കൊച്ചി. പനമ്പള്ളി നഗറിൽ നവജാത ശിശുവിനെ അമ്മ കൊലപ്പെടുത്തിയതിന് പിന്നാലെ കലൂരിൽ ഹോസ്റ്റലിൽ യുവതി പ്രസവിച്ചു. ഇന്ന് രാവിലെ 9 മണിയോടെയാണ് ഹോസ്റ്റലിലെ ശുചി മുറിയിൽ യുവതി പ്രസവിച്ചത്. നോർത്ത് പൊലീസ് സ്ഥലത്തെത്തി അമ്മയെയും കുഞ്ഞിനെയും ആശുപത്രിയിൽ എത്തിച്ചു
എറണാകുളം കലൂരിലെ സ്വകാര്യ ഹോസ്റ്റലിൽ താമസിക്കുന്ന കൊല്ലം സ്വദേശിനിയായ 22 വയസ്സുകാരിയാണ് ഇന്ന് രാവിലെ 9 മണിയോടെ ഹോസ്റ്റലിലെ ശുചുമുറിയിൽ പ്രസവിച്ചത്. യുവതി ഗർഭിണിയായിരുന്നു എന്ന വിവരം ഹോസ്റ്റലിൽ ഉണ്ടായിരുന്ന സുഹൃത്തുക്കൾക്ക് അടക്കം അറിയില്ലായിരുന്നു എന്നാണ് ഇവർ പോലീസിനോട് പറഞ്ഞത്. ഹോസ്റ്റലിലെ ശുചുമുറിയിലാണ് ഇന്ന് രാവിലെ പ്രസവം സംഭവിച്ചത്. ഇതോടെ ഹോസ്റ്റൽ അധികൃതർ പോലീസിൽ വിവരമറിയിക്കുകയായിരുന്നു. തുടർന്ന് എറണാകുളം നോർത്ത് പോലീസ് സ്ഥലത്ത് എത്തി അമ്മയെയും കുഞ്ഞിനേയും ജനറൽ ആശുപത്രിയിൽ എത്തിച്ചു. എറണാകുളത്തെ സ്വകാര്യ സ്ഥാപനത്തിൽ ജോലിചെയ്യുന്ന ആളാണ് യുവതി..യുവതിയുടെ കാമുകനും വിവരമറിഞ്ഞ് സ്ഥലത്ത് എത്തിയിരുന്നു. ഇവരുടെ ബന്ധുക്കൾ അടക്കം ആശുപത്രിയിലേക്ക് പുറപ്പെട്ടിട്ടുണ്ട് എന്ന് പോലീസ് പറഞ്ഞു. ആശുപത്രിയിൽ എത്തിച്ച അമ്മയും കുഞ്ഞും സുരക്ഷിതരാണ് എന്നും പോലീസ് അറിയിച്ചു
