കൊച്ചി: പ്രധാനമന്ത്രി നരേന്ദ്ര മോദി മാർച്ച് ആദ്യ വാരം കേരളത്തിലെത്തും. മാർച്ച് ആറിന് കൊച്ചിയിലെത്തുന്ന പ്രധാനമന്ത്രി ബിജെപിയുടെ തെരഞ്ഞെടുപ്പ് പ്രചാരണങ്ങൾക്ക് ഔദ്യോഗികമായി തുടക്കം കുറിക്കും. വരുന്ന നിയമസഭാ തെര‍ഞ്ഞെടുപ്പിൽ ബിജെപി മുന്നോട്ടു വയ്ക്കുന്ന വികസന രേഖയും പ്രകടനപത്രികയും അദ്ദേഹം പുറത്തിറക്കും.

സന്ദർശനത്തിന്റെ ഭാഗമായി പ്രധാനമന്ത്രി വിവിധ സാമുദായിക നേതാക്കളുമായി കൂടിക്കാഴ്ച നടത്തും. പ്രത്യേകിച്ച് ക്രൈസ്തവ സഭാ മേലധ്യക്ഷൻമാരുമായുള്ള കൂടിക്കാഴ്ചയ്ക്ക് ബിജെപി നേതൃത്വം വലിയ പ്രധാന്യമാണ് നൽകുന്നത്.
കേരളത്തിലെ സാമുദായിക സമവാക്യങ്ങളിൽ മാറ്റം വരുത്തി ഇത്തവണ ചുരുങ്ങിയത് 30 സീറ്റുകളെങ്കിലും വിജയിക്കുകയാണ് ബിജെപി ലക്ഷ്യമിടുന്നത്. തെരഞ്ഞെടുപ്പ് ഒരുക്കങ്ങളുടെ ഭാഗമായുള്ള പ്രധാനമന്ത്രിയുടെ വരവ് പ്രവർത്തകർക്കു ആവേശം പകരാൻ വിപുലമായ പൊതു സമ്മേളനവും കൊച്ചിയിൽ സംഘടിപ്പിക്കുന്നുണ്ട്.

കോഴിക്കോട് വലിയങ്ങാടിയില്‍ കോര്‍പറേഷന്‍ കെട്ടിടത്തിന്‍റെ സ്ലാബ് തകര്‍ന്ന് വീണ് അപകടത്തില്‍ മരണം നാലായി. മെഡിക്കല്‍ കോളജില്‍ ചികില്‍സയിലായിരിരുന്ന തിരുവങ്ങൂര്‍ സ്വദേശി വിനോദ് മരിച്ചത്. ചുമട്ടു തൊഴിലാളികളായ ജബ്ബാര്‍, അഷ്റഫ്, ബഷീര്‍ എന്നിവരുടെ മരണമാണ് ആദ്യം റിപ്പോര്‍ട്ട് ചെയ്തത്. രാവിലെ 11 30 ഓടെയാണ് നാല് പേരുടെ മരണത്തിനിടയാക്കിയ അപകടമുണ്ടായത്.  

വലിയങ്ങാടിയില്‍ ചുമടിറക്കി വിശ്രമിക്കാനിരുന്നവര്‍ക്ക് മുകളിലേക്കാണ് ഒന്നാം നിലയിലെ കോണ്‍ക്രീറ്റ് സ്ലാബ് തകര്‍ന്നു വീണത്. ജബ്ബാറും അഷ്റഫും ബീച്ച് ആശുപത്രിയിലേക്ക് എത്തിക്കുമ്പോഴെ മരിച്ചിരുന്നു. ചികിത്സയിലിരിക്കെയാണ് ബഷീറും വിനോദും മരിച്ചത്. കാലിന് പരുക്കേറ്റ  ജലീല്‍  ബീച്ച് ആശുപത്രിയില്‍  ചികിത്സയിലാണ്. രാവിലെ ചുമട് ഇറക്കുന്ന തിരക്കായതിനാല്‍ കൂടുതല്‍ തൊഴിലാളികള്‍ വിശ്രമിക്കാനെത്തിയിരുന്നില്ല.

പാലക്കാട് എംഎല്‍എ രാഹുല്‍ മാങ്കൂട്ടത്തിലിനെതിരായ രണ്ടാം ലൈംഗിക പീഡനക്കേസില്‍ ജാമ്യവ്യവസ്ഥ ലംഘിച്ചെന്ന് കാട്ടി ക്രൈം‍‍ബ്രാ‍ഞ്ച് കോടതിയെ സമീപിച്ചു. ക്രൈം‍‍ബ്രാ‍ഞ്ചിന്‍റെ പരാതിയില്‍ രാഹുലിന് തിരുവനന്തപുരം ജുഡിഷ്യല്‍ മജിസ്ട്രേറ്റ് കോടതി നോട്ടീസ് അയച്ചു.

പരാതിക്കാരിയുടെ ഫോണിലേക്ക് വാട്ട്സാപ്പിലൂടെ ബന്ധപ്പെടാന്‍ ശ്രമിച്ചെന്ന പരാതിയെ തുടര്‍ന്നാണ് രാഹുലിനെതിരെ ക്രൈം‍‍ബ്രാ‍ഞ്ച് കോടതിയെ സമീപിച്ചത്.


ഇത് ജാമ്യവ്യവസ്ഥയുടെ ലംഘനമാണെന്ന്  ക്രൈം‍‍ബ്രാ‍ഞ്ച് വ്യക്തമാക്കുന്നു. രാഹുല്‍ മാങ്കൂട്ടത്തിലോ അദ്ദേഹത്തിന്‍റെ അഭിഭാഷകനോ 28ന് കോടതിയില്‍ ഹാജരാകണമെന്നാണ് നിര്‍ദേശം.