ശാസ്താംകോട്ട.ഒരു സമൂഹത്തിന്റെ ഭാവി രൂപപ്പെടുത്തുന്നതിൽ അധ്യാപകർക്കുള്ള പങ്ക് അതുല്യമാണ്. അറിവ് പകർന്നു നൽകുന്നതിനൊപ്പം, സ്നേഹവും കരുണയും മൂല്യബോധവും ഉത്തരവാദിത്വവും പകർന്നു നൽകി നല്ല മനുഷ്യരെയും നല്ല പൗരന്മാരെയും വാർത്തെടുക്കുന്നവരാണ് അധ്യാപകർ.
വിദ്യാർത്ഥികളുടെ സ്വപ്നങ്ങൾക്ക് ചിറകേകുകയും അവരുടെ കഴിവുകൾ തിരിച്ചറിഞ്ഞ് മുന്നോട്ട് നയിക്കുകയും ചെയ്യുന്ന എല്ലാ അധ്യാപകർക്കും ഈ അധ്യാപക ദിനത്തിൽ ഹൃദയം നിറഞ്ഞ ആദരവും നന്ദിയും പ്രകടിപ്പിക്കുന്നതിന്റെ ഭാഗമായി ശാസ്താംകോട്ട പള്ളിശ്ശേരിക്കൽകിഴക്ക് വാർഡ് കമ്മിറ്റിയുടെ നേതൃത്വത്തിൽ അധ്യാപക ദിനത്തിൽ ഗുരുവന്ദനം നടത്തി
വാർഡിലെ എല്ലാ അധ്യാപകരേയും പൊന്നാട അണിയിച്ചു.
DCC ജനറൽ സെക്രട്ടറിയും ഗ്രാമപഞ്ചായത്തംഗവുമായ തുണ്ടിൽ നൗഷാദ് ഉദ്ഘാടനം ചെയ്തു.
വാർഡ് പ്രസിഡന്റ് രാകേഷ് കൃഷ്ണമംഗലം അധ്യക്ഷതവഹിച്ചു.
ആർ അരവിന്ദാക്ഷൻ പിള്ള,എം.വൈ നിസാർ, നാസർ ഷാ, MS വിനോദ്, സലിം, ഗീവർഗ്ഗിസ്, മായ കെ, രവീദ്രൻ പിള്ള എന്നിവർ സംസാരിച്ചു.
