ശാസ്താംകോട്ട – കാട്ടുപന്നി ഭീഷണിമൂലം കൃഷി ഇറക്കാനാകാതെ കർഷകർ നട്ടം തിരിയുമ്പോഴും സർക്കാർ അനങ്ങാപ്പാറനയം സ്വീകരിക്കുകയാണെന്ന് കർഷക കോൺഗ്രസ്. സംസ്ഥാന സർക്കാരിൻ നിക്ഷിപ്തമായ അധികാരം ഉപയോഗിച്ച് അക്രമികാരികളായ വന്യജീവികളെ അമർച്ച ചെയ്യാൻ നടപടി സ്വീകരിക്കണമെന്നും കർഷക കോൺഗ്രസ് ജില്ലാ പ്രസിഡന്റ് കാഞ്ഞിരംവിള ഷാജഹാൻ ആവശ്യപ്പെട്ടു. കുന്നത്തൂർ നിയോജക മണ്ഡലം കർഷക കോൺഗ്രസ് കമ്മിറ്റിയുടെ ആഭിമുഖ്യത്തിൽ നടത്തിയ സമര പ്രഖ്യാപന കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കർഷക കോൺഗ്രസ് ജില്ലാ വൈസ് പ്രസിഡന്റ് എസ്. സുഭാഷിന്റെ അധ്യക്ഷതയിൽ ചേർന്ന യോഗത്തിൽ കർഷക കോൺഗ്രസ് നിയോജക മണ്ഡലം പ്രസിഡന്റായി തെരഞ്ഞെടുക്കപ്പെട്ട കലാധരൻപിളള സംസ്ഥാന മത്സ്യ കർഷക അവാർഡ് നേടിയ സേതുനാഥ് എന്നിവരെ അനുമോദിച്ചു. യോഗത്തിൽ ബ്ലോക്ക് പ്രസിഡന്റ് വൈ. ഷാജഹാൻ, കല്ലട വിജയൻ ഡി സി സി ഭാരവാഹികളായ പി. കെ. രവി, കാഞ്ഞിരംവിള അജയകുമാർ, തോമസ് വൈദ്യൻ, തൃദീപ് കുമാർ, ദിനേഷ്ബാബു, തുണ്ടിൽ നൗഷാദ്, ബിനി അനിൽ, ചന്ദ്രൻ കല്ലട, ജോസ് വടക്കടം, ശാന്തകുമാരി, കൊമ്പിപ്പിള്ളിൽ സന്തോഷ്, സുരേഷ് ചന്ദ്രൻ എന്നിവർ സംസാരിച്ചു

ശാസ്താംകോട്ട:കടപുഴ പാലത്തിൽ നിന്നും കല്ലടയാറ്റിൽ ചാടി തേവലക്കര സ്വദേശിയായ യുവാവ് മരിച്ചു.
തേവലക്കര പ്ലാച്ചേരിൽ അനീഷ് കൃഷ്ണൻ (38) ആണ് മരിച്ചത്.ഇന്ന് പകൽ 12 ഓടെയാണ് ഇയ്യാൾ ആറ്റിലേക്ക് ചാടിയത്.അമിത മദ്യപാനത്തിന് ചികിത്സയിലായിരുന്നുവെന്നും മാനസിക പ്രശ്നമുള്ള ആളാണെന്നും പോലീസ് പറയുന്നു.ഭാര്യയുമായി പിണങ്ങി കഴിയുകയാണ്.മൃതദേഹം താലൂക്ക് ആശുപത്രി മോർച്ചറിയിൽ.