റോട്ട് വീലർ നായ്ക്കളുടെ ആക്രമണത്തിൽ അഞ്ചു വയസുകാരിയ്ക്ക് ഗുരുതര പരുക്ക്

ചെന്നൈയിൽ വളർത്തു നായ്ക്കളുടെ ആക്രമണത്തിൽ അഞ്ചു വയസുകാരിയ്ക്ക് ഗുരുതര പരുക്ക്. തൗസൻഡ് ലൈറ്റ്സിലെ കോർപറേഷൻ പാർക്കിൽ വച്ചാണ് കുട്ടിയെ
രണ്ട് റോട്ട് വീലർ നായ്ക്കൾ ആക്രമിച്ചത്. തലയ്ക്കും കൈയ്ക്കും പരുക്കേറ്റ കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാത്രിയിലാണ് സംഭവം. കുട്ടിയുടെ പിതാവ് പാർക്കിലെ ജീവനക്കാരനാണ്. നായ്ക്കളുമൊത്ത് ഉടമ നടക്കാനിറങ്ങിയപ്പോഴാണ് അക്രമിച്ചത്. നായകളിൽ നിന്ന് കുഞ്ഞിനെ രക്ഷിയ്ക്കാൻ ഉടമ ഒന്നും ചെയ്തില്ലെന്ന് നാട്ടുകാർ ആരോപിച്ചു. ബഹളം കേട്ട് മാതാവെത്തിയാണ് കുട്ടിയെ രക്ഷപ്പെടുത്തിയത്. മാതാവിനും നായകളുടെ അക്രമത്തിൽ പരുക്കേറ്റു. നായ്ക്കളുടെ ഉടമ പുഗഴേന്തിയെ പൊലിസ് അറസ്റ്റു ചെയ്തു.

Advertisement