Advertisement
ശാസ്താംകോട്ട : അഖിലേന്ത്യ അവാർഡീ ടീച്ചേഴ്സ് ഫെഡറേഷൻ കേരള ഘടകത്തിൻ്റെ ഗുരുശ്രേഷ്ഠ പുരസ്ക്കാര സമർപ്പണം ശനിയാഴ്ച ഉച്ചയ്ക്ക് 2 മുതൽ കാരാളിമുക്ക് തുരുത്തിയിൽ ആഡിറ്റോറിയത്തിൽ നടക്കും. സമ്മേളനം കോവൂർ കുഞ്ഞുമോൻ എം.എൽ എ ഉദ്ഘാടനം ചെയ്യും. ഗുരുശ്രേഷ്ഠ പുരസ്ക്കാരവും വിശിഷ്ഠ വ്യക്തികൾക്കുള്ള പുരസ്ക്കാരവും എൻ.കെ പ്രേമചന്ദ്രൻ എം.പി സമർപ്പണം ചെയ്യും. സംഘടന പ്രസിഡൻ്റ് മാത്യൂ അഗസ്റ്റിൻ അധ്യക്ഷത വഹിക്കും.
സി.ആർ മഹേഷ് എം.എൽ.എ മുഖ്യപ്രഭാഷണവും മാധ്യമപ്രവർത്തകൻ പി.കെ അനിൽകുമാർ പ്രഭാഷണവും നടത്തും. സംഘടന രക്ഷാധികാരി അജിത് കുമാർ ബി.പിള്ള, സോഷ്യൽ മീഡിയാ ഇൻഫ്ലുവൻസർ ആയിഷ ആനയടിയിൽ, ചലച്ചിത്ര സംഗീത സംവിധായകൻ മണക്കാല ഗോപാലകൃഷ്ണൻ, മൈനാഗപ്പള്ളി ഗ്രാമ പഞ്ചായത്ത് പ്രസിഡൻ്റ് രജനി സുനിൽ തുടങ്ങിയവർ പങ്കെടുക്കും.
Advertisement
