അപ്രീലിയ എന്ന ഇറ്റാലിയന്‍ ഇരുചക്ര വാഹന നിര്‍മാതാക്കള്‍ അടുത്തിടെ ആഗോളതലത്തില്‍ അവതരിപ്പിച്ച RS 457 സ്‌പോര്‍ട്‌സ് ബൈക്കിനെ ഇപ്പോഴിതാ ഇന്ത്യയിലും ഔദ്യോഗികമായി പരിചയപ്പെടുത്തിയിരിക്കുകയാണ്. മോട്ടോര്‍സൈക്കിള്‍ പുതുതലമുറ ബൈക്ക് യാത്രക്കാര്‍ക്കുള്ളതാണെന്നാണ് കമ്പനി പറയുന്നത്. ഇന്ത്യയിലെ ബ്രാന്‍ഡില്‍ നിന്നുള്ള ഏറ്റവും താങ്ങാനാവുന്ന മോട്ടോര്‍സൈക്കിളാണിത്. ഭാരം കുറവും സവാരി ചെയ്യാനുള്ള എളുപ്പവും മികച്ച ഫീച്ചറുകളും പുതിയ അപ്രീലിയ ഞട 457 ന്റെ ശക്തമായ പോയിന്റുകളാണെന്ന് കമ്പനി അവകാശപ്പെട്ടു. മഹാരാഷ്ട്രയിലെ ബാരാമതിയില്‍ സ്ഥിതി ചെയ്യുന്ന പിയാജിയോ ഇന്ത്യയുടെ നിര്‍മാണ പ്ലാന്റിലാണ് മോട്ടോര്‍സൈക്കിള്‍ പൂര്‍ണമായും നിര്‍മിക്കുന്നത്. ഇന്ത്യയില്‍ നടക്കുന്ന ഭാരത് മോട്ടോജിപിയോട് അനുബന്ധിച്ചാണ് അപ്രീലിയ RS 457 മോട്ടോര്‍സൈക്കിളിന്റെ അവതരണം നടന്നത്. വില പ്രഖ്യാപനം ഉണ്ടായിട്ടില്ലെങ്കിലും സ്പോര്‍ട് ബൈക്കിനായുള്ള ബുക്കിംഗ് കമ്പനി ആരംഭിച്ചിട്ടുണ്ട്.
RS 660, RSV4 എന്നിവയില്‍ നിന്ന് പ്രചോദനം ഉള്‍ക്കൊണ്ടതാണ് പുതിയ അപ്രീലിയ RS 457. ഇന്റഗ്രേറ്റഡ് ടേണ്‍ സിഗ്‌നലുകളോട് കൂടിയ, ഏറ്റവും പുതിയ അപ്രീലിയ തലമുറയുടെ സിഗ്‌നേച്ചര്‍ ലൈറ്റിംഗ് ശൈലി ഫീച്ചര്‍ ചെയ്യുന്ന ഫുള്‍ എല്‍ഇഡി ഫ്രണ്ട് ഹെഡ്ലൈറ്റ് ഇതിലുണ്ട് . സുതാര്യമായ വിസറിന് മുകളിലുള്ള അതേ സ്പ്ലിറ്റ് എല്‍ഇഡി ഹെഡ്ലൈറ്റുകള്‍ ഇതിലുണ്ട്.
മികച്ച എയറോഡൈനാമിക്സിനായി, ആര്‍എസ് 457-ന് ഹാന്‍ഡില്‍ബാറിന് താഴെയുള്ള സൈഡ് ഫെയറിംഗുകളില്‍ ചെറിയ ഫിന്‍ പോലുള്ള വെന്റുകള്‍ ലഭിക്കുന്നു. ആര്‍എസ് 457 പിന്‍സീറ്റിലെ ഫുട്പെഗുകള്‍, കുറഞ്ഞ ക്ലിപ്പ്-ഓണുകള്‍ എന്നിവയ്ക്കൊപ്പം ശരിയായ റൈഡര്‍ സ്റ്റാന്‍സ് വാഗ്ദാനം ചെയ്യുന്നു. ആറ് സ്പീഡ് ഗിയര്‍ബോക്സുമായി ഘടിപ്പിച്ച 457 സിസി, ഇരട്ട സിലിണ്ടര്‍, ലിക്വിഡ് കൂള്‍ഡ് എഞ്ചിനാണ് അപ്രീലിയ ആര്‍എസ് 457 ന് കരുത്തേകുന്നത്. ഇതിന് 47 ബിഎച്ച്പി ഉത്പാദിപ്പിക്കുന്ന 270 ഡിഗ്രി ക്രാങ്ക് ലഭിക്കുന്നു. ക്ലച്ച്ലെസ്സ് അപ്ഷിഫ്റ്റുകള്‍ക്കായി ഒരു ഓപ്ഷണല്‍ ക്വിക്ക്ഷിഫ്റ്റര്‍ ഇതില്‍ സജ്ജീകരിച്ചിരിക്കുന്നു. മാറാവുന്ന ത്രീ-ലെവല്‍ ട്രാക്ഷന്‍ കണ്‍ട്രോള്‍, റൈഡ് മോഡുകള്‍, റൈഡ്-ബൈ-വയര്‍, എബിഎസ് എന്നിവയാണ് ബൈക്കിന്റെ മറ്റ് സവിശേഷതകള്‍. സ്മാര്‍ട്ട്ഫോണ്‍ കണക്റ്റിവിറ്റിയുള്ള അഞ്ച് ഇഞ്ച് ടിഎഫ്ടി സ്‌ക്രീനില്‍ റൈഡര്‍മാര്‍ക്ക് ഈ ബിറ്റുകളെല്ലാം നിരീക്ഷിക്കാന്‍ സാധിക്കും.
