കരുനാഗപ്പള്ളി. ഭൂരഹിത ഭവനരഹിതരുടെ ജില്ലാതല സംഗമം ഡോ. ബി ആർ അംബേദ്കർ സ്റ്റഡീസ് സെൻറർ ആൻഡ് ചാരിറ്റബിൾ ട്രസ്റ്റിന്റെ നേതൃത്വത്തിൽ കരുനാഗപ്പള്ളിയിൽ നടന്നു. ട്രസ്റ്റ് ചെയർമാൻ ബോബൻ ജി നാഥ് ഉദ്ഘാടനം ചെയ്തു
ഭൂമിയും വീടും ഇല്ലാതെ ഇന്നും ജനങ്ങൾ വാടക കെട്ടിടങ്ങളിലും പുറമ്പോക്ക് കളിലും കടത്തിണ്ണകളിലും ജീവിക്കേണ്ടി വരുന്നതിന്റെ ഗതികേട് കേരളം മാറിമാറി ഭരിച്ച ഭരണകൂടത്തിന്റ കഴിവു കേടു കൊണ്ടാണെന്ന് ബോബന് ജി നാഥ് പറഞ്ഞു.
.
ട്രസ്റ്റ് ജനറൽ സെക്രട്ടറി ചൂളൂർ ഷാനി അധ്യക്ഷത വഹിച്ചു. അനില ബോബൻ ,അജി ലൗലാൻ്റ്, ഡോളി എസ്, അഖിൽ അരവിന്ദ്, ഷാജി ഇത്തിക്കൽ, ബൈജു ഇടത്തറ, പ്രേം ഭാസിൻ, സോമ അജി എന്നിവർ പ്രസംഗിച്ചു. ജില്ലയുടെ വിവിധ ഭാഗങ്ങളിൽ നിന്നും നൂറോളം കുടുംബങ്ങൾ പങ്കെടുത്തു കഴിഞ്ഞ 35 വർഷക്കാലമായി വാടകയ്ക്ക് താമസിക്കുന്നവരും നാഷണൽ ഹൈവേ പുറംപോക്കിൽ താമസിക്കുന്നവരും, തോട് പുറംപോക്കിൽ താമസിക്കുന്നവരും നിരവധി മാരക രോഗങ്ങൾ പിടിപ്പെട്ടവരും സംഗമത്തിൽ പങ്കെടുത്തു. ഇവരുടെ എല്ലാ പ്രശ്നങ്ങളും പഠിച്ചു മനസ്സിലാക്കി ഗവൺമെൻറിൽ അറിയിക്കുകയും ഗവൺമെൻ്റിൽ നിന്നും സഹായിക്കാൻ പറ്റുന്നവരെ അങ്ങനെയും അല്ലാത്തവരെ കാരുണ്യ പ്രവർത്തകർ വഴിയും വിവിധ സംഘടനകൾ വഴിയും മറ്റും സഹായിക്കുമെന്ന് ട്രസ്റ്റ് ചെയർമാൻ ബോബൻ ജി നാഥ് അറിയിച്ചു.
