സൗദി കിഴക്കൻ പ്രവിശ്യയിലെ ജുബൈൽ ഹൈവേയിലുണ്ടായ വാഹനാപകടത്തിൽ രണ്ട് മലയാളികൾ മരിച്ചു.
തലശ്ശേരി മണോലിൽ വീട്ടിൽ സജീം ഖാലിദ് ,
കണ്ണൂർ ചെറുകുന്ന് സ്വദേശി ശ്രീലേഷ് ലക്ഷ്മൺ എന്നിവരാണ് മരിച്ചത്.
ദമാമിനു സമീപം ദഹ്റാൻ-ജുബൈൽ റോഡിൽ ഖത്തീഫ് സെൻട്രൽ ആശുപത്രിയുടേയും
ഹാലിബട്ടൺ കമ്പനിയുടേയും സമീപം ശനിയാഴ്ച രാത്രിയോടെയാണ് അപകടമുണ്ടായത് .
റാസ്തന്നൂറയിൽ നിന്നും ദമാമിലേക്ക് യാത്ര ചെയ്യുകയായിരുന്ന
ഇവരുടെ കാറിലേക്ക് ഒരു സ്വദേശി യുവാവിന്റെ വാഹനം ഇടിച്ചു കയറുകയായിരുന്നു .
ജയ്പുർ: രാജസ്ഥാനിൽ പ്രായപൂർത്തിയാകാത്ത പെൺകുട്ടിയെ ബലാത്സംഗംചെയ്തത് 30-ലേറെ പേർ. ശ്രീ ഗംഗാനഗറിലെ 13 വയസ്സുകാരിയാണ് അഞ്ചുദിവസത്തോളം നീണ്ട ക്രൂരപീഡനത്തിനിരയായത്. സംഭവത്തിൽ കേസെടുത്ത് അന്വേഷണം ആരംഭിച്ച പൊലീസ് ഇതുവരെ എട്ടുപ്രതികളെ അറസ്റ്റ് ചെയ്തു. കൂടുതൽ പ്രതികൾക്കായി അന്വേഷണം തുടരുകയാണ്
വീട് വിട്ടിറങ്ങിയ പെൺകുട്ടി ജൂൺ 18 മുതൽ 22 വരെയുള്ള തീയതികളിലാണ് വിവിധ ഹോട്ടലുകളിൽവെച്ച് ബലാത്സംഗത്തിനിരയായതെന്ന് പൊലീസ് പറഞ്ഞു. ഒരു റിക്ഷാത്തൊഴിലാളിയാണ് അടുപ്പം സ്ഥാപിച്ച് പെൺകുട്ടിയെ കടത്തിക്കൊണ്ടുപോയത്. തുട‍‍ർന്ന് ഇയാൾ പെൺകുട്ടിയെ പണം വാങ്ങി ഒരു ഹോട്ടലുടമയ്ക്ക് കൈമാറി. പിന്നീട് ശ്രീ ഗംഗാനഗറിലെ വിവിധ ഹോട്ടലുടമകളും ഹോട്ടൽ മാനേജർമാരും ഉൾപ്പെടെയുള്ളവരാണ് പെൺകുട്ടിയെ പലദിവസങ്ങളിലായി ബലാത്സംഗംചെയ്തതെന്നും പൊലീസ് പറഞ്ഞു.
പെൺകുട്ടിയെ കാണാതായതോടെ മാതാവ് പൊലീസിൽ പരാതി നൽകിയിരുന്നു. മൊബൈൽഫോൺ വിവരങ്ങളടക്കം ശേഖരിച്ച് പൊലീസ് നടത്തിയ അന്വേഷണത്തിൽ കുട്ടിയെ കണ്ടെത്തി മോചിപ്പിച്ചു. ഇതോടെയാണ് കൂട്ടബലാത്സംത്തിന്റെ വിവരങ്ങൾ പെൺകുട്ടി വെളിപ്പെടുത്തിയത്.
പലദിവസങ്ങളിലായി ക്രൂരമായ ലൈംഗികപീഡനത്തിനിരയായെന്നാണ് പെൺകുട്ടിയുടെ മൊഴി. നിരന്തരം പീഡനത്തിനിരയായി ശാരീരികമായി അവശയായിട്ടും നിർബന്ധിച്ച് മദ്യം കുടിപ്പിച്ച് വീണ്ടും ബലാത്സംഗം ചെയ്തെന്നും പെൺകുട്ടി പൊലീസിനോട് പറഞ്ഞു.
ശ്രീ ഗംഗാനഗറിലെ വിവിധ ഹോട്ടലുടമകളും ഹോട്ടൽ മാനേജർമാരും ഉൾപ്പെടെയുള്ളവരാണ് കേസിലെ പ്രതികൾ. ഇതിൽ എട്ടുപേരെ പൊലീസ് അറസ്റ്റ്ചെയ്തിട്ടുണ്ട്. ബാക്കി പ്രതികൾക്കായി തിരച്ചിൽ തുടരുകയാണ്.
അതേസമയം, സംഭവത്തിൽ സർക്കാരിനെതിരേ പ്രതിഷേധവുമായി പ്രതിപക്ഷപാർട്ടികളും രംഗത്തെത്തി. ശ്രീ ഗംഗാനഗറിലെ അനധികൃത ഹോട്ടലുകൾക്കെതിരേ നടപടി വേണമെന്നും കോൺഗ്രസ് ഉൾപ്പെടെയുള്ള രാഷ്ട്രീയപാർട്ടികൾ ആവശ്യപ്പെട്ടു. ശ്രീ ഗംഗാനഗറിൽ മാത്രം 150-ലേറെ ഹോട്ടലുകൾ അനധികൃതമായി പ്രവർത്തിക്കുന്നുണ്ടെന്നാണ് ആരോപണം. ഇത്തരം ഹോട്ടലുകളെല്ലാം അടച്ചുപൂട്ടണമെന്നാണ് ആവശ്യം.
റിയാദ്: സൗദി അറേബ്യയിലെ റാസ് തനൂറയില്‍ സൗദി അരാംകോയുടെ ഹെലികോപ്റ്റര്‍ തകര്‍ന്നുണ്ടായ അപകടത്തില്‍ 14 പേര് മരിച്ചു. ഇന്ന് പ്രാദേശിക സമയം പുലര്‍ച്ചെ ആറോടെയാണ് രാജ്യത്തെ നടുക്കിയ ദുരന്തമുണ്ടായത്.
ഹെലികോപ്റ്ററിലുണ്ടായിരുന്ന 14 പേരും സംഭവസ്ഥലത്തുതന്നെ മരിച്ചു. മരിച്ചവരെല്ലാം സൗദി പൗരന്മാരാണെന്ന് സൗദി ഊര്‍ജ മന്ത്രാലയം സ്ഥിരീകരിച്ചു. അപകടത്തിന്റെ കൃത്യമായ കാരണം ഇനിയും വ്യക്തമായിട്ടില്ല. ദുരന്തത്തിലേക്ക് നയിച്ച സാഹചര്യങ്ങളെക്കുറിച്ച് ബന്ധപ്പെട്ട ഉദ്യോഗസ്ഥരെ ഉള്‍പ്പെടുത്തി ഊര്‍ജ മന്ത്രാലയത്തിന്റെ നേതൃത്വത്തില്‍ സമഗ്രമായ അന്വേഷണം ആരംഭിച്ചിട്ടുണ്ട്.
അപകടത്തില്‍ ജീവന്‍ നഷ്ടപ്പെട്ടവരുടെ കുടുംബാംഗങ്ങളെ മന്ത്രാലയം അനുശോചനം അറിയിച്ചു. ഔദ്യോഗിക വാര്‍ത്താ ഏജന്‍സിയാണ് വിവരം പുറത്തുവിട്ടത്.
കരുനാഗപ്പള്ളി: തഴവ കടത്തൂർ ശ്രീരാഗം ഭവനത്തിൽ അനീഷ് (42)വീട്ടില്‍ തൂങ്ങി മരിച്ച നിലയില്‍ കാണപ്പെട്ടു.
ഭാര്യ. അശ്വതി മകൻ ശ്രീരാഗ്
റിയാദ്: സൗദി അറേബ്യയിൽ ദേശീയ എണ്ണ കമ്പനിയായ സൗദി അരാംകോയുടെ ഉടമസ്ഥതയിലുള്ള ഹെലികോപ്റ്റർ തകർന്നുവീണ് 14 മരണം. മുഴുവൻ യാത്രക്കാരും മരിച്ചതായി ഊർജ്ജ മന്ത്രാലയം ഔദ്യോഗിക വക്താവ് അറിയിച്ചു. ഇന്ന് (ഞായറാഴ്ച) രാവിലെ ആറോടെ റാസ് തനൂറയിലാണ് അപകടമുണ്ടായത്. അപകടത്തിൽ മരിച്ച 14 പേരും സൗദി പൗരന്മാരാണെന്ന് മന്ത്രാലയം സ്ഥിരീകരിച്ചു.
ഹെലികോപ്റ്റർ തകരാനുണ്ടായ യഥാർത്ഥ കാരണങ്ങൾ കണ്ടെത്താനായി ബന്ധപ്പെട്ട മറ്റ് ഔദ്യോഗിക ഏജൻസികളുമായി ചേർന്ന് ഊർജ്ജ മന്ത്രാലയം വിശദമായ അന്വേഷണം ആരംഭിച്ചിട്ടുണ്ട്. ദുരന്തത്തിൽ ജീവൻ നഷ്ടപ്പെട്ടവരുടെ കുടുംബാംഗങ്ങളെ ഊർജ്ജ മന്ത്രാലയം അതീവ ദുഃഖവും അനുശോചനവും അറിയിച്ചു. പരേതരുടെ ആത്മാക്കൾക്ക് നിത്യശാന്തി ലഭിക്കട്ടെയെന്നും അവരെ രക്തസാക്ഷികളായി അല്ലാഹു സ്വീകരിക്കട്ടെയെന്നും മന്ത്രാലയം പ്രാർത്ഥിച്ചു.
ശാസ്താംകോട്ട. ആരും ചോദിച്ചില്ല,ഒന്നും പറഞ്ഞുമില്ല. ഡിവൈഎഫ്ഐ നേതാവ് പഞ്ചായത്തില്‍ കൊള്ളനടത്തി 20ലക്ഷത്തിലേറെ രൂപ കവര്‍ന്ന കേസ് തലക്കുമീതേ നില്‍ക്കുമ്പോള്‍ ഡിവൈഎഫ്ഐ സംസ്ഥാന പ്രസിഡന്റ് വി വസീഫ് ശാസ്താംകോട്ടയിലെത്തി കൂളായി മടങ്ങി.
കുന്നത്തൂരിലെ സിപിഎം നേതാക്കളായ മുന്‍ എംപി കെ സോമപ്രസാദ്, മുന്‍ ജില്ലാ പഞ്ചായത്ത് പ്രസിഡന്റും ഡിവൈഎഫ്ഐ നേതാവുമായിരുന്ന പികെ ഗോപന്‍, സിഐടിയു സംസ്ഥാന കമ്മിറ്റി അംഗവും പഞ്ചായത്ത്മുന്‍പ്രസിഡന്റും ഇപ്പോഴത്തെ സിപിഎം ഏരിയാ സെക്രട്ടറിയുമായ ടി ആര്‍ ശങ്കരപ്പിള്ള ഡിവൈഎഫ്ഐ ജില്ലാ സെക്രട്ടറി ശ്യാംമോഹന്‍ എന്നിവരെല്ലാം ചടങ്ങില്‍ പങ്കെടുത്തു. ആഗോള ദേശീയ സംസ്ഥാന പ്രശ്നങ്ങള്‍ ആവോശത്തോടെ ഉന്നയിച്ച് വേദിയില്‍ നടന്ന പ്രസംഗങ്ങളില്‍ സംസ്ഥാന തലത്തില്‍തന്നെ ശ്രദ്ധയാകര്‍ഷിച്ച ഡിവൈഎഫ്ഐ നേതാവ് പഞ്ചായത്തിലെ താല്‍ക്കാലിക ജീവനക്കാരന്‍ എബിന്‍ കെ ഷിബു നടത്തിയ 20ലക്ഷത്തിന്‍റെ കൊള്ളയുടെ ഒരു വരിപോലും ആരും പറഞ്ഞില്ല. അല്ലെങ്കിലും അയാളെ സംഘടന പുറത്താക്കി കഴിഞ്ഞല്ലോ.
എന്തായാലും വേദിയിലേക്ക് മാര്‍ച്ച് നടത്താനും സംസ്ഥാന അധ്യക്ഷനോട് ചോദ്യം ചോദിക്കാനുമുള്ള ആംപിയര്‍ ഒന്നും ബിജെപി കോണ്‍ഗ്രസ് നേതാക്കള്‍ക്കില്ലെന്ന് നേതാക്കള്‍ക്കറിയാം, അതാണല്ലോ ധൈര്യമായി അതേ മുക്കില്‍ സമ്മാനദാന സമ്മേളനത്തിന് സംസ്ഥാന പ്രസിഡന്റ് എത്തിയത്. വസീഫ് വലിയകാര്യങ്ങള്‍ പറഞ്ഞ് കൂളായി മടങ്ങി, മറ്റേ നേതാവിനെ ജോലിക്ക് നിയോഗിച്ച നേതാക്കളെല്ലാം സമാധാനമായി വീട്ടിലേക്ക് മടങ്ങി. ജയിലില്‍ കിടന്ന് ടെന്‍ഷനടിച്ച അബിനുമാത്രമേ അല്‍പം ഡിസ്റ്റര്‍ബന്‍സ് ആയുള്ളൂ എന്ന് കേള്‍ക്കുന്നു. ഇനി നാളെ പാവം നാട്ടുകാരെ ബുദ്ധിമുട്ടിച്ച് ഷോ കാണിക്കാന്‍ കാണ്‍ഗ്രസ് അടക്കം എല്ലാവരും ഇറങ്ങുന്നുണ്ട് ജാഗ്രതൈ.
ന്യൂ ഡെൽഹി: പ്രതിപക്ഷ നേതാവ് പിണറായി വിജയന്‍റെ വിമാനയാത്ര മുടങ്ങിയതിൽ പ്രതികരണവുമായി കേരള ഹൗസ് അഡിഷണൽ റെസിഡന്‍റ് കമ്മീഷണർ അശ്വതി ശ്രീനിവാസ്. പ്രോട്ടോകോൾ വിഭാഗത്തിന്‍റെ വീഴ്ച ഉണ്ടായെന്നും വിഷയം ഗൗരവകരമായി കാണുന്നുവെന്നും അശ്വതി പറഞ്ഞു. ഈ വിഷയത്തിൽ അച്ചടക്ക നടപടി സ്വീകരിക്കും. അനുബന്ധ നടപടികൾ നാളെ മുതൽ ആരംഭിക്കും. പ്രതിപക്ഷ നേതാവ് പുറപ്പെട്ടതിന് ശേഷം മാത്രമാണ് പ്രോട്ടോകോൾ ഓഫീസർ മടങ്ങാറുള്ളത്. അക്കാര്യത്തിൽ വീഴ്ച സംഭവിച്ചിട്ടില്ല. വിമാനക്കമ്പനി, വിമാനത്താവള അധികൃതർ എന്നിവരുമായി ആശയ വിനിമയം സംബന്ധിച്ചുള്ള വീഴ്ചയാണ് സംഭവിച്ചത്. ഭാവിയിൽ വീഴ്ച സംഭവിക്കാതിരിക്കാൻ ആവശ്യമായ നടപടികൾ സ്വീകരിക്കുമെന്ന് കേരള ഹൗസ് അഡിഷണൽ റെസിഡന്‍റ് കമ്മീഷണർ പറഞ്ഞു.
പ്രോട്ടോകോൾ ഓഫീസർ, കണ്‍ട്രോളർ, അഡിഷണൽ റെസിഡന്‍റ് കമ്മീഷണർ തുടങ്ങിയവർ പങ്കെടുത്ത ഇന്നത്തെ യോഗത്തിന് ശേഷമാണ് അശ്വതി ശ്രീനിവാസിന്‍റെ പ്രതികരണം. ഈ സംഭവത്തിൽ ബന്ധപ്പെട്ട ഉദ്യോഗസ്ഥരിൽ നിന്നും വിശദീകരണം എഴുതി വാങ്ങിയിരുന്നു. തുടർന്നാണ് പ്രോട്ടോകോൾ വിഭാഗത്തിന്‍റെ ആശയവിനിമയത്തിലെ പിഴവാണ് കാരണമെന്ന് കണ്ടെത്തിയത്. ഇത്തരം സംഭവങ്ങൾ ആവർത്തിക്കാതിരിക്കാൻ നടപടിയുണ്ടാകുമെന്ന് അശ്വതി ശ്രീനിവാസ് പറഞ്ഞു.
ദില്ലി വിമാനത്താവളത്തിൽ സമയത്ത് എത്തിയിട്ടും പിണറായി വിജയന്‍റെ യാത്ര മണിക്കൂറുകൾ വൈകിയത് കഴിഞ്ഞ ദിവസമാണ്. ഉച്ചയ്ക്ക് 2.50 നുള്ള വിമാനത്തിൽ കോഴിക്കോടേക്കാണ് അദ്ദേഹത്തിന് പോകേണ്ടിയിരുന്നത്. എന്നാല്‍ വിമാനത്താവളത്തിൽ എത്തിയെങ്കിലും വിമാനത്തിൽ കയറാനായില്ല. വി ഐ പി ലോഞ്ചിൽ ഇരുന്ന പിണറായിയെ സ്വീകരിക്കാൻ വിമാനക്കമ്പനി അധികൃതർ എത്താതെയിരുന്നതിനെ തുടർന്നുള്ള ആശയക്കുഴപ്പമാണ് വിമാനത്തിൽ കയറാൻ കഴിയാതെ പോയതിന്‍റെ കാരണം എന്നാണ് വിവരം. പിന്നീട് പിണറായി വിജയൻ മറ്റൊരു വിമാനത്തിൽ കോഴിക്കോടേക്ക് എത്തുകയായിരുന്നു. പോളിറ്റ് ബ്യൂറോയില്‍ പങ്കെടുക്കാൻ വ്യാഴാഴ്ചയാണ് പിണറായി വിജയൻ ദില്ലിയിൽ എത്തിയത്. പോളിറ്റ് ബ്യൂറോ കഴിഞ്ഞ് ഇന്നലെ മടങ്ങാനിരിക്കെയാണ് വിമാനയാത്ര മുടങ്ങിയത്.
ശാസ്താംകോട്ട : ഡി വൈ എഫ് ഐ കുന്നത്തൂർ ബ്ലോക്ക് കമ്മിറ്റിയുടെ നേതൃത്വത്തിൽ ആരവം 2026 കലാ-സാംസ്കാരിക സന്ധ്യയും, മെറിറ്റ് അവാർഡ് വിതരണവും ശാസ്‌താംകോട്ടയിൽ നടന്നു .ഡി വൈ എഫ് ഐ സംസ്ഥാന പ്രസിഡന്റ് വി വസീഫ് യോഗം ഉദ്ഘാടനം ചെയ്ത് കലാ പ്രതിഭകളെ ആദരിച്ചു ബ്ലോക്ക് പ്രസിഡന്റ് എസ് സന്തോഷ്‌ അധ്യക്ഷനായി . സെക്രട്ടറി എസ് സുധീർഷ സ്വാഗതം പറഞ്ഞു സോഷ്യൽ മീഡിയ ഇൻഫ്ലുവൻസേഴ്‌സിനുള്ള ആദരവ് വയോജന കമ്മീഷൻ ചെയർമാൻ കെ സോമ പ്രസാദും എസ് എസ് എൽ സി വിജയികളെ മുൻ ഡിവൈഎഫ്ഐ ജില്ലാ പ്രസിഡന്റ് പി കെ ഗോപനും പ്ലസ് ടു വിജയികളെ ജില്ലാ സെക്രട്ടറി ശ്യാം മോഹനും
വിവിധ മേഖലകളിൽ കഴിവ് തെളിയിച്ചവർക്കുള്ള ആദരവ് സി ഐ ടി യൂ സംസ്ഥാന കമ്മിറ്റി അംഗം റ്റി ആർ ശങ്കരപ്പിള്ളയും വിതരണം ചെയ്തു.ജില്ലാ പ്രസിഡന്റ് ടി ആർ ശ്രീനാഥ്, സംസ്ഥാന കമ്മിറ്റി അംഗങ്ങളായ എസ് ആർ രാഹുൽ,ഡിവൈഎഫ്ഐ ജില്ലാ സെക്രട്ടറിയേറ്റ് അംഗം കെ സുധീഷ് എസ് ഷബീർ ജില്ലാ പഞ്ചായത്ത് അംഗം കെ കലാദേവി, ശാസ്താംകോട്ട പഞ്ചായത്ത് പ്രസിഡന്റ് ഇസഡ് ആന്റണി, , സംഘാടകസമിതി ചെയർമാൻ കെ ബി ഓമനക്കുട്ടൻ, ബ്ലോക്ക് കമ്മിറ്റി ട്രഷറർ എം മഹേഷ്, ബ്ലോക്ക് പഞ്ചായത്ത് അംഗം എം അരവിന്ദ്, വാർഡ് അംഗം ദിലീപ്കുമാർ,എസ് നിധിൻ, ആതിര, വിഷ്ണു തുടങ്ങിയവർ സംസാരിച്ചു
കുന്നത്തൂർ:ശക്തമായ കാറ്റിലും മഴയിലും ഐവർകാല പുത്തനമ്പലത്തെ കൊല്ലം ജില്ലാ പഞ്ചായത്ത് കുന്നത്തൂർ വനിതാ വ്യവസായ കേന്ദ്രത്തിന്റെ പരിസരത്തുണ്ടായിരുന്ന മരം കടപുഴകി വീണ് മതിലും മൂന്ന് വൈദ്യുതി പോസ്റ്റുകളും തകർന്നു.വർഷങ്ങളായി അപകടഭീഷണി ഉയർത്തിയിരുന്ന മരം മുറിച്ചുമാറ്റണമെന്ന് ആവശ്യപ്പെട്ട് മാസങ്ങൾക്ക് മുൻപ് തന്നെ ഒമ്പതാം വാർഡ് മെമ്പർ റ്റി.എ സുരേഷ് കുമാറും പതിനൊന്നാം വാർഡ് മെമ്പർ അഞ്ചു.എം.സജിയും പഞ്ചായത്ത് അധികൃതരെ അറിയിച്ചിരുന്നു.
എന്നാൽ സമയബന്ധിതമായി നടപടി സ്വീകരിക്കാത്തതാണ് അപകടത്തിന് കാരണമായതെന്നാണ് ആരോപണം.മരം സൈഡിലേക്ക് വീണത് കൊണ്ട് വൻ ദുരന്തം ഒഴിവായി.കോടിക്കണക്കിന് രൂപ ചെലവഴിച്ച് ജില്ലാ പഞ്ചായത്ത് നിർമ്മിച്ച വനിതാ വ്യവസായ കേന്ദ്രം ഉദ്ഘാടനം ചെയ്തെങ്കിലും ഇതുവരെ ഒരു വ്യവസായ പ്രവർത്തനവും ആരംഭിച്ചിട്ടില്ല.നിലവിൽ കെട്ടിടവും പരിസരവും കാടുപിടിച്ച നിലയിലാണെന്നും കാട്ടുപന്നികളുടെ താവളമായി മാറിയിരിക്കുകയാണെന്നും നാട്ടുകാർ ആരോപിച്ചു.
ബലി തര്‍പ്പണത്തിന് പ്രിസിദ്ധി കേട്ട വയനാട്ടിലെ തിരുനെല്ലി ക്ഷേത്രത്തില്‍ സൂപ്പര്‍ താരങ്ങളായ ലയണല്‍ മെസി, ക്രിസ്റ്റ്യാനോ റൊണാള്‍ഡോ, നെയ്മര്‍, കിലിയന്‍ എംബാപ്പെ എന്നിവരുടെ പേരില്‍ വഴിപാട് കഴിച്ച് ഫുട്‌ബോള്‍ ആരാധകനായ ഭക്തന്‍. നാല് പേരുടെ പേരിലും സൂക്ത പുഷ്പാഞ്ജലിയാണ് കഴിപ്പിച്ചത്.
ഒരു പുഷ്പാഞ്ജലിക്ക് 15 രൂപയാണ് വഴിപാട് നിരക്ക്. നാല് താരങ്ങളുടേയും പേര് ഒറ്റ രസീതിയില്‍ അടിച്ച് 60 രൂപയാണ് ഭക്തന്‍ കൈമാറിയത്.
കാര്യ സാധ്യത്തിനു വേണ്ടി നടത്തുന്ന പ്രധാന വഴിപാടുകളിലൊന്നാണ് സൂക്ത പുഷ്പാഞ്ജലി. ശനിയാഴ്ച രാവിലെ 10.30 ഓടെയാണ് വഴിപാട് രസീതിയാക്കിയത്. വഴിപാട് കഴിപ്പിച്ചതാരാണെന്നു വ്യക്തമല്ല. വഴിപാട് രസീതി സമൂഹ മാധ്യമങ്ങളില്‍ പ്രചരിച്ചിരുന്നു. ഇക്കാര്യം ദേവസ്വം അധികൃതരും സ്ഥിരീകരിച്ചിട്ടുണ്ട്.
