Advertisement
പോരുവഴി:വണ്ടിപ്പെരിയാർ – ഭരണിക്കാവ് ദേശീയ പാതയിൽ ശാസ്താംനട ജംഗ്ഷനിൽ മുറിച്ചു മാറ്റിയ കൂറ്റൻ മരം പാതയോരത്ത് ഉപേക്ഷിച്ചത് അപകട ഭീഷണിയാകുന്നു.ഒരു മാസത്തിൽ അധികമായി മരം മുറിച്ചു മാറ്റിയിട്ട്.ഇതിൻ്റെ കൂറ്റൻ വണ്ണമുള്ള തായ തടികളാണ് തിരക്കേറിയ ജംഗ്ഷനിൽ ബസ് സ്റ്റോപ്പിനു മുൻപിൽ അലക്ഷ്യമായി ഇട്ടിരിക്കുന്നത്.
സ്കൂൾ കുട്ടികൾ ഉൾപ്പെടെ നിരവധി യാത്രക്കാർ ഇവിടെയാണ് ബസ് കയറാൻ നിൽക്കുന്നത്.ബസ്സുകൾ എത്തുമ്പോൾ കയറാനായി ഓടിയെത്തുന്നവർ തടിയിൽ തട്ടി വീഴുന്നത് പതിവാണ്.മാത്രമല്ല തിരക്കേറിയ പാതയിൽ രാത്രികാലങ്ങളിൽ വാഹനാപകടങ്ങളും പതിവാണ്.തടിയിൽ റിഫ്ളക്ടർ പോലും സ്ഥാപിക്കാത്തതും അപകടങ്ങൾക്ക് കാരണമാകുന്നു.അടിയന്തിരമായി മുറിച്ചിട്ടിരിക്കുന്ന മരം ഇവിടെ നിന്നും മാറ്റണമെന്ന് നാട്ടുകാർ ആവശ്യപ്പെട്ടു.
Advertisement
