മലയാളികൾക്ക് ഏറെ പരിചിതമായൊരു നടിയും അവതാരകയുമാണ് അശ്വതി ശ്രീകാന്ത്. സമൂഹ മാധ്യമങ്ങളിലൂടെ വിശേഷങ്ങൾ ആരാധകരുമായി പങ്കുവെക്കാറുള്ള അശ്വതി ഒരു ‘ഞരമ്പൻ’ ആരാധകന് നൽകിയ മറുപടിയാണിപ്പോൾ വൈറലാകുന്നത്.
ആരാധകരുടെ ചോദ്യങ്ങൾക്ക് മറുപടി നൽകുന്ന ‘ക്യു ആന്റ് എ’ സെഷനിലാണ് അശ്വതി ചുട്ട മറുപടി നൽകിയത്. ‘ യു ആർ സൂപ്പർ, നല്ല വലിയ ––– ആണ്. തന്റെ കുറെ പിക് കണ്ട് ––– വിട്ടിട്ടുണ്ട്’. സ്മൈലി വച്ച് ചോദ്യത്തിലെ അശ്ലീല ഭാഗങ്ങൾ മറച്ചതിന് ശേഷമാണ് അശ്വതി ചോദ്യവും അതിന്റെ ഉത്തരവും പങ്കുവച്ചത്. ‘പാവം തലച്ചോറ് കാലിനിടയിൽ ആയിപ്പോയി. സഹതാപമുണ്ട്’. എന്നാണ് അശ്വതി മറുപടി നൽകിയത്.
ചോദ്യം ചോദിച്ച വ്യക്തിയെ ടാഗ് ചെയ്തു കൊണ്ടാണ് അശ്വതി മറുപടി നൽകിയത്. സമൂഹ മാധ്യമങ്ങളിൽ സജീവമായ പലരും പലപ്പോഴായി അശ്ലീല സന്ദേശങ്ങൾ നേരിടേണ്ടി വന്നിട്ടുണ്ട്. നേരത്തെയും അശ്വതി അശ്ലീല ചോദ്യത്തിന് നൽകിയ മറുപടി വൈറലായിരുന്നു
