തിരുവനന്തപുരം:
നിയമസഭാ മാർച്ചുമായി ബന്ധപ്പെട്ട് നഗരത്തിൽ 08.10.2024 രാവിലെ മുതൽ ഗതാഗത ക്രമീകരണങ്ങൾ ഏർപ്പെടുത്തിയിരിക്കുന്നു.
യു.ഡി.വൈ.എഫ് ന്റെ നേതൃത്വത്തിൽ സ്പെൻസർ ജംഗ്ഷൻ ഭാഗത്തു നിന്നും നിയമ സഭയിലേക്കുള്ള നടക്കുന്ന മാർച്ചുമായി ബന്ധപ്പെട്ട് തിരുവനന്തപുരം നഗരത്തിൽ 08.10.2024 തീയതി രാവിലെ മാർച്ച് ആരംഭിക്കുന്ന സമയം മുതൽ സമാപിക്കുന്നതുവരെ വാഹന ഗതാഗത ക്രമീകരണങ്ങൾ ഏർപ്പെടുത്തിയിരിക്കുന്നു. നിയമസഭാ മാർച്ചുമായി ബന്ധപ്പെട്ട് നഗരത്തിൽ പ്ലാമൂട്, പി.എം.ജി, ജി.വി രാജ, കുറവൻകോണം, കവടിയാർ , വെള്ളയമ്പലം, മ്യൂസിയം, നന്ദാവനം, പഞ്ചാപുര, ബേക്കറി ജംഗ്ഷൻ, പാളയം, സ്റ്റാച്യൂ, ജനറൽ ഹോസ്പിറ്റൽ ജംഗ്ഷൻ, ഓവർബ്രിഡ്ജ്, തമ്പാനൂർ എന്നീ സ്ഥലങ്ങളിൽ തിരക്ക് അനുഭവപ്പെടാൻ സാദ്ധ്യതയുള്ളതിനാൽ വാഹനങ്ങൾ വഴി തിരിച്ചു വിടുന്നതും തിരക്ക് കഴിയുന്ന മുറയ്ക്ക് ഗതാഗതം പുന:സ്ഥാപിക്കുന്നതുമാണ്.
• പട്ടം ഭാഗത്തു നിന്നും കിഴക്കേകോട്ട, തമ്പാനൂർ ഭാഗത്തേക്ക് പോകേണ്ട കെ.എസ്.ആർ.റ്റി.സി ബസുകൾ ഉൾപ്പടെയുള്ള വലിയ വാഹനങ്ങൾ പട്ടം-കുറവൻകോണം-കവടിയാർ-വെള്ളയമ്പലം-വഴുതക്കാട് വഴി പോകേണ്ടതാണ്. ചെറിയവാഹനങ്ങൾ (LMV) പി.എം.ജി- ലാകോളേജ് ജംഗ്ഷൻ -മുളവന-മിരാൻഡ ജംഗ്ഷൻ -പാറ്റൂർ-വഞ്ചിയൂർ വഴി പോകേണ്ടതാണ്.
• കിഴക്കേകോട്ട, തമ്പാനൂർ ഭാഗത്തു നിന്നും പട്ടം, പേരൂർക്കട ഭാഗത്തേക്ക് പോകേണ്ട കെ.എസ്.ആർ.റ്റി.സി ബസുകൾ ഉൾപ്പടെയുള്ള വാഹനങ്ങൾ ഓവർബ്രിഡ്ജ് – തമ്പാനൂർ – ഫ്ളൈ ഓവർ – തൈക്കാട് – മേട്ടുക്കട -വഴുതക്കാട് -വെള്ളയമ്പലം – കവടിയാർ വഴി പോകേണ്ടതാണ്.
• കിഴക്കേകോട്ട , തമ്പാനൂർ ഭാഗത്തുനിന്നും ചാക്ക ഭാഗത്തേക്ക് പോകേണ്ട കെ.എസ്.ആർ.റ്റി.സി ബസുകൾ ഉൾപ്പടെയുള്ള വാഹനങ്ങൾ ഓവർബ്രിഡ്ജ്- ആയുർവേദ കോളേജ് – കുന്നുംപുറം- ഉപ്പിടാംമൂട്- വഞ്ചിയൂർ – പാറ്റൂർ വഴി പോകേണ്ടതാണ്.
• സ്റ്റാച്യൂ ഭാഗത്തു നിന്നും ചാക്ക ഭാഗത്തേക്കു് പോകേണ്ട ഇരുചക്രവാഹനങ്ങളും ചെറിയ വാഹനങ്ങളും (LMV) സ്റ്റാച്യൂ- ജനറൽ ആശുപത്രി ജംഗ്ഷൻ -പാറ്റൂർ – പേട്ട വഴിയും പട്ടം ഭാഗത്തക്ക് പോകേണ്ട ഇരുചക്രവാഹനങ്ങളും ചെറിയ വാഹനങ്ങളും(LMV) സ്റ്റാച്യൂ- ജനറൽ ആശുപത്രി ജംഗ്ഷൻ -പാറ്റൂർ -തമ്പുരാൻമുക്ക് -മുളവന-ഗൗരീശപട്ടം വഴിയോ പോകേണ്ടതാണ്.
• ആയുർവേദ കോളേജ് ഭാഗത്തു നിന്നും പാളയം ഭാഗത്തേക്ക് വരുന്ന ഇരുചക്രവാഹനങ്ങളും ചെറിയ വാഹനങ്ങളും (LMV) പുളിമൂട് ഭാഗത്തു നിന്നും ഗവൺമെന്റ് പ്രസ് റോഡ്- ഹൗസിംഗ് ബോർഡ് ജംഗ്ഷൻ – മോഡൽ സ്കൂൾ വഴി പോകേണ്ടതാണ്.
നിയമസഭാ മാർച്ചുമായി ബന്ധപ്പെട്ട് വരുന്ന വാഹനങ്ങൾ പ്രവർത്തകരെ ഇറക്കിയശേഷം പാർക്ക് ചെയ്യേണ്ട സ്ഥലങ്ങൾ
1) എ.കെ.ജി ജംഗ്ഷൻ മുതൽ പാറ്റൂർ വരെയുള്ള റോഡിന്റെ ഇടതു വശം
2) മൻമോഹൻ ബംഗ്ലാവ് മുതൽ കവടിയാർ വരെ റോഡിന്റെ ഇരുവശങ്ങളിലും
3) പി.എം.ജി മുതൽ ലോ കോളേജ് ജംഗ്ഷൻ വരെ റോഡിന്റെ ഇരുവശങ്ങളിലും
4) ചാക്ക ഐ.റ്റി.ഐ ജംഗ്ഷൻ മുതൽ ആൾസെയിന്റ്സ് കോളേജ് ജംഗ്ഷൻ വരെയുള്ള റോഡിന്റെ ഇടതുവശം
ഗതാഗത നിയന്ത്രണം എർപ്പെടുത്തിയിട്ടുള്ള റോഡുകളിൽ രാവിലെ 08.00 മണി മുതൽ വാഹന പാർക്കിംഗ് അനുവദിക്കുന്നതല്ല. പാർക്ക് ചെയ്യുന്ന വാഹനങ്ങൾ റിക്കവറി വാഹനം ഉപയോഗിച്ച് നീക്കം ചെയ്ത് നിയമനടപടികൾ സ്വീകരിക്കുന്നതാണ്.
തിരുവനന്തപുരം സിറ്റി പോലീസിന്റെ ഗതാഗത ക്രമീകരണങ്ങളോട് പൊതുജനങ്ങൾ സഹകരിക്കേണ്ടതാണ്.
ട്രാഫിക് ക്രമീകരണങ്ങളുടെ വിവരങ്ങൾ അറിയുന്നതിലേക്ക് പൊതുജനങ്ങൾക്ക് 04712558731, 9497930055 എന്നീ ഫോൺ നമ്പരുകളിൽ‍ ബന്ധപ്പെടാവുന്നതാണ്