ന്യൂസീലൻഡിനെതിരായ രണ്ടാം ടി20യിൽ ടോസ് നേടിയ ഇന്ത്യ ബൗളിങ് തിരഞ്ഞെടുത്തു. ക്യാപ്റ്റൻ ശ്രേയസ് അയ്യറാണ് ടോസ് നേടിയത്. പരിക്കേറ്റ ഇഷാൻ കിഷന് പകരം വൈഭവ് സൂര്യവംശി ടീമിൽ ഇടംപിടിച്ചു.
സഞ്ജു സാംസൺ–അഭിഷേക് ശർമ ഓപ്പണിങ് കൂട്ടുകെട്ട് ഇന്ത്യ നിലനിർത്തി. വൈഭവ് മൂന്നാം നമ്പറിലാണ് ഇറങ്ങുക. ബൗളിങ് നിരയിൽ മായങ്ക് യാദവിന് പകരം പ്രിൻസ് യാദവ് ടീമിൽ തിരിച്ചെത്തി.
ആദ്യ ടി20യിൽ നാലു വിക്കറ്റിനായിരുന്നു ഇന്ത്യയുടെ ജയം. 67 റൺസെടുത്ത സഞ്ജു സാംസണായിരുന്നു ഇന്ത്യയുടെ ടോപ് സ്കോറർ. 15 പന്തിൽ 42 റൺസുമായി വെടിക്കെട്ട് പ്രകടനം നടത്തിയ നമൻ ധീറും വിജയത്തിൽ നിർണായക പങ്കുവഹിച്ചു.
ഇന്ത്യ: അഭിഷേക് ശർമ, സഞ്ജു സാംസൺ (വിക്കറ്റ് കീപ്പർ), വൈഭവ് സൂര്യവംശി, ശ്രേയസ് അയ്യർ (ക്യാപ്റ്റൻ), തിലക് വർമ, നമൻ ധീർ, നിതീഷ് കുമാർ റെഡ്ഡി, അക്സർ പട്ടേൽ, ഭുവനേശ്വർ കുമാർ, അർഷ്ദീപ് സിങ്, പ്രിൻസ് യാദവ്.
ന്യൂസീലൻഡ്: ഫിൻ അലൻ, ടിം സെയ്ഫർട്ട് (വിക്കറ്റ് കീപ്പർ), ഡാരിൽ മിച്ചൽ, ഗ്ലെൻ ഫിലിപ്സ്, ബീവൺ ജേക്കബ്സ്, മൈക്കൽ ബ്രേസ്വെൽ, മിച്ചൽ സാന്റ്നർ (ക്യാപ്റ്റൻ), നഥാൻ സ്മിത്ത്, മാറ്റ് ഹെൻറി, ജേക്കബ് ഡഫി, ലോക്കി ഫെർഗൂസൺ.
