വീട്ടമ്മമാരുടെ പ്രധാന പ്രശ്‌നങ്ങളില്‍ ഒന്നാണ്. വസ്ത്രങ്ങള്‍ അലക്കുമ്പോള്‍ ഉണ്ടാകുന്ന ബുദ്ധിമുട്ടുകള്‍. കുട്ടികളിലെ വസ്ത്രങ്ങളില്‍ മഷിക്കറ, കരിമ്പന്‍, ചെളി ഇവയെല്ലാം ഇതില്‍ പ്രധാനപ്പെട്ടതാണ്. ഇവ പരിഹരിക്കാന്‍ ചില എളുപ്പ വഴികളിതാ…
മഷിക്കറ കളയാന്‍
യൂണിഫോമില്‍ പേനയുടെ മഷി ആയാല്‍ അത് സാധാ സോപ്പിട്ട് കഴുകി കളഞ്ഞാല്‍ വേഗത്തില്‍ മാഞ്ഞ് പോവുകയില്ല. എന്നാല്‍, നിങ്ങളുടെ വീട്ടില്‍ ഡെറ്റോള്‍ ഉണ്ടെങ്കില്‍ അടിപൊളിയായി നിങ്ങള്‍ക്ക് മഷിക്കറ കളഞ്ഞെടുക്കാന്‍ സാധിക്കുന്നതാണ്. ആദ്യം തന്നെ മഷി ആയ ഭാഗത്ത് കുറച്ച് ഡെറ്റോള്‍ പുരട്ടുക. അതിന് ശേഷം ഒരു ബ്രഷ് ഉപയോഗിച്ച് നന്നായി ഉരയ്ക്കുക. ടൂത്ത് ബ്രഷ് എടുക്കുന്നതാണ് നല്ലത്. നിങ്ങള്‍ ഉരച്ച് തുടങ്ങുമ്പോള്‍ മുതല്‍ വസ്ത്രത്തില്‍ നിന്നും മഷിക്കറ നീങ്ങുന്നത് കാണാം. കുറച്ചും കൂടെ ഡെറ്റോള്‍ വേണമെങ്കില്‍ വീണ്ടും ഒഴിച്ച് കൊടുക്കാവുന്നതാണ.് നല്ലപോലെ ക്ലീനായി കിട്ടും. മഷിയുടെ ഒകരു പാട്പോലും വസ്ത്രത്തില്‍ ഇരിക്കുകയില്ല. അതിന് ശേഷം നിങ്ങള്‍ നല്ലപോലെ വസ്ത്രം കഴുകി എടുത്താന്‍ മതിയാകും.
കരിമ്പന്‍ കളയാന്‍
വെള്ള വസ്ത്രങ്ങളിലാണ് വളരെ പെട്ടെന്ന് കരിമ്പന്‍ പിടിക്കുക. ഇത്തരത്തില്‍ വെള്ളം യൂണിഫോം അല്ലെങ്കില്‍ വസ്ത്രത്തില്‍ കരിമ്പന്‍ കയറിയാല്‍ ബ്ലീച്ചിംഗ് പൗഡര്‍ ഉപയോഗിച്ച് കഴുകി എടുത്താല്‍ മതിയാകും. ആദ്യം തന്നെ ബ്ലീച്ചിംഗ് പൗഡര്‍ കരിമ്പന്‍ ഉള്ള ഭാഗത്ത് തേച്ച് പിടിപ്പിച്ച് കുറച്ച് നേരം വെക്കുക. അതിന് ശേഷം നിങ്ങള്‍ക്ക് ഒന്ന് സ്‌ക്രബ് ചെയ്ത് കഴുകി എടുക്കാവുന്നതാണ്. യൂണിഫോം നിറമുള്ള യൂണിഫോം ആണെങ്കില്‍ ഒരിക്കലും ഈ മാര്‍ഗ്ഗം സ്വീകരിക്കരുത്.
ചെളി കളയാന്‍
ആണ്‍കുട്ടികളാണെങ്കില്‍ അവരുടെ ഷര്‍ട്ടിന്റെ കോളറിലെല്ലാം നല്ലപോലെ കട്ടപിടിച്ച് ചെളി അടിഞ്ഞ് കൂടിരിക്കുന്നത്് കാണാം. ഇത്തരത്തില്‍ അടിഞ്ഞ് കൂടിയിരിക്കുന്ന ചെളി നീക്കം ചെയ്യാന്‍ ആദ്യം തന്നെ ഷര്‍ട്ട്, അല്ലെങ്കില്‍ ഏത് വസ്ത്രമാണോ നിങ്ങള്‍ക്ക് ക്ലീന്‍ ആക്കേണ്ടത് അത് നല്ലപോലെ ചുളിവുകള്‍ കളഞ്ഞ് എടുത്ത് ചെറുചൂടുവെള്ളത്തില്‍ സോപ്പും പൊടി ചേര്‍ത്ത് മുക്കി വെക്കുക. അതിന് ശേഷം ഒരു ഒരുമണിക്കൂര്‍ കഴിഞ്ഞ് നിങ്ങള്‍ക്ക് വസ്ത്രങ്ങള്‍ സോപ്പും കൂട്ടി നന്നായി അലക്കി എടുക്കാവുന്നതാണ്. ഇത് വസ്ത്രങ്ങളില്‍ നിന്നും നല്ലപോലെ ചെളി കളയാന്‍ സഹായിക്കും. അതുപോലെ തന്നെ വസ്ത്രങ്ങള്‍ക്ക് നല്ല നിറം നല്‍കാനും സഹായിക്കുന്നുണ്ട്.
വസ്ത്രങ്ങള്‍ പുതുപുത്തനാക്കാന്‍
വസ്ത്രങ്ങള്‍ എന്നും പുതുപുത്തനായി തന്നെ ഇരിക്കാന്‍ കുറച്ച് അധികം കാര്യങ്ങള്‍ ശ്രദ്ധിക്കണം. ഇതില്‍ തന്നെ വസ്ത്രങ്ങള്‍ അലക്കുമ്പോള്‍ അമിതമായി സോപ്പും പൊടി ചേര്‍ത്ത് അലക്കുന്നത് സത്യത്തില്‍ വസ്ത്രങ്ങളുടെ ഗുണം നശിപ്പിക്കും. അതുപോലെ തന്നെ കളര്‍ വ്യത്യാസം വരാനും ഇത് കാരണമാണ്. അതിനാല്‍, അമിതമായി സോപ്പും പൊടി ഉപയോഗിക്കരുത്. നല്ല ഹെവി വര്‍ക്കുള്ള വസ്ത്രങ്ങള്‍ വെയിലത്തിട്ട് ഒന്ന് ചൂടുകയറ്റി എടുത്ത് വെക്കുന്നതാണ് നല്ലത്.
വസ്ത്രങ്ങളില്‍ കറ പറ്റാതെ ശ്രദ്ധിക്കേണ്ടത് അനിവാര്യമാണ്. അതുപോലെ, വസ്ത്രങ്ങള്‍ അലക്കി കഴിഞ്ഞാല്‍ നല്ലപോലെ പിഴിഞ്ഞ് എടുക്കുന്നത് വസ്ത്രങ്ങളുടെ മെറ്റീരിയല്‍ നശിക്കാന്‍ കാരണമാണ്. അതുപോലെ വസ്ത്രങ്ങളില്‍ അമിതമായി ചുളിവും വീഴും.അതിനാല്‍ വെള്ളത്തില്‍ മുക്കി നന്നായി കുടഞ്ഞ് എടുത്താല്‍ മതിയാകും. അതുപോലെ വസ്ത്രങ്ങള്‍ ഉണക്കാന്‍ ഇടുമ്പോള്‍ നല്ല പോലെ വെയില്‍ ഉള്ള സ്ഥലത്ത് ഇടരുത്. തണലത്ത് ഇട്ട് വസ്ത്രങ്ങള്‍ ഉണക്കുന്നതാണ് നല്ലത്.
വസ്ത്രങ്ങള്‍ അലക്കേണ്ടത് എപ്പോള്‍
എല്ലാ വസ്ത്രങ്ങളും എല്ലായ്പ്പോഴും അലക്കേണ്ട ആവശ്യമില്ല. നല്ല വസ്ത്രങ്ങള്‍ വിയര്‍പ്പ് കളഞ്ഞ് മടക്കി വെച്ചാല്‍ മതിയാകു. അതുപോലെ സ്ഥഇരമായി ഉപയോഗിക്കുന്ന വസ്ത്രങ്ങളാണെങ്കില്‍ വിയര്‍പ്പ് കളയാന്‍ വെള്ളത്തില്‍ മുക്കി കഴുകുന്നത് നല്ലതാണ്. ഇത് വസ്ത്രങ്ങള്‍ ദീര്‍ഘകാലം നിലനില്‍ക്കാന്‍ സഹായിക്കും.
