കുന്നത്തൂർ പടിഞ്ഞാറ് 460 നമ്പർ എസ് എൻ ഡി പി ശാഖയിൽ ഇന്നലെ രാത്രിയിൽ മോഷ്ടാക്കൾ കയറി. ഗുരു ക്ഷേത്രത്തിന്റെ നടപന്തൽ അലങ്കരിച്ചിരുന്ന സീരിയൽ ബൾബുകൾ, ശാഖ കെട്ടിടത്തിലെ മറ്റു ഇലക്ട്രിക് ബൾബുകൾ എന്നിവ മോഷണം പോയി. കൂടാതെ ശ്രീനാരായണ ഗുരുക്ഷേത്രത്തിന് മുൻപിൽ സ്ഥാപിച്ചിട്ടുള്ള നേർച്ച വഞ്ചി കുത്തിതുറക്കുവാൻ ശ്രമിച്ചിട്ടും ഉണ്ട്. കുറച്ച് വർഷങ്ങൾക്ക് മുൻപ് സമാനമായ സംഭവം ഇവിടെ നടന്നിട്ടുള്ളതാണ്. എന്നാൽ അന്ന് മോഷ്ടാക്കളെ പിടികൂടുവാൻ സാധിച്ചില്ല. ശാഖ പ്രസിഡന്റ് മുരളീധരൻ സെക്രട്ടറി വേണു എന്നിവർ ശാസ്താംകോട്ട പോലീസിൽ പരാതി നൽകി. പോലീസ് ഊർജിതമായി അന്വേഷിച്ചു പ്രതികളെ ഉടൻ പിടികൂടണമെന്ന് കുന്നത്തൂർ യൂണിയൻ കൗൺസിൽ യോഗം ആവശ്യപ്പെട്ടു.
