എൻഐടിയിൽ വിദ്യാർഥിയുടെ ആത്മഹത്യ രക്ഷിതാക്കൾക്ക് മൊബൈൽ സന്ദേശം അയച്ചതിന് ശേഷം

കോഴിക്കോട്. ചാത്തമംഗലം എൻഐടിയിൽ വീണ്ടും വിദ്യാർഥി ആത്മഹത്യ ചെയ്തത് മാതാപിതാക്കള്‍ക്ക സന്ദേശം അയച്ച ശേഷം .മൂന്നാം വർഷ മെക്കാനിക്കൽ എഞ്ചിനീയറിങ് വിദ്യാർഥിയായ മുംബൈ സ്വദേശി യോഗേശ്വർ നാഥ് ആണ് മരിച്ചത്. രാവിലെ അഞ്ചേമുക്കാലിന് ഹോസ്റ്റൽ കെട്ടിടത്തിൻ്റെ ആറാം നിലയിൽ നിന്ന് ചാടുകയായിരുന്നു. ഗുരുതരമായി പരുക്കേറ്റ വിദ്യാർഥിയെ കോഴിക്കോട് മെഡിക്കൽ കോളജ് ആശുപത്രിയിലേക്ക് കൊണ്ടു വന്നെങ്കിലും ജീവൻ രക്ഷിക്കാനായില്ല . രാവിലെ മുംബൈയിലുള്ള രക്ഷിതാക്കൾക്ക് മൊബൈൽ സന്ദേശം അയച്ചതിന് ശേഷമാണ് കെട്ടിടത്തിൽ നിന്ന് ചാടിയത്. രക്ഷിതാക്കൾ എന്‍ഐടി ജീവനക്കാരെ വിവരം അറിയിക്കുമ്പോഴേക്കും ചാടിയിരുന്നു. കുന്ദമംഗലം പൊലിസ് സ്ഥലത്തെത്തി അന്വേഷണം തുടങ്ങി. ആത്മഹത്യയുടെ കാരണം വ്യക്തമല്ല.

Advertisement