തിരുവനന്തപുരം > 26 -ാമത് രാജ്യാന്തര ചലച്ചിത്രമേളയോടനുബന്ധിച്ച്‌ മാധ്യമ പുരസ്കാരങ്ങൾക്ക് അപേക്ഷിക്കാം.
ചലച്ചിത്രോത്സവം റിപ്പോർട്ട് ചെയ്യുന്ന പത്ര, ദ്യശ്യ, ശ്രവ്യ, ഓൺലൈൻ മാധ്യമങ്ങൾ റിപ്പോർട്ടുകളുടെ പകര്പ്പുസഹിതം മാർച്ച്‌ 24 വ്യാഴാഴ്ച ഉച്ചയ്ക്ക് ഒരു മണിക്ക് മുൻപ് മീഡിയാ സെല്ലില് അപേക്ഷ സമർപ്പിക്കണം.
മികച്ച മാധ്യമ സ്ഥാപനങ്ങൾക്കും പുരസ്കാരം ഏർപ്പെടുത്തിയിട്ടുണ്ട് .ആകെ റിപ്പോർട്ടിങ് മികവ് പരിഗണിച്ചുള്ളതാണ് സമഗ്ര കവറേജിനുള്ള പുരസ്കാരം.ഓരോ അവാർഡിനും പ്രത്യേകം പ്രത്യേകമാണ് എൻട്രികൾ സമർപ്പിക്കേണ്ടത്.
ദൃശ്യ-ശ്രവ്യ മാധ്യമങ്ങൾ റിപ്പോർട്ടുകൾ പെൻഡ്രൈവിലും (2 പകർപ്പ്), ഓൺലൈൻ മാധ്യമങ്ങൾ റിപ്പോർട്ടുകളുടെ വെബ് ലിങ്കുകൾ iffkmediaawards2022@gmail.com എന്ന മെയിലിലോ പെൻ ഡ്രൈവിലോ ആണ് നൽകേണ്ടത്. അച്ചടി മാധ്യമങ്ങൾ റിപ്പോർട്ടുകളടങ്ങിയ പത്രത്തിന്റെ അസ്സൽ പതിപ്പാണ്(3 എണ്ണം) സമർപ്പിക്കേണ്ടത്. എല്ലാ അവാർഡ് എൻട്രികൾക്കൊപ്പവും സ്ഥാപന മേധാവിയുടെ അനുമതി പത്രം ഉണ്ടായിരിക്കണം.
മാധ്യമ പുരസ്കാരങ്ങൾ
1 .മികച്ച അച്ചടി മാധ്യമം
2 .മികച്ച ദൃശ്യ മാധ്യമം
3 .മികച്ച ശ്രവ്യ മാധ്യമം
4 .മികച്ച ഓൺലൈൻ മാധ്യമം
വ്യക്തിഗത പുരസ്കാരങ്ങൾ
1 .മികച്ച അച്ചടി മാധ്യമ റിപ്പോർട്ടർ
2 .മികച്ച ദൃശ്യ മാധ്യമം റിപ്പോർട്ടർ
3 .മികച്ച ഫോട്ടോഗ്രാഫർ
4 .മികച്ച ക്യാമറാമാൻ
എല്ലാ പുരസ്കാരങ്ങളും മാർച്ച്‌ 25 ന് നിശാഗന്ധിയിൽ നടക്കുന്ന മേളയുടെ സമാപനച്ചടങ്ങിൽ വിതരണം ചെയ്യും. എൻട്രികൾ മാർച്ച്‌ 24 വ്യാഴാഴ്ച ഉച്ചയ്ക്ക് ഒരു മണിക്ക് മുൻപ് ടാഗോർ തിയേറ്ററിൽ പ്രവർത്തിക്കുന്ന മീഡിയാ സെല്ലിൽ സമർപ്പിക്കണം.
