കുണ്ടറ: കുണ്ടറ ആറുമുറി കടയ്ക്കും കുണ്ടറ പള്ളിമുക്ക് ഈസ്റ്റ് ലെവൽ ക്രോസിനും ഇടയിലുള്ള തേപ്പ്കടയ്ക്ക് സമീപം, സ്കൂട്ടർ യാത്രികനായ യുവാവ് ലോറിയിടിച്ച് മരിച്ചു. മുളവന മുക്കൂട് സന്ധ്യാ ഭവനത്തിൽ വസന്തകുമാരി- ഗോപാലകൃഷ്ണൻ ദമ്പതികളുടെ മകൻ ജി. ഗിരീഷ് കൃഷ്ണനാണ് (36) മരിച്ചത്. പെരുമ്പുഴയിൽ മൊബൈൽ ഷോപ്പ് നടത്തുന്ന ഗിരീഷ് കട അടച്ച് വീട്ടിലേക്ക് വരുമ്പോൾ ഇന്നലെ പുലർച്ചെ 2ന് ആയിരുന്നു അപകടം. കൊട്ടാരക്കരയിൽ നിന്ന് കൊല്ലം ഭാഗത്തേക്ക് പോവുകയായിരുന്ന ലോറിയാണ് ബൈക്കിൽ ഇടിച്ചത്. ഗുരുതരമായി പരിക്കേറ്റ ഗിരീഷിനെ ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കുണ്ടറ പൊലീസ് കേസെടുത്തു. സഹോദരങ്ങൾ: സന്ധ്യ, സൗമ്യ
