ആൾക്കൂട്ടത്തിലേക്കോ പൊതുവിടത്തിലേക്കോ പോകാൻ നിങ്ങൾ ഭയപ്പെടുന്നുണ്ടോ? അങ്ങനെയാണെങ്കിൽ, ഇത് ഒരു മാനസികാരോഗ്യ പ്രശ്നത്തെ സൂചിപ്പിക്കുന്നു.
ഈ അവസ്ഥയിൽ വ്യക്തി പലപ്പോഴും ആളുകളുടെ മുന്നിൽ ഉത്കണ്ഠാകുലനാകും. ഇത്തരത്തിലുള്ള ഭയത്തിൽ നിന്നും പുറത്തു കടക്കേണ്ടത് അനിവാര്യമാണ്. നിങ്ങൾ എങ്ങനെയാണോ സ്വയം അംഗീകരിക്കണമെന്ന് നിങ്ങൾ മനസ്സിലാക്കേണ്ടത് പ്രധാനമാണ്. എങ്കിൽ മാത്രമേ ഈ ഭയത്തിൽ നിന്ന് മുക്തി നേടാനാകൂ. പലപ്പോഴും, കുട്ടിക്കാലം മുതൽ, ഒരു വ്യക്തിയുടെ മനസ്സ് തനിക്ക് ചില പോരായ്മകളുണ്ടെന്ന് സ്വയം കരുതുന്നു. അതുമൂലം ഭാവിയിൽ ആളുകളെ അഭിമുഖീകരിക്കാൻ കഴിയാതെ വരികയും ചെയ്യുന്നു, കാരണം ആളുകൾ തന്റെ കുറവുകളുടെ അടിസ്ഥാനത്തിൽ തന്നെ വിലയിരുത്തുമെന്ന് അയാൾക്ക് തോന്നുന്നു. അത്തരമൊരു വ്യക്തി ആളുകളുടെ മുന്നിൽ പോകാൻ ഭയപ്പെടുകയും മിക്കവാറും തനിച്ചിരിക്കാൻ ഇഷ്ടപ്പെടുകയും ചെയ്യുന്നു. ഈ ഭയവും ഏകാന്തതയും അവനെ മാനസികാരോഗ്യവുമായി ബന്ധപ്പെട്ട പല രോഗങ്ങൾക്കും ഇരയാക്കുന്നു.
ഇത്തരം മാനസികാരോഗ്യ പ്രശ്നത്തിന് അടിമായണോ നിങ്ങളെന്ന് ഇങ്ങനെ കണ്ടുപിടിക്കാം. ഒരുപാട് സുഹൃത്തുക്കൾ ഉണ്ടായിട്ടും ജീവിതത്തിൽ ഏകാന്തത അനുഭവപ്പെടുന്നു. ആളുകളുടെ മുന്നിൽ നിൽക്കുമ്പോൾ പോലും നോട്ടം ഒഴിവാക്കുന്നതും അവരോട് സംസാരിക്കാതിരിക്കുന്നതും മാനസികാരോഗ്യ പ്രശ്നത്തെ സൂചിപ്പിക്കുന്നു. ഏതൊരു ബന്ധത്തിലും മറ്റൊരാൾ ആഗ്രഹിക്കുന്ന കാര്യങ്ങളിൽ മാത്രം ശ്രദ്ധ കേന്ദ്രീകരിക്കുക, എന്നാൽ ആ ബന്ധത്തിൽ നിന്ന് നിങ്ങൾ ആഗ്രഹിക്കുന്നത് അവഗണിക്കുക. ആരെങ്കിലും നിങ്ങളെ നിരസിക്കുന്നതിന് മുമ്പ് തന്നെ ആ ബന്ധത്തിൽ അകലം സൃഷ്ടിക്കുന്നതും ഈ മാനസിക രോഗത്തിന്റെ ലക്ഷണമാണ്.
ഈ ലക്ഷണങ്ങൾ നിങ്ങളിൽ ദൃശ്യമാണെങ്കിൽ, ആളുകളുടെ മുന്നിൽ പോയി അവരെ അഭിമുഖീകരിക്കാൻ നിങ്ങൾ ഭയപ്പെടുന്നു എന്നാണ്. ഈ ലക്ഷണങ്ങൾ അവഗണിക്കരുത്, കാരണം നിങ്ങൾ അങ്ങനെ ചെയ്താൽ ഗുരുതരമായ മാനസികാരോഗ്യ പ്രശ്നങ്ങൾക്ക് നിങ്ങൾ ഇരയായേക്കാം.
