Advertisement
കഴിഞ്ഞ ദിവസം രാത്രി ഒരു വീട്ടിലായിരുന്നെന്നും കൊണ്ടുപോയവരെ ആരെയും അറിയില്ലെന്നും അബിഗേല്. അബിഗേലിനെ കൊല്ലം നഗരത്തില് ആശ്രാമം മൈതാനത്ത് ഉപേക്ഷിച്ചനിലയില് ആദ്യം കണ്ടത് ധനഞ്ജയ എന്ന യുവതിയാണ്. ഒരു സ്ത്രീയാണ് കുഞ്ഞിനെ മൈതാനത്ത് കൊണ്ടിരുത്തിയതെന്ന് യുവതി പറയുന്നു. പിന്നീട് അവര് അവിടെ നിന്ന് പോകുകയായിരുന്നു. ഇതാണ് സംശയം തോന്നാന് കാരണം. പടം വച്ചു നോക്കി സ്ഥിരീകരിച്ചതോടെ ഒപ്പം കൂടിയവര് പൊലീസിനെ അറിയിക്കുകയായിരുന്നെന്നും ധനഞ്ജയ മാധ്യമങ്ങളോടു പറഞ്ഞു. കൊല്ലം എസ്എന് കോളജ് വിദ്യാര്ഥിനിയായ ധനഞ്ജയ പരീക്ഷ കഴിഞ്ഞ് വരികയായിരുന്നു.