ചക്കുവള്ളി. ലോകകപ്പ് ഫുട്ബോൾ മത്സരംഗങ്ങൾക്ക് സ്വാഗതവുമായി ചക്കുവള്ളി കോസ്മോസ് ആർട്സ് ആൻഡ് സ്പോർട്സ് ക്ലബ്ബിന്റെ ആഭിമുഖ്യത്തിൽ മയ്യത്തുംകര ജംഗ്ഷനിൽ നിന്നും താളമേളങ്ങളുടെ അകമ്പടിയോടെ ചക്കുവള്ളി പബ്ലിക് സ്റ്റേഡിയത്തിലേക്കു നൂറുകണക്കിന് കായികപ്രേമികൾ പങ്കെടുത്ത വിളംബരറാലി നടത്തി. പോരുവഴി ഗ്രാമപഞ്ചായത്ത്‌ പ്രസിഡന്റ്‌ വിനു ഐ നായർ റാലി ഫ്ലാഗ് ഓഫ് ചെയ്തു.

ക്ലബ്‌ പ്രസിഡന്റ്‌ സുഹൈൽ അൻസാരി അധ്യക്ഷധ വഹിച്ചു.സെക്രട്ടറി അമാൻ കണ്ടത്തിൽ,ജില്ലാ പഞ്ചായത്ത് അംഗംറമീസ്, ബ്ലോക്ക് പഞ്ചായത്ത്‌ അംഗം അസൂറ അർത്തിയിൽ,പൊതുപ്രവർത്തകനായ അർത്തിയിൽ അൻസാരി, ക്ലബ്‌ ഭാരവാഹികളായ, ഉബൈദ് കണ്ടത്തിൽ, റഫീഖ്, ഇർഷാദ്, അൻഷാദ് എന്നിവർസംസാരിച്ചു.

പറവൂർ:കൊല്ലം കുന്നത്തൂർ സ്വദേശിയായ യുവാവ് വടക്കൻ പറവൂർ റെയിൽവേ സ്റ്റേഷന് സമീപം ട്രെയിൻ തട്ടി മരിച്ച നിലയിൽ കണ്ടെത്തി.കുന്നത്തൂർ പടിഞ്ഞാറ് വളവിൽ പുത്തൻ വീട്ടിൽ അജിയുടെയും ബീനയുടെയും മകൻ അമൽജിത്ത് (25)നെയാണ് മരിച്ച നിലയിൽ വെള്ളിയാഴ്ച രാത്രിയിൽ കണ്ടെത്തിയത്.ടിപ്പർ ലോറി ഡ്രൈവറായ അമൽജിത്തും കുടുംബവും ഏറെ നാളായി എറണാകുളത്ത് വാടകയ്ക്ക് കഴിഞ്ഞു വരികയാണ്.രണ്ട് ദിവസമായി യുവാവിനെ കാൺമാനില്ലായിരുന്നു.

അന്വേഷണം നടക്കുന്നതിനിടയിലാണ് റെയിൽവേ ട്രാക്കിൽ നിന്നും മൃതദേഹം കണ്ടെത്തിയത്.ഇയ്യാൾ ഓടിച്ചിരുന്ന ലോറിയും റെയിൽവേ സ്‌റ്റേഷനിൽ പാർക്ക് ചെയ്ത നിലയിൽ കണ്ടെത്തിയിരുന്നു.അനന്തര നടപടികൾക്കു ശേഷം മൃതദേഹം സംസ്‌കരിച്ചു.

ശാസ്താംകോട്ട : ശാസ്താംകോട്ട ഗ്രാമപഞ്ചായത്തു ഓഫീസിൽ
30 ലക്ഷം രൂപ
തിരിമറി നടത്താൻ ഡി വൈ എഫ് ഐ നേതാവും സിപിഎം ലോക്കൽ കമ്മിറ്റി അംഗവുമായ ഷിബുവിന് ഒത്താശ ചെയ്ത
സി പി എം നേതൃത്വത്തിലുള്ള പഞ്ചായത്ത്
ഭരണ സമിതി രാജി വയ്ക്കണം എന്നാവശ്യപ്പെട്ട് ബിജെപി ശാസ്താം കോട്ട പഞ്ചായത്ത് കമ്മിറ്റി
ഗ്രാമപഞ്ചായത്ത് ഓഫീസിലേക്ക് മാർച്ചും ധർണ്ണയും നടത്തി.
ബിജെപി സംസ്ഥാന സമിതി അംഗം ടി. ആർ അജിത് കുമാർ ഉദ്ഘാടനം ചെയ്തു. താത്കാലിക ജീവനക്കാരനായ ഒരാൾ ലക്ഷങ്ങളുടെ തട്ടിപ്പ് നടത്തിയിട്ടുണ്ടെങ്കിൽ അതിന്റെ പിന്നിൽ സിപിമ്മിൻ്റെയും ഡി വൈ എഫ് യുടെയും ഉന്നതരായ നേതാക്കളും ഉൾപ്പെട്ടിടുണ്ടാകുമെന്ന് അദ്ധേഹം പറഞ്ഞു. പാർട്ടി നോമിനിയായി പഞ്ചായത്തിൽ പിൻവാതിൽ നിയമനം നേടിയ ആൾ തട്ടിപ്പിലുടെ ലഭിച്ച പണത്തിൻ്റെ വിഹിതം നേതാക്കൾക്കും നൽകി കൂറ് തെളിയിച്ചതാവാമെന്നും
തട്ടിപ്പിന് കൂട്ട്നിന്ന ഉദ്യോഗസ്ഥരെയും പഞ്ചായത്ത് പ്രസിഡൻ്റിനെയും കേസിൽ പ്രതികളാക്കണമെന്നു ടി. ആർ. അജിത് കുമാർ ആവശ്യപ്പെട്ടു.

പഞ്ചായത്ത് സമിതി പ്രസിഡൻ്റ് രാമചന്ദ്രൻ പിള്ള അധ്യക്ഷത വഹിച്ചു..
ഈസ്റ്റ് ജില്ലാ വൈസ് പ്രസിഡന്റ് ബൈജു ചെറുപൊയ്ക, ശാസ്താംകോട്ട മണ്ഡലം പ്രസിഡന്റ് ധനേഷ് പുളിന്താനം ,ന്യുനപക്ഷ മോർച്ച ഈസ്റ്റ് ജില്ലാ പ്രസിഡന്റ് ബിനോയ്‌ ജോർജ്,
പൂന്തോട്ടം സത്യൻ. ആറ്റുപുറം സുരേഷ്, തയ്യിൽ രാജേന്ദ്രൻ , എൻ.ഓമനക്കുട്ടൻപിള്ള,എസ്. സുനിത., കല്ലട ദാസ്, മിനി ശിവരാമൻ, അഡ്വ. ടി. കലേശൻ, ജി.ശശികുമാർ. , നളിനി ശങ്കരമംഗലം,കെ. വി . ശ്രീനിവാസൻ ,രാധാകൃഷ്ണൻ ,രാജീവ് കുമാർ, സുനിൽ കുമാർ, കിരൺ പാർത്ഥസാരഥി എന്നിവർ സംസാരിച്ചു.

ശാസ്താംകോട്ട.പഞ്ചായത്തില്‍ നടന്ന ക്രമക്കേട് കണ്ടെത്തി താല്‍ക്കാലിക ജീവനക്കാരനെതിരെ നടപടിയുമായി മുന്നോട്ടു പോകുന്നു,യുഡിഎഫിന്‍റേത് സങ്കുചിത രാഷ്ട്രീയ മുതലെടുപ്പിനുള്ള ശ്രമമാണെന്ന് പഞ്ചായത്ത് പ്രസിഡന്റ് ഇസെഡ് ആന്റണി പറഞ്ഞു.

ഗ്രാമപഞ്ചായത്തിലെ 2025-26 ലെ വാർഷിക ധനകാര്യ കണക്കെടുപ്പിന്റെ ഭാഗമായി ധനകാര്യ സ്റ്റേറ്റ്മെന്റുകൾ ഉദ്യോഗസ്ഥർ പരിശോധിച്ചപ്പോൾ പ്രോജക്ട് അസിസ്റ്റന്റായിരുന്ന എബിൻ കെഷിബു കേന്ദ്രധനകാര്യകമ്മീഷൻ ഗ്രാന്റിനത്തിൽ ഗ്രാമപഞ്ചായത്തിന് ലഭ്യമായ തുക അപഹരിച്ചിട്ടുള്ളതായി ബോധ്യപെട്ടു ഉടൻ തന്നെ സെക്രട്ടറി അടക്കമുള്ള പഞ്ചായത്തിലെ ഉദ്യോഗസ്ഥർ പ്രസിഡന്റ് ആയ തന്നെ വിവരങ്ങൾ അറിയിക്കുകയും തന്റെ നിർദ്ദേശത്തെ തുടർന്ന് പഞ്ചായത്തിലെ ഉയർന്ന ഉദ്യോഗസ്ഥരെ വിവരം അറിയിക്കുകയും ചെയ്തു.

തുടർന്ന് പോലീസിൽ പരാതി നൽകി സാമ്പത്തിക ക്രമക്കേട് നടത്തിയ താൽക്കാലിക ജീവനക്കാരനായ എബിൻ കെ ഷിബുവിനെ പോലീസ് അറസ്റ്റ് ചെയ്ത് റിമാൻഡ് ചെയ്തിട്ടുള്ളതുമാണ്. കേരളത്തിലെ എല്ലാ പഞ്ചായത്തുകളിലും പാലിച്ച അതേ നടപടിക്രമങ്ങൾ പാലിച്ചാണ് ശാസ്താംകോട്ട പഞ്ചായത്തിലും ഒരു വർഷത്തെ കരാറിൽ പ്രോജക്ട് അസിസ്റ്റന്റനെ നിയമിച്ചത്. പഞ്ചായത്തിലെ ഉദ്യോഗസ്ഥർ തന്നെയാണ് പരിശോധിച്ചു ക്രമക്കേടുകൾ കണ്ടെത്തിയത്. പഞ്ചായത്തിൽ നിന്നും പണം അപഹരിച്ച തൽക്കാലിക ജീവനക്കാരനെതിരെ കർശന നടപടികളുമായി ഭരണസമിതി മുന്നോട്ടു പോകുകയാണ്.

കുറ്റക്കാരനായ കരാർ ജീവനക്കാരനെതിരെ ആവശ്യമായ നടപടികൾക്ക് പഞ്ചായത്ത് ഭരണസമിതി ഒരുമിച്ചു നിൽക്കേണ്ട സന്ദർഭത്തിൽ സങ്കുചിതമായി രാഷ്ട്രീയ മുതലെടുപ്പിന് വേണ്ടി ഭരണത്തെ തടസ്സപ്പെടുതുന്ന ശ്രമമാണ് യുഡിഎഫ് നടത്തുന്നത്.
കഴിഞ്ഞ 10 വർഷത്തിലധികമായി മികവുറ്റ പ്രവർത്തനങ്ങൾ നടത്തി നിരവധി ദേശീയ സംസ്ഥാന അംഗീകാരങ്ങൾ നേടിയ പഞ്ചായത്തിനെ ഒരു കരാർ ജീവനക്കാരൻ നടത്തിയ സാമ്പത്തിക ക്രമക്കേടിന്റെ പേരിൽ മോശപ്പെടുത്താൻ നടത്തുന്ന ശ്രമങ്ങൾ ദൗർഭാഗ്യകരമാണ്. ഇത്തരം തെറ്റായ പ്രവർത്തനങ്ങളിൽ നിന്ന് യുഡിഎഫ് പിന്മാറണം എന്നും പഞ്ചായത്തിന്റെ സുഗമമായ ഭരണനിർവഹണത്തിന് അവസരം ഒരുക്കണമെന്നും ,കഴിഞ്ഞ കാലങ്ങളിലേതു പോലെ മികച്ച പ്രവർത്തനം നടത്തുന്നതിന് എല്ലാ ജനവിഭാഗങ്ങളുടെയും പിന്തുണ ഉണ്ടാകണമെന്നും Z. ആന്റണി അഭ്യര്‍ഥിച്ചു.

ശാസ്താംകോട്ട:ഗ്രാമപഞ്ചായത്തിൽ കഴിഞ്ഞ രണ്ട് ഭരണസമിതിയുടെ കാലഘട്ടത്തിലും,നിലവിലെ ഭരണസമിതിയുടെ കഴിഞ്ഞ ആറുമാസത്തെ കാലഘട്ടത്തിലും നടന്ന സാമ്പത്തിക തിരിമറികൾക്ക് ഉത്തരവാദികളായ പഞ്ചായത്ത് പ്രസിഡൻ്റുമാരെയും ധനകാര്യ സ്റ്റാൻഡിങ് കമ്മിറ്റി അധ്യക്ഷരെയും ഫിനാൻസ് സ്റ്റാൻഡിങ് കമ്മിറ്റി ചെയർമാൻമാരായ വൈസ് പ്രസിഡൻ്റുമാരുടെയും അറിവോടെയും സമ്മതത്തോടെയും ആണെന്ന് ആരോപിച്ച് ഭരണസമിതി യോഗം യുഡിഎഫ് അംഗങ്ങൾ സ്തംഭിപ്പിച്ചു.

സിപിഎം കുന്നത്തൂർ ഏരിയാ സെക്രട്ടറി റ്റി.ആർ ശിവശങ്കരപിള്ള പ്രസിഡൻ്റായിരിക്കെ 2017ലാണ് പണാപഹരണ കേസിൽ റിമാൻഡിൽ കഴിയുന്ന ഡിവൈഎഫ്ഐ നേതാവായ താത്ക്കാലിക ജീവനക്കാരൻ കുന്നത്തൂർ സ്വദേശി എബിൻ കെ ഷിബുവിനെ(32) പിൻവാതിൽ നിയമനത്തിലൂടെ പഞ്ചായത്തിൽ എത്തിച്ചത്.ഇയ്യാൾ പഞ്ചായത്തിൻ്റെ അക്കൗണ്ടിൽ നിന്നും 27 ലക്ഷം രൂപയാണ് മാതാവിൻ്റെ അക്കൗണ്ടിലേക്ക് മാറ്റിയത്.

കഴിഞ്ഞ 10 വർഷത്തിൽ അധികമായി എബിൻ നടത്തിവന്ന എല്ലാ തട്ടിപ്പുകളും അതാത് ഭരണസമിതികളുടെ അറിവോടെയായിരുന്നു എന്നാണ് യുഡിഎഫ് ആരോപിക്കുന്നത്.ഇതിനാൽ
യഥാർത്ഥ പ്രതികളായ മുൻ പ്രസിഡൻ്റുന്മാരെയും വൈസ് പ്രസിഡൻ്റുമാരെയും ഇപ്പോഴത്തെ പ്രസിഡൻ്റിനെയും വൈസ് പ്രസിഡൻ്റിനെയും,പങ്കാളികളായ ഉദ്യോഗസ്ഥരെയും കേസിൽ പ്രതി ചേർക്കാതെ യുഡിഎഫ് പിന്നോട്ട് പോകില്ല.സാമ്പത്തിക തിരിമറിയെ കുറിച്ച് അന്വേഷണം നടക്കുന്നതിനാലും,യഥാർത്ഥ കക്ഷികൾക്കെതിരെ കേസ് കൊടുക്കാത്തതിനാലും നിയമപരമല്ലാതെ വിളിച്ചുകൂട്ടിയ പഞ്ചായത്ത് യോഗം കൂടുവാൻ പാടില്ലെന്ന നിലപാടിലാണ് യുഡിഎഫ് അംഗങ്ങൾ യോഗം സ്തംഭിപ്പിച്ചത്.

നിയമപരമായ കമ്മറ്റി കൂടരുതെന്നും പണാപഹരണത്തിൽ പ്രതികളായ ഇപ്പോഴത്തെ പ്രസിഡൻ്റും വൈസ് പ്രസിഡൻ്റും രാജി വയ്ക്കണമെന്നും ആവശ്യപ്പെട്ട പ്രതിപക്ഷം പ്ലക്കാർഡുകൾ ഉയർത്തി പ്രതിഷേധിക്കുകയ്യും ചെയ്തു.യുഡിഎഫ് അംഗങ്ങളായ പി.നൂറുദ്ദീൻ കുട്ടി,അനിൽ പനപ്പെട്ടി,ബി.ബിനോയ്,റിയാസ് പറമ്പിൽ,വി.ജി വിനോദ് കുമാർ,തസ്നി,ബിജു ലൂക്കോസ്, നബീസത്ത് ബീവി എന്നിവരാണ് പ്രതിഷേധിച്ചത്.