമായിരുന്ന ആർ കൃഷ്ണകുമാറിൻ്റെ അനുസ്മരണ സമ്മേളനം ഇ എംഎസ് ഗ്രന്ഥശാലയിൽ മുൻ വ്യവസായ വകുപ്പ് മന്ത്രി പി രാജീവ് ഉദ്ഘാടനം ചെയ്തു.ഗ്രന്ഥശാല പ്രസിഡൻ്റ് അജയകുമാർ വി അദ്ധ്യക്ഷനായി മികച്ച പൊതുപ്രവർത്തകർക്കായി ഗ്രന്ഥശാല ഏർപ്പെടുത്തിയ ആർ കൃഷ്ണകുമാർ സ്മാരക മികച്ച പൊതുപ്രവർത്തന പുരസ്ക്കാരം പി രാജീവിന് സംസ്ഥാന ലൈബ്രറി കൗൺസിൽ എക്സിക്യൂട്ടീവ് അംഗം പി.കെ ഗോപൻ സമ്മാനിച്ചു.
15000 രൂപയും ഫലകവുമാണ് പുരസ്കാരം. സമ്മാനതുക ഗ്രന്ഥശാല നടപ്പിലാക്കി വരുന്ന കാരുണ്യ സ്പർശം ചികിത്സാ സഹായ പദ്ധതിയിലേക്ക് പി രാജീവ് നൽകി.മാധ്യമ പ്രവർത്തകനും എഴുത്തുകാരനുമായ പി കെ അനിൽകുമാർ മുഖ്യ പ്രഭാഷണം നടത്തി .കൃഷ്ണകുമാർ കാരുണ്യസ്പർശം പദ്ധതി പ്രകാരമുള്ള ചികിത്സാ സഹായം ശാസ്താംകോട്ട ഗ്രാമപഞ്ചായത്ത് പ്രസിഡൻ്റ് ഇ സഡ് ആൻറണി വിതരണം ചെയ്തു. ചിത്രരചന മത്സരങ്ങളുടെ സമ്മാനം ജില്ലാ പഞ്ചായത്ത് മെമ്പർ കെ.കലാദേവി വിതരണം ചെയ്തു. ബ്ലോക്ക് പഞ്ചായത്ത് മെമ്പർ കുമാരി അമൃത പ്രിയ, ശാസ്താംകോട്ട ഗ്രാമ പഞ്ചായത്ത് ക്ഷേമകാര്യ സ്ഥിരം സമിതി അധ്യക്ഷ രഞ്ജു കൃഷ്ണകുമാർ, താലൂക്ക് ലൈബ്രറി കൗൺസിൽ പ്രസിഡൻ്റ് ആർ എസ് അനിൽ, സെക്രട്ടറി എസ് ശശികുമാർ, സെക്രട്ടറി യാസിം, വൈസ് പ്രസിഡൻ്റ് കെ രജീഷ്, ജോയിൻ്റ് സെക്രട്ടറി ലത സി ,സുകേശൻ , വിനീത്, വിജിഎന്നിവർ സംസാരിച്ചു
