പാമ്പുകളെ അകറ്റാൻ ജാഗ്രത വേണം; മുൻകരുതൽ നിർദ്ദേശങ്ങളുമായി വാവ സുരേഷ്

Friday, 24 April 2026

തിരുവനന്തപുരം: സംസ്ഥാനത്ത് പാമ്പുകടിയേറ്റുള്ള മരണങ്ങൾ വർദ്ധിച്ചുവരുന്ന സാഹചര്യത്തിൽ പൊതുജനങ്ങൾ അതീവ ജാഗ്രത പാലിക്കണമെന്ന് സ്നേക്ക് മാസ്റ്റർ വാവ സുരേഷ് മുന്നറിയിപ്പ് നൽകി.

വീടിനുള്ളിലെ സുരക്ഷ

• സന്ധ്യാസമയത്ത് മുൻവാതിലോ പിൻവാതിലോ തുറന്നിടരുത്.
• സിങ്ക്, ബാത്റൂം, വാഷിംഗ് മെഷീൻ വേസ്റ്റ് പൈപ്പുകൾ പോകുന്ന വിടവുകൾ എം-സീൽ ഉപയോഗിച്ച് അടയ്ക്കണം.
• ചെടിച്ചട്ടികൾ തറയിൽ വയ്ക്കാതെ സ്റ്റാൻഡുകളിൽ ഉയർത്തി വയ്ക്കുക.

രാത്രികാല ശ്രദ്ധ

• തറയിൽ പായയോ ബെഡ്ഷീറ്റോ വിരിച്ച് കിടന്നുറങ്ങുന്നത് ഒഴിവാക്കുക.
• കട്ടിൽ ഭിത്തിയോടോ ജനലിനോടോ ചേർത്തിടരുത്.
• പുറത്തിറങ്ങുമ്പോൾ ദൂരേക്ക് വെളിച്ചം ലഭിക്കുന്ന ടോർച്ച് ഉപയോഗിക്കുക.

വീട്ടുപരിസരം

• തെങ്ങിൻ തോലുകൾ, ചപ്പിലകൾ, പഴയ ഇഷ്ടികകൾ എന്നിവ കൂട്ടിയിടരുത്.
• തൊഴിലുറപ്പ് ജോലിക്കിടെ ചപ്പിലകൾ കൈകൊണ്ട് വാരാതെ മുപ്പല്ലിയോ മറ്റോ ഉപയോഗിക്കുക.