ഉദയാ ജംഗ്ഷൻ: മൈനാഗപ്പള്ളി ഉദയാ ലൈബ്രറി 8-ാമത് ദ്വൈമാസ പുസ്തക ചർച്ചയും,2025-ലെ ദേശാഭിമാനി സാഹിത്യ പുരസ്കാരജേതാവ് നോവലിസ്റ്റ് പി.വി.ഷാജികുമാറിനെആദരിക്കലും നടത്തി. ലൈബ്രറി പ്രസിഡന്റ് കെ.മോഹനന്റെ അദ്ധ്യക്ഷതയിൽ കൂടിയ യോഗത്തിൽ ഷാജികുമാറിന്റെ അവാർഡിനർഹമായ നോവൽ ‘മരണവംശം’,
കവിയുംഗാനരചയിതാവുമായ ഭൂപേഷ്ശാസ്താംകോട്ട സദസ്സിന് പരിചയപ്പെടുത്തി. അവാർഡ് ജേതാവായ നോവലിസ്റ്റിനെ ലൈബ്രറി പ്രസിഡന്റ് ആദരിച്ചു.
മുൻ നവോദയാ ലൈബ്രറി സെക്രട്ടറി എസ്.ബഷീർ, ശാസ്ത്ര സാഹിത്യ പരിഷത് ജില്ലാ കമ്മിറ്റിയംഗം പി.എസ്.സാനു, കവിയും പ്രഭാഷകനുമായ പി.ശിവപ്രസാദ് തുടങ്ങിയവർ ചർച്ചയിൽ പങ്കെടുത്തു സംസാരിച്ചു. ആദരവിനും ചർച്ചക്കും നോവലിസ്റ്റ് പി.വി.ഷാജികുമാർ മറുപടി പറഞ്ഞു. ലൈബ്രറി ജോയിന്റ് സെക്രട്ടറി കെ.എസ്.രാധാകൃഷ്ണൻ സ്വാഗതവും ലൈബ്രേറിയൻ ജെ.ജയകുമാരി നന്ദിയും പറഞ്ഞു.
ലൈബ്രറി സെക്രട്ടറി ബി.സരോജാക്ഷൻ പി ളള, ആർ.പി. സുഷമ, എസ്.ആർ.ശ്രീകല, എസ്.മായാദേവി, ആർ.ശ്രീകുമാർ, മണക്കാട്ടു രവീന്ദ്രൻ, പി.എസ്.അജിത, കോയിക്കൽ സുരേഷ്, റ്റി.ഉണ്ണികൃഷ്ണൻ, ഇഞ്ചക്കോട്ടു ഫിലിപ്പോസ്, സി. അശോക് കുമാർ തുടങ്ങിയവർ നേതൃത്വം നല്കി.
